4
ዬሱሳ ፓጬቴꬅ
(ማር 1፡12-13፤ ሉቃ 4፡1-13)
1 ሄሳፌ ጉዬ ጺሎ ኣያናይ ጻላኤን ፓጬታና ማላ ዬሱሳ ዱጌ ባዞ ቢታ ኤፊዴስ። ኢብ 2፡18፤ 4፡15 2 ኦይዱ ታሙ ጋላሲኔ ኦይዱ ታሙ ቃማ ጾሚዳፔ ጉዬ ዬሱሲ ጋፊዴስ። 3 ፓጪዛይሲ ዬሱሳኮ ሺቂዲ፥ «ኔ ጾሳ ና ጊዲኮ ኣኔ ሃይታ ሹቻታ ኡኬꬅ ጊዳና ማላ ኣዛዛ» ጊዴስ።
4 ዬሱሲካ፥ « ‹ኣሲ ጾሳ ዶናፔ ኬዚዛ ቃላንፔ ኣቲን ካꬃን ጻላ ዴና› ጌቴቲ ጻፌቲዴስ» ጊዲ ኢዛስ ዛሪዴስ። ዛሬ 8፡3
5 ቃሴካ ጻላኤይ ዬሱሳ ጌሻ ካታማዮ ኤፊ ጾሳ ኬꬃ ቁስቴ ቦላ ኬሲዲ፥ 6 «ኔ ጾሳ ና ጊዲኮ ኣኔ ሃይሳፌ ዱጌ ጉፓ፤ ኣይስ ጊኮ
« ‹ኔ ቶሆይ ሹቻን ꬉጴቶንታ ማላ
ኪታንቻቲ ባ ኩሼራ ኔና
ኦይኪ ዴንꬃና ማላ ኔ ጊሻስ
ጾሲ ባ ኪታንቻ ኪታና›
ጌቴቲ ጻፌቲዴስ» ጊዴስ። ማዛ 91፡11-12
7 ዬሱሲካ፥ «ጌሻ ማጻፋን፥ ‹ጎዳ ኔ ጾሳ ፓጮፋ› ጌቴቲ ጻፌቲዴስ» ጊዲ ዛሪዴስ። ዛሬ 6፡16
8 ቃሴካ ጻላኤይ ዬሱሳ ኬሂ ꬎቃ ዙማ ቦላ ኬሲዲ ሳሎ ጉፋንꬆን ዲዛ ካዎቴꬃ ቦንቾዛራ ኡባ ኤሂ ቤሲዲ፥ 9 «ኔ ኩንዳዳ ታስ ጎይኒኮ ሃይሳ ኡባ ታ ኔስ ኢማና» ጊዴስ።
10 ዬሱሲ፥ «ሃይሶ ጻላኤ! ታ ሲንꬃፌ ኔ ሃካ! ‹ኔኒ ጎዳ ኔ ጾሳስ ጎይና፤ ኢዛስ ጻላላ ኣዛዜታ› ጌቴቲ ጌሻ ማጻፋን ጻፌቲዴስ» ጊዴስ። ዛሬ 6፡13
11 ሄሳፌ ጻላኤይ ኢዛ ኣጊዲ ቢዴስ፤ ኪታንቻቲካ ዪዲ ኢዛ ማዲዳ።
ዬሱሲ ሳባኮ ዶሜꬅ
(ማር 1፡14-15፤ ሉቃ 4፡14-15)
12 ዬሱሲ፥ ዮሃኒሲ ቃሼቲዳይሳ ሲዪዲ ጌዴ ጋሊላ ሲሚዴስ። ማቶ 14፡3፤ ማር 6፡17፤ ሉቃ 3፡19-20 13 ናዚሬቴ ካታማ ኣጊዲ ዛቢሎኔ ኒፍታሌሜ ሄራን ኣባ ማታን ዲዛ ቂፊርናሆሜ ካታማን ዱስ ኦይኪዴስ። ዮሃ 2፡12
14-16 «ሄሳን ዛቢሎኔኒኔ ኒፍታሌሜ ቢታን፥
«ዮርዳኖሴፔ ሄ ፒንꬃን
ኣባ ላንቄራ ኤፊዛ ኦጌ ማታን ዲዛ
ኣይዛቤ ጊዲዳ ጋሊላ ዴሬ ኣሳይ፥
ꬉማን ዲዛ ዴሬይ
ዎልቃማ ፖኦ ቤዪዴስ።
ሃይቆ ኩዋ ጊዶን ዲዛ ዴሬስ
ፖኦይ ፖኢዴስ»
ጌቴቲዲ ናቤ ኢሳያሳ ዶናን ካሴቲዲ ሃሳዬቲዳይሲ ፖሌቲዴስ።
17 ዬሱሲ ሄ ዎዴፔ ሃ ሲሚን፥ «ሳሎ ካዎቴꬂ ማቲዴስ፤ ማሮታን ጌሊቴ» ጊዲ ሳባኮ ኦይኪዴስ። ማቶ 3፡2
ኮይሮ ዬሱሳ ካሊዳይታ ጼይጌቴꬅ
(ማር 1፡16-20፤ ሉቃ 5፡1-11)
18 ዬሱሲ ጋሊላ ኣባ ላንቄራ ኣꬊሼ ናምኡ ኢሻንታ፥ ሄይቲካ ጴጽሮሳ ጌቴቲዛ ሲሞናኔ ኢዛ ኢሻ ኢንዲራሳ ቤዪዴስ። ኢስቲካ ሞሌ ኦይኪዛይታ ጊዲዳ ጊሻስ ሞሌ ኦይኪዛ ጊቴ ኣባን ዬጊሼ ዴቴስ። 19 ዬሱሲ ኢስታ፥ «ሃ ዪቴ! ታና ካሊቴ! ታ ኢንቴና ኣስ ኦይኪዛ ኣስ ኬሳና» ጊዴስ። 20 ኢስቲ ሄራካ ሞሌ ኦይኪዛ ጊቴዛ ዬጊ ኣጊዲ ዬሱሳ ካሊዳ።
21 ጉꬅ ሲንꬄ ቢሼ ሃራ ናምኡ ኢሻንታ ዛብዶሳ ና ናምኣታ ያቆቤኔ ዮሃኒሳ ቤዪዴስ፤ ኢስቲካ ባ ኣዋ ዛብዶሳራ ዎጎሎ ጊዶን ሞሌ ጊቴ ሎኤꬄቴስ። ዬሱሲካ ኢስታ ጼይጊን 22 ኢስቲ ሄራካ ዎጎሎዛኔ ባ ኣዋ ኣጊዲ ኢዛ ካሊዳ።
ዬሱሲ ሃርጊዛይታ ፓꬂዴስ
(ሉቃ 6፡17-19)
23 ዬሱሲ ኣይሁዳታ ኢስታ ዎሳ ኬꬃን ታማርሲሼኔ ካዎቴꬃ ሚሺራቾ ቃላ ሳባኪሼ ቃሴ ዴሬ ጊዶን ኣይ ሃርጌይካ ሳኪዛይታ ፓꬂሼ ኩሜꬃ ጋሊላን ዩዪዴስ። ማቶ 9፡35፤ ማር 1፡39 24 ሄሳ ጋሶን ሎኦ ናሾይ ኩሜꬃ ሶሪያ ቢታን ሲዬቲዴስ፤ ዴሬይካ ዱማ ዱማ ሳኮን ዳሮ ዋዬቲዛይታ፥ ዳይዳንꬂ ኢስታን ጌሊዳይታ፥ ቢጮ *ቢጮ፡ ቢጮ ጌቴቲዛይሲ ኢሲ ኢሲ ባጋ ጋሞꬆን ኪሮ ዎይኮ ቡꬁንꬃ ሃርጌ ጌቴቴስ። ሃርጌይ ዲዛይታኔ ሲሊዳይታ ኢዛኮ ኤሂን ኡባካ ፓꬂዴስ። 25 ሄሳፌ ዴንዲዳይሳን ጋሊላፔ፥ ታሙ ካታማታፔ፥ †ታሙ ካታማፔ፡ ታሙ ካታማታፔ ጌቴቲዛይሲ ጊሪኬ ቃላ ሃሳይዛይቲኔ ኣይሁዳ ጊዶንታ ዴሬቲ ኢሲፌ ዲዛሶይ ታሙ ካታማታ ጌቴቴስ። ሄ ካታማታፔ ዳሮ ባጋቲ ጋሊላ ኣባፌ ኣርሼይ ጌሊዛሶ ባጋራኔ ፑዴሃ ባጋራ ኡሻቻ ቦላ ዴቴስ። ዬሩሳላሜፔኔ ዩሁዳፔ፥ ዮርዳኖሴ ሻፋ ፒንꬃፌ ዪዳ ዳሮ ኣሳይ ኢዛ ካሊዴስ።
4:1 ኢብ 2፡18፤ 4፡15
4:4 ዛሬ 8፡3
4:6 ማዛ 91፡11-12
4:7 ዛሬ 6፡16
4:10 ዛሬ 6፡13
4:12 ማቶ 14፡3፤ ማር 6፡17፤ ሉቃ 3፡19-20
4:13 ዮሃ 2፡12
4:17 ማቶ 3፡2
4:23 ማቶ 9፡35፤ ማር 1፡39
*4:24 ቢጮ፡ ቢጮ ጌቴቲዛይሲ ኢሲ ኢሲ ባጋ ጋሞꬆን ኪሮ ዎይኮ ቡꬁንꬃ ሃርጌ ጌቴቴስ።
†4:25 ታሙ ካታማፔ፡ ታሙ ካታማታፔ ጌቴቲዛይሲ ጊሪኬ ቃላ ሃሳይዛይቲኔ ኣይሁዳ ጊዶንታ ዴሬቲ ኢሲፌ ዲዛሶይ ታሙ ካታማታ ጌቴቴስ። ሄ ካታማታፔ ዳሮ ባጋቲ ጋሊላ ኣባፌ ኣርሼይ ጌሊዛሶ ባጋራኔ ፑዴሃ ባጋራ ኡሻቻ ቦላ ዴቴስ።