10
ዬሱሳ ካሊዛ ታማኔ ናምኣታ ኪቴቴꬅ
(ማር 3፡13-19፤ ሉቃ 6፡12-16)
1 ዬሱሲ ባና ካሊዛ ታማኔ ናምኣታ ባኮ ጼይጊዲ፥ ኢስቲ ቱና ኣያናታ ኬሳና ማላ ቃሴካ ሳኮፔኔ ሃርጌፌ ፓꬃና ማላ ኢስታስ ጎዳቴꬅ ኢሚዴስ። 2 ታማኔ ናምኡ ሃዋሬታ ሱንꬃይ ሃይሳፌ ካሊዛይሳ፤ ኮይሮይ ጴጽሮሳ ጌቴቲዛ ሲሞና፥ ኢዛ ኢሻ ኢንዲራሳ፥ ዛብዶሳ ና ያቆቤኔ ኢዛ ኢሻ ዮሃኒሳ፥ 3 ፒሊጶሳኔ ባርቴሌሞሳ፥ ቶማሳኔ ቃራጻ ሺሺዛ ማቶሳ፥ ኢልፊዮሳ ና ያቆቤኔ ታዶሳ፥ 4 ባ ባጋስ ሚሼቲዛ ሲሞናኔ *ባ ባጋስ ሚሼቲዛ ሲሞና፡ ሃይሲ ሃ ሱንꬃይ ጉጄቲዳይ ኢሲ ኢሲ ኣሳቲ ኢዚ ባ ሃይማኖቴዛስ ሚሼቲዛ ጊሻሳ ጌቴስ። ሃራቲ ቃሴ ኢዚ ኣስ ኣይሌቴꬃፌ ኬሲዛ ኢሲ ዲርጂቴ ጊዶን ዲዛ ጊሻሳ ጌቴስ። ጉዬፔ ዬሱሳ ሃይቆስ ኣꬂ ኢሚዳ ኣስቆሮንቶ †ኣስቆሮንቶ፡ ሃይሳ ሃ ቃላ ጊሻስ ሺቂዛ ናምኡ ቆፋቲ ዴቴስ፤ ኢሶይ ዩሁዳይ ኣስቆሮንቶ ጌቴቲዛ ዴሬፔ ዪዳይሳ ቤሳናስ ጎኤቲሺን ሃራቲ ቃሴ ዩሁዳ ዎርዳንቻኔ ባሌꬂዛይሳ ጊዲ ጫያናስ ጎኤቲዛ ሱንꬃ ጌቴስ። ዩሁዳ።
5 ሃይታ ታማኔ ናምኣታ ኡባ፥ «ኣይዛቤታ ጊዶ ቦፒቴ፤ ሳማሪያ ኣሳ ካታማ ጌሎፒቴ። 6 ጊዶ ኣቲን ኢስራኤሌ ዴራ ጋርሳፌ ꬋይዳ ዶርሳታኮ ቢቴ። 7 ቢዲኔ፥ ‹ሳሎ ካዎቴꬂ ማቲዴስ!› ጊዲ ሳባኪቴ። ሉቃ 10፡4-12 8 ሃርጋንቻታ ፓꬂቴ፥ ሃይቂዳይታ ሃይቆፔ ዴንꬂቴ፥ ኢንቺራቻ ሃርጊዛይታ ጌሺቴ፤ ዳይዳንꬃታ ኬሲቴ፤ ኢንቴ ሜላ ኤኪዳይሳ ሜላ ኢሚቴ፤ 9 ዎርቃ፥ ቢራ ዎይኮ ጻርቂማላ ጊዲን ኢንቴ ኪሴን ኦይኮፍቴ። 10 ኦሳንቻስ ሃቺስ ሃቺስ ጊዲዛዝ ኮሺዛ ጊሻስ ኢንቴ ኦጌስ ጊዲ ሺንቄ፥ ኮሾንታ ማይኦ፥ ጫማ ዎይኮ ጉፌ ኤኪ ቦፒቴ። 1ቆሮ 9፡14፤ 1ጺም 5፡18
11 «ኢሲ ካታማ ዎይኮ ኢሲ ጉታ ኢንቴ ጌሊዛ ዎዴ ኢንቴና ሞካናዴ ኮዪ ዴሚዲ ኢዛ ኬꬃን ሼምፒቴ፤ ሄፔ ኬዛና ጋካናስ ሄን ዲሺቴ። 12 ኢንቴ ኦና ኬꬂካ ጌልሼ፥ ‹ሳሮ› ጊቴ። 13 ሄ ኬꬃይ ሳሮታይ ቤሲዛ ኬꬄ ጊዲኮ ኢንቴ ሳሮታይ ሄ ኬꬃስ ጊዶ፤ ሳሮታይ ቤሶንታ ኬꬄ ጊዲኮ ኢንቴ ሳሮታይ ኣጊ ኢንቴስ ሲሞ። 14 ኣይ ኣሲካ ኢንቴና ሞኪ ኤካናሲኔ ኢንቴ ጊዛ ሲያናስ ኮዮንታዴ ጊዲኮ ሄሳዴ ኬꬃፌ ዎይኮ ሄ ካታማፔ ኬዚሼ ኢስታ ቦላ ዪዛ ጎሜፔ ኢንቴ ኣቲዳይሳስ ማርካ ጊዳና ማላ ኢንቴ ቶሆ ቦላ ዲዛ ጉዱላ ፒቲዲ ኬዚቴ። ሃዋ 13፡51 15 ታ ኢንቴስ ቱሙ ጋይስ፤ ፒርዳ ጋላስ ሄ ካታማይ ቦላ ጋካና ፒርዳይ ሶዶሜ ቦላኔ ጋሞራ ቦላ ጋኪዳ ፒርዳፌ ዴጾ ጊዳና። ማቶ 11፡24
16 «ታ ኢንቴና ዶርሳ ማላ ካና ሱይቴታ ጊዶራ ኪታይስ። ሄሳ ጊሻስ ሾሻ ማላ ጪንጫታኔ ሃራጴ ማላ ኣሽኬታ ጊዲቴ። ሉቃ 10፡3 17 ኣሳይ ኢንቴና ኦይኪዲ ፒርዲዛ ዱላታስ ሺሻና፤ ኣይሁዳቲ ባ ዎሳ ኬꬃን ኢንቴና ጋራፋና፤ ሄሳ ጊሻስ ኢስታፌ ናጌቲቴ። ማር 13፡9-11፤ ሉቃ 12፡11-12፤ 21፡12-15 18 ታ ጋሶን ዴሬ ሃሪዛይታኮኔ ካዎታኮ ኢንቴና ኤፋና፤ ኢስታ ሲንꬃኒኔ ኣማኖንታ ኣሳታ ሲንꬃን ኢንቴ ማርካ ጊዳና። 19 ኢንቴና ኢስቲ ኦይኪዛ ዎዴ፥ ‹ኑ ኣይ ጊ ሃሳይኖ? ዎዝጊ ዛሮ ኢሚኖ?› ጊ ሂርጎፍቴ። ሄ ዎዴ ኢንቴ ጋናዚ ኢንቴስ ኢሜታና። 20 ኢንቴናን ሃሳያናይ ኢንቴ ኣዋ ኣያናፔ ኣቲን ኢንቴና ጊዴኬታ።
21 «ኢሻይ ባ ኢሻ ሃይቆስ ኣꬂ ኢማና፤ ኣዋይ ባ ና ቦላ፥ ናይቲ ባና ዬሊዳይታ ቦላ ማካላቴꬃን ዴንዲዲ ሃራ ኣሳን ዎꬊሳና። 22 ታ ጊሻስ ኣሲ ዉሪካ ኢንቴና ኢጻና። ጊዶ ኣቲን ዉርሴꬅ ጋካናስ ሚኒ ኤቂዳይ ኢዚ ኣታና። ማቶ 24፡9፤ ማር 13፡13፤ ሉቃ 21፡17 23 ኣሳይ ኢንቴና ኢንቴ ዲዛ ሄራፔ ጎዲኮ ሃራሶ ኪቺቴ! ታ ኢንቴስ ቱሙ ጋይስ፤ ኢንቴ ኢስራኤሌ ካታማ ኡባ ጋኮንታ ዲሺን ታ ኣሳ ናይ ያና።
24 «ኣሽካራይ ጎዳፔ ዎይኮ ካሊዛዴይ ካሌꬂዛዴፌ ኣꬌና።ሉቃ 6፡40፤ ዮሃ 13፡16፤ 15፡20 25 ታማሬይ ባና ታማርሲዛይሳ ማላ ዎይኮ ኣሽካራይ ባ ጎዳ ማላ ጊዲኮ ሄሲ ኢዛስ ጊዳና። ኬꬃ ኣዋ፥ ‹ቢኤሊዜቡላ› ጊኮ ኢዛ ሶ ኣሳ ኣይስ ሄሳፌ ኢታ ጌቴኔ!ማቶ 9፡34፤ 12፡24፤ ማር 3፡2፤ ሉቃ 11፡15
26 «ሄሳ ጊሻስ ኢስታስ ባቦፍቴ፤ ጌሜቲዳይ ቆንጮንታ ቆቴቲዳይ ጌሽ ኬዞንታ ኣቴና። ማር 4፡22፤ ሉቃ 8፡17 27 ታ ኢንቴስ ꬉማራ ዮቲዳይሳ ፖኦን ሃሳይቴ፤ ሃይꬃን ሲዪዳይሳ ቆንጬን ሃሳይቴ። 28 ኣሾ ዎꬊኮፌ ኣቲን ሼምፖ ዎꬋናስ ዳንዳዮንታይታስ ባቦፍቴ፤ ሄሳፌ ኣሾኔ ሼምፖ ጋꬂ ጋናሜ ታማን ꬋይሳናስ ዳንዳይዛይሳስ ባቢቴ። 29 ኢሲ ሳንቴን ባይዜቲዛ ናምኡ ሲኔ ካፎታፔ ኢሲኒያካ ኢንቴ ሳሎ ኣዋ ሼኔይ ባይንዳ ጮ ኩንዳ ኣቱኩ። ‡ሲኔ ካፎ፡ ሲኔ ካፎ ኢሲ ኢሲ ባጋ ጋሞꬆ ቃላን ሲኔ ጊዛይሲ ጋሼ ካፎ ጉሳ። 30 ሃራይ ኣቶሺን ኢንቴ ሁኤ ቢናናይካ ታይቦን ዴስ። 31 ሄሳ ጊሻስ ባቦፍቴ። ዳሮ ሲኔ ካፎታፔ ኢንቴ ዋጋይ ኣꬊ ቦንቼቲዳዛ።
32 «ኣሳ ሲንꬃን ታስ ማርካቲዛዴስ ታኒካ ሳሎን ዲዛ ታ ኣዋ ሲንꬃን ኢዛዴስ ማርካታና። 33 ቃሴ ኣሳ ሲንꬃን ታና ካዲዳዴ ታኒካ ሳሎን ዲዛ ታ ኣዋ ሲንꬃን ኢዛ ካዳና። 2ጺም 2፡12
34 «ታኒ ቢታ ቦላ ሳሮቴꬅ ኤሃናስ ዪዳ ኢንቴስ ሚሳቶፖ፤ ማሻ ኤሃናስ ኣቲን ሳሮቴꬅ ኤሃናስ ያቤኬ። 35 ታኒ ዪዳይ ና ኣዋፔ፥ ማጫ ና ኣይፔ፥ ና ማቾ ቦሎቲፔ ሻካናሳ። 36 ኣሳስ ሞርኬይ ሶ ኣሳ ጊዳና።
37 «ታፔ ኣꬂዲ ባ ኣዋ ዎይኮ ባ ኣዮ ሲቂዛዴይ ታስ ጊዳናስ ቤሴና። ታፔ ኣꬂዲ ባ ኣቱማ ና ዎይኮ፥ ማጫ ና ሲቂዛዴይ ታስ ጊዳናስ ቤሴና። 38 ባ ማስቃሌ ቶኪዲ ታና ካሎንታ ኣሲ ታስ ጊዳናስ ቤሴና። ማቶ 16፡24፤ ማር 8፡34፤ ሉቃ 9፡23 39 ባ ሼምፖ ኣሻናስ ኮይዛዴይ ꬋይሴስ፤ ባ ሼምፖ ታ ጊሻስ ኣꬂ ኢሚዛዴይ ኣሼስ። ማቶ 16፡25፤ ማር 8፡35፤ ሉቃ 9፡24፤ 17፡33፤ ዮሃ 12፡25
40 «ኢንቴና ሞኪ ኤኪዛዴይ ታናካ ሞኪ ኤኬስ። ታና ሞኪ ኤኪዛዴይ ታና ኪቲዳዴካ ሞኪ ኤኬስ። ማር 9፡37፤ ሉቃ 9፡48፤ ዮሃ 13፡20 41 ኢሲ ናቤ ናቤቴꬃን ሞኪ ኤኪዛዴይ ሄ ናቤዛ ዋጋ ዴማና። ጺሎ ኣስ ኢዛ ጺሎቴꬃ ጊሻስ ሞኪ ኤኪኮ ሄ ጺሎዛ ዋጋ ኤካና። 42 ሄሳ ጊሻስ ታ ኢንቴስ ቱሙ ጋይስ፤ ኦኒካ ሃይታ ጉꬃታፔ ታና ካሊዛዴ ጊዲዳ ጊሻስ ኢሲ ጹኣ ኢርጻ ሃꬅ ኡሺኮ ሂኒስካ ዋጋይ ꬋዬና» ጊዴስ።
*10:4 ባ ባጋስ ሚሼቲዛ ሲሞና፡ ሃይሲ ሃ ሱንꬃይ ጉጄቲዳይ ኢሲ ኢሲ ኣሳቲ ኢዚ ባ ሃይማኖቴዛስ ሚሼቲዛ ጊሻሳ ጌቴስ። ሃራቲ ቃሴ ኢዚ ኣስ ኣይሌቴꬃፌ ኬሲዛ ኢሲ ዲርጂቴ ጊዶን ዲዛ ጊሻሳ ጌቴስ።
†10:4 ኣስቆሮንቶ፡ ሃይሳ ሃ ቃላ ጊሻስ ሺቂዛ ናምኡ ቆፋቲ ዴቴስ፤ ኢሶይ ዩሁዳይ ኣስቆሮንቶ ጌቴቲዛ ዴሬፔ ዪዳይሳ ቤሳናስ ጎኤቲሺን ሃራቲ ቃሴ ዩሁዳ ዎርዳንቻኔ ባሌꬂዛይሳ ጊዲ ጫያናስ ጎኤቲዛ ሱንꬃ ጌቴስ።
10:7 ሉቃ 10፡4-12
10:10 1ቆሮ 9፡14፤ 1ጺም 5፡18
10:14 ሃዋ 13፡51
10:15 ማቶ 11፡24
10:16 ሉቃ 10፡3
10:17 ማር 13፡9-11፤ ሉቃ 12፡11-12፤ 21፡12-15
10:22 ማቶ 24፡9፤ ማር 13፡13፤ ሉቃ 21፡17
10:24 ሉቃ 6፡40፤ ዮሃ 13፡16፤ 15፡20
10:25 ማቶ 9፡34፤ 12፡24፤ ማር 3፡2፤ ሉቃ 11፡15
10:26 ማር 4፡22፤ ሉቃ 8፡17
‡10:29 ሲኔ ካፎ፡ ሲኔ ካፎ ኢሲ ኢሲ ባጋ ጋሞꬆ ቃላን ሲኔ ጊዛይሲ ጋሼ ካፎ ጉሳ።
10:33 2ጺም 2፡12
10:38 ማቶ 16፡24፤ ማር 8፡34፤ ሉቃ 9፡23
10:39 ማቶ 16፡25፤ ማር 8፡35፤ ሉቃ 9፡24፤ 17፡33፤ ዮሃ 12፡25
10:40 ማር 9፡37፤ ሉቃ 9፡48፤ ዮሃ 13፡20