1 ሄ ጋላስ ዬሱሲ ኬꬃፌ ካሬ ኬዚዲ ኣባ ላንቄን ኡቲዴስ። 2 ዳሮ ዴሬይ ኢዛ ዩዪ ኣꬊ ጊዶꬂዳ ጊሻስ ኣሳ ኣባ ጋጻን ኣጊዲ ዎጎሎ ጊዶ ጌሊ ኡቲዲ፥ ሉቃ 5፡1-3 3 ዳሮ ዮኦ ሌሚሶራ፥ «ኢሲ ጎሻንቻይ ዜሬꬅ ዜራናስ ኬዚዴስ። 4 ኢዚ ዜሪሺን ኢሲ ኢሲ ዜሬꬂ ኦጌ ዶናን ዎꬊን ካፎቲ ዪዲ ማጺ ሚዳ። 5 ኢሲ ኢሲ ዜሬꬂ ሜላኔ ሹቻቲዛ ቢታ ቦላ ዎꬊን ቢታይ ሜላ ቢታ ጊዲዳ ጊሻስ ኤሌ ጫሪዴስ። 6 ጊዶ ኣቲን ኣዋይ ኣዋቲን ሹሊዲኔ ጻጶ ዬዶንታ ኣጊዳ ጊሻስ ሜሊዴስ። 7 ኢሲ ኢሲ ዜሬꬃይ ኣጉንꬃ ጊዶን ዎꬊዴስ፤ ኣጉንꬃይካ ዲጪዲ ጫሬቻ ጩሊዴስ። 8 ሃራ ዜሬꬂካ ኣራዳ ቢታን ዎꬊዲ ኣይፌካ ኣይፊዴስ፤ ኢሶይ ጼቱ፥ ኢሶይ ኡሱፑን ታሙ፥ ኢሶይ ሄꬑ ታሙ ኣይፌ ኢሚዴስ። 9 ሲዪዛ ሃይꬂ ዲዛዴይ ሲዮ!» ጊ ዮቲዴስ።

10 ሄሳፌ ጉዬ ኢዛ ካሊዛይቲ ኢዛኮ ሺቂዲ፥ «ኔ ኣዛስ ሌሚሶራ ዮታይ?» ጊዳ።

11 ኢዚካ ኢስታስ፥ «ሳሎ ካዎቴꬃ ጹራ ኤሮይ ኢንቴስ ኢሜቲዴስ፤ ኢስታስ ጊዲኮ ኢሜቲቤና። 12 ዲዛዴስ ዲዛይሳ ቦላ ጉጄታናኔ ዳራና ሺን ባይንዳዴፌ ሂና ዲዛራካ ኤኬታይቻና። ማቶ 25፡29፤ ማር 4፡25፤ ሉቃ 8፡18፤ 19፡26 13 ታ ሃይሳꬆ ሌሚሶራ ዮቲዛይ ኢስቲ ሲዪሼ ኤዝጎንታ ጊሻሲኔ ጼሊሼ ዴሞንታ ጊሻሳ።

14-15 «ኢሳያሲ፥ ‹ኢንቴ ሲስ ሲያና ሺን

16 «ኢንቴ ኣይፌይ ጼሊዛ ጊሻሲኔ ኢንቴ ሃይꬃቲ ሲዪዛ ጊሻስ ኢንቴ ኣንጄቲዳይታ። 17 ታ ኢንቴስ ቱሙ ጋይስ፤ ዳሮ ናቤቲኔ ዳሮ ጺሎ ኣሳቲ ሃኢ ኢንቴ ቤኢዛይሳ ቤያናሲኔ ሃኢ ኢንቴ ሲዪዛይሳ ሲያናስ ኣሞቲዳ ሺን ኢስታስ ሃኒቤና።

18 «ሂስቲኮ ሃኢ ዜሬꬃ ሌሚሶዛ ቢርሼꬅ ሲዪቴ። 19 ካዎቴꬃ ቃላ ሲዪዲ ዩሺ ቆፖንታ ኣይ ኣሳ ዎዚናፔካ ጻላኤይ ዪዲ ዜሬቲዳ ዜሬꬃ ኤሶን ማጺቻና። ሄሲካ ኦጌ ቦላ ዎꬊዳ ዜሬꬃ። 20 ሹቻ ቦላ ዜሬቲዳይሲ ቃላ ኡፋይሳን ሲዪዲ ሄራካ ኡፋይሳን ኤኪዛዴ ሚሳቴስ። 21 ጊዶ ኣቲን ጻጶ ዬዳናስ ዳንዳዮንታ ኣጊዳ ጊሻስ ዳሮ ጋምኦንታ ቃላ ጋሶን ሜቶይኔ ጎዴቴꬂ ዪዛ ዎዴ ኤሌሊ ꬉጴቴስ። 22 ኣጉንꬃ ጊዶን ዜሬቲዳ ዜሬꬃይ ቃላ ሲዪዲ ሃይሳ ሃ ኣላሜዛስ ዳሮ ሜቶቴꬃኒኔ ዱሬቴꬃ ቆፋን ባሌቲዲኔ ጩሌቲዲ ኣይፌ ኢሞንታ ኣሳ ማላ። 23 ሎኦ ቢታን ዜሬቲዳ ዜሬꬃይ ቃሴ ቃላ ሲዪዲ ዩሺ ቆፒዛዴ ሚሳቴስ፤ ሎኦ ኣይፌ ኣይፌስ፤ ኢሶይ ጼቱ፥ ኢሶይ ኡሱፑን ታሙ፥ ኢሶይ ሄꬑ ታሙ ኣይፌ ኢሚዴስ» ጊዴስ።

24 ዬሱሲ ቃሴካ ሃራ ሌሚሶ ኢስታስ፥ «ሳሎ ካዎቴꬂ ባ ጎሻ ጋዴን ሎኦ ዜሬꬅ ዜሪዳዴ ሚሳቴስ። 25 ጊዶ ኣቲን ኣሲ ዉሪ ኢቺዳ ዎዴ ሞርኬይ ዪዲ ጊስቴዛ ጊዶን ሌሾ ዜሪዲ ቢዴስ። 26 ጊስቴዚ ዲጪዲ ኣይፌ ኣይፊዛ ዎዴ ሌሾይካ ኢዛራ ኢሲፌ ቤቲዴስ።

27 «ካꬃ ጎዳዛ ኣሽካራቲ ጎዳዛኮ ሺቂዲ፥ ‹ጎዶ! ኔኒ ኔ ጎሻን ሎኦ ዜሬꬅ ዜራቤኪ? ሃይሲ ሌሾይ ኣዋፔ ዪዴ?› ጊዳ።

28 «ኢዚካ ኢስታስ፥ ‹ሄሳ ሞርኬይ ኦꬂዴስ› ጊዴስ። ኣሽካራቲካ፥ ‹ኑ ቢዲ ሌሾዛ ሾዳና ማላ ኮያይ?› ጊ ኦይቺዳ።

29 «ኢዚካ ኢስታስ፥ ‹ኣካይ ሃኔና፤ ጋሶይካ ኢንቴ ሌሾዛ ሾዲሼ ጊስቴዛራ ጋꬂ ሾዳና፤ 30 ኣጊቴ! ማጻ ዎዴይ ጋካናስ ኢሲፌ ዲጮ፤ ሄ ዎዴ ማጺዛይቲ ሌሾዛ ካሴቲዲ ቆሪ ማጺዲ ታማን ጹጋናስ ሚርቄን ሚርቄን ቃቺቴ፤ ጊስቴዛ ቃሴ ሺሺዲ ጎታራን ጌልꬂቴ› ጋዳ ታ ኢንቴስ ዮታና» ጊ ዮቲዴስ።

31 ሃራ ሌሚሶ ኢስታስ፥ «ሳሎ ካዎቴꬂ ኢሲ ኣሲ ባ ጋዴ ጊዶን ዜሪዳ ባርዛፌ ሚꬃ ኣይፌ ማላ። 32 ባርዛፌ ሚꬃ ኣይፌይ ሃራ ሚꬃ ኣይፌ ኡባፌ ዳሮ ላፋ ጊዲኮካ ዲጫዳ ሚꬃ ኡባፌ ጊታ ጊዳዉስ። ሳሎ ካፎቲካ ኢዚ ሃጋ ቦላ ኬጺዲ ዳና ጋካናስ ጊታ ሚꬅ ጊዳዉስ» ጊዴስ።

33 ሃኢካ ሃራ ሌሚሶ ኢስታስ፥ «ሳሎ ካዎቴꬂ ማጫሲ ቡኬሶይ ዴንዳና ማላ ቡኬሶ ጊዶን ጉጂዳ ጉꬃ ኢርሾ ሚሳታዉስ» ጊዴስ።

34 ዬሱሲ ሃይሳ ኡባ ኣሳስ ሌሚሶራ ዮቲዴስ። ሌሚሶይ ባይንዳ ኢሲኖካ ዮቲቤና። 35 ሄሲካ ካሴ ናቤ ዶናን፥

36 ሄሳፌ ዬሱሲ ኣሳ ኣጊዲ ሶ ጌሊዴስ። ኢዛ ካሊዛይቲ ኢዛኮ ሺቂዲ፥ «ካꬃ ጊዶን ዲዛ ሌሾዛ ጊሻስ ኔ ዮቲዳ ሌሚሶዛ ቢርሼꬅ ኑስ ዮታ» ጊዳ።

37 ኢዚካ ኢስታስ ዛሪዲ፥ «ሎኦ ዜሬꬅ ዜሪዳይ ኣሳ ና። 38 ጎሻይ ሃይሳ ኣላሜዛ፤ ሎኦ ዜሬꬃይ ካዎቴꬃ ናይታ ጊዲዳይሳ ቤሴስ፤ ሌሾይ ቃሴ ጻላኤ ናይታ። 39 ሌሾዛ ዜሪዲ ቢዳ ሞርኬይ ዳቡሎሳ። ማጻ ዎዴይ ኣላሜ ዉርሴꬅ ጊዲሺን ማጺዛይቲ ጾሳ ኪታንቻታ።

40 «ሌሾይ ቆሬቲዲ ታማን ጹጌቲዛ ማላ ኣላሜ ዉርሴꬃን ሄሳꬆ ሃናና። 41 ኣሳ ናይ ባ ኪታንቻታ ኪታና፤ ኢስቲካ ናጋራስ ጋሶ ጊዲዳይታኔ ኢታ ኦꬂዛይታ ኢዛ ካዎቴꬃ ጊዶፌ ኡባ ቆሪ ኬሳና። 42 ዬሆይ ዲዛሶኒኔ ኣች ጋርጪዛሶን ዳሮ ዎልቃማ ታማን ኢስታ ዬጋና። 43 ሄ ዎዴ ጺሎቲ ባ ኣዋ ካዎቴꬃን ኣርሼ ማላ ፖኣና። ሲዪዛ ሃይꬂ ዲዛዴይ ሲዮ!

44 «ሳሎ ካዎቴꬂ ጋዴ ጊዶን ቆቴቲዳ ሚሼ ሚሳቴስ። ኢሲ ኣሲ ሄ ሚሻዮ ዴሚዲ ዛሪ ቆቲዴስ። ኡፋይሳፌ ዴንዲዳይሳን ቢዲ ባስ ዲዛዝ ኡባ ባይዚዲ ሄ ሚሺያ ዲዛ ቢታ ሻሚዴስ።

45 «ሄሳꬆካ ሳሎ ካዎቴꬂ ኣልኦ ዎርቃ ኮይዛ ዛልኣንቻ ሚሳቴስ። 46 ዳሮ ኣልኦ ጊዲዳ ኢንቁ ጌቴቲዛ ሹች ዴሚዳ ማላ ቢዲ ባስ ዲዛ ኡባ ባይዚዲ ሻሚዴስ።

47 «ቃሴካ ሳሎ ካዎቴꬂ ኣባ ጊዶን ዬጌቲዲ ዱማ ዱማ ሞሌ ኦይኪዳ ሞሌ ጊቴ ሚሳቴስ። 48 ሞሌ ኦይኪዛይቲ ጊቴይ ኩሚን ጎቺዲ ኣባ ላንቄ ኬሲዳ። ሄን ኡቲዲ ሎኦ ሎኦ ሞሌ ቆሪዲ ኬሼን ጉጂዳ። ኢታ ሞሌታ ዎራ ዬጊዳ። 49-50 ኣላሜ ዉርሴꬃን ሄሳꬆ ሃናና። ኪታንቻቲ ዪዲ ናጋራንቻታ ጺሎታፔ ሻኪዲ ዬኪዛሶኔ ኣች ጋርጪዛሶ ጌዴ ቶኦንታ ታማን ዬጋና።

51 «ዬሱሲ ኢስታ ሃይሲ ዉሪ ኢንቴስ ጌሊዴ?» ጊዴስ። ኢስቲካ «ኤ» ጊዳ።

52 ኢዚካ ዛሪዲ፥ «ሄሳ ጊሻስ ሳሎ ካዎቴꬃ ጹራይ ጌሊዳ ሙሴ ዎጋ ታማርሲዛዴይ ኦኒካ ኢዛስ ሚንጂ ዎꬂዳ ኣልኦ ሚሻፌ ኦራꬂኔ ጋልኣ ሚሽ ኬሲዛዴ ሚሳቴስ» ጊዴስ።

53 ዬሱሲካ ሃይታ ሌሚሶታ ዮቲ ዉርሲዲ ሄፔ ሃራሶ ቢዴስ። 54 ባ ዴሬ ቢዲ ኣይሁዳታ ዎሳ ኬꬃን ኣሳ ታማርሶ ኦይኪዴስ። ኢስቲካ ማላሌቲዲ፥ «ሃይሲ ኣዴዚ ሃይሳ ኤራቴꬃኔ ሃይታ ማላታታ ኦꬃና ዎልቃ ኣዋፔ ዴሚዴ? 55 ሃይሲ ኣናጼዛ ና ዴኔ? ኢዛ ኣዬይ ሱንꬂ ማራሞ ጊዴኔ? ኢዛ ኢሻቲ ያቆቤ፥ ዮሴፌ፥ ሲሞናኔ ዩሁዳ ጊዴቴኔ? 56 ሚቼቲ ኑናራ ዲዛይታ ጊዴቴኔ? ሂስቲን ሃይሲ ኣዴዚ ሃይሳ ኡባ ኣዋፔ ኤኪዴ?» ጊዳ።

57 ሄሳ ጊሻስ ኢስቲ ኢዚ ጊዛይሳ ኤኪቤቴና።

ዬሱሲካ ኢስታስ፥ «ናቤይ ባ ዴሬኒኔ ባ ኬꬃን ቦንቼቴና ኣቲን ሃራሶን ቦንቼቴስ» ጊዴስ። 58 ኢስቲ ኣማኖንታ ኣጊዳ ጊሻስ ዳሮ ማላታታ ሄን ኦꬂቤና።