16
1 ፋርሳዌቲኔ ሳዱቃዌ ጌቴቲዛይቲ ዬሱሳኮ ሺቂዲ ኢዛ ፓጫናስ «ሳሎፔ ኑና ማላታ ቤሳ» ጊዲ ኦይቺዳ። ሉቃ 11፡38 2 ኢዚካ ኢስታስ፥ «ኦማርሳ ዎዴ ሳሎይ ዞኢኮ፥ ‹ጋዴይ ኣዋታና› ጌታ። 3 ዎንታ ቦላ፥ ‹ሳሎይ ዴጺኮ ሃች ኢራይ ቡካና› ጌታ፤ ሳሎ ሜꬋ ጼሊዲ ሻኪ ኤሬታ ሺን ታ ያና ዎዴ ማላታ ሻኪ ኤራናስ ዳንዳዬኬታ። *ኢሲ ኢሲ ጌሻ ማጻፋታን ታይቦ ናምኣኔ ሄꬓ ቦላ ዬሱሲ ሃሳይዳ ሌሚሶዛ ጎኤቴቴና። 4 ሃይሲ ኢታኔ ላይማ ዬሌታይ ማላታ ኮዬስ፤ ጊዶ ኣቲን ዮናሳ ማላታፔ ኣቲን ሃራ ማላታይ ኢዛስ ኢሜቴና» ጊዴስ። ዬሱሲ ኢስታ ሄን ኣጊዲ ሃራሶ ቢዴስ። ማቶ 12፡39፤ ሉቃ 11፡29
7 ኢስቲ ቃሴ ባ ጊዶን፥ «ኑኒ ካꬅ ኦይኮንታ ጊሻስ ሄሳ ጊዴስ» ጊዲ ኢሶይ ኢሳራ ሃሳዬቲዳ።
8 ዬሱሲካ ኢስታ ቆፋ ኤሪዲ፥ «ኢንቴኖ ኣማኖይ ፓጪዳይቶ! ካꬅ ኦይኮንታ ጊሻስ ኣዛስ ኢሶይ ኢሳራ ሃሳዬቴቲ? 9 ኢቻሹ ኡኬꬂ ኢቻሹ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮ ዩሺ ቆፔኬቲ?ማቶ 14፡17-21 10 ሄሳꬆካ ላፑን ኡኬꬂ ኦይዱ ሺ ኣሳስ ጊዲዲ ኣፑን ሌማቴይ ቲርፒን ኢንቴ ዴንꬂዳኮ ዎዚናን ዎꬂቤኬታ ጉሴ?ማቶ 15፡34-38 11 ሂስቲን ታ ኢንቴስ ዮቲዳይ ካꬃ ጊሻስ ጊዶንታይሳ ኣይስ ዩሺ ቆፔኬቲ? ሃኢካ ፋርሳዌታ ኢርሾፌኔ ሳዱቃዌታ ኢርሾፌ ናጌቲቴ» ጊዴስ።
12 ሃኢ ኢዚ ኢስታ ቆፍሲዛይ ቡኬሶ ዴንꬃናስ ጉጂዛ ኢርሾ ጊሻስ ጊዶንታ ፋርሳዌታኔ ሳዱቃዌታ ቲሚርቴፌ ናጌታና ማላ ጊዲዳይሲ ኢስታስ ጌሊዴስ።
ጴጽሮሲ ዬሱሲ ጾሳ ና ጊዶይሳ ዮቲዴስ
13 ዬሱሲ ቂሳሪያ ፒሊጲሲዮሴ ጌቴቲዛ ቢታ ጋኪዳ ዎዴ ባና ካሊዛይታ፥ «ኣሳይ ታና ኣሳ ና ኦና ጊዜ?» ጊዲ ኦይቺዴስ።
14 ኢስቲካ፥ «ኢሲ ኢሲ ኣሳይ፥ ‹ጻማቂዛ ዮሃኒሳ› ጌስ፤ ባጋ ኣሳይ፥ ‹ኤላሳ› ጌስ፤ ባጋይ፥ ‹ኤርማሳ ዎይኮ ናቤታፔ ኢሳ ጊዶንታ ኣጌና› ጌስ» ጊዳ። ማር 6፡14-15፤ ሉቃ 9፡7-8
15 ኢዚካ ኢስታ፥ «ኢንቴ ታና ኦና ጌቲ?» ጊዴስ።
16 ሲሞና ጌቴቲዛ ጴጽሮሲ፥ «ኔኒ ኪርስቶሳ ዴኦ ጾሳ ና ጊዲኪ?» ጊዲ ዛሪዴስ። ዮሃ 6፡68-69
17 ዬሱሲ፥ «ዮና ና ሲሞና! ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱꬅ ጊዴና። 18 ኔኒ ዛላ፤ ሃይሳ ዛላ ቦላ ታኒ ታ ዎሳ ኬꬄ ኬጻና፤ ጋናሜ ፔንጌቲካ ኢዞ ጾኔቴና። 19 ሳሎ ካዎቴꬃ ቁልፔታ ታ ኔስ ኢማና፤ ኔኒ ቢታ ቦላ ሃኖ ጊዛይ ዉሪ ሳሎንካ ሃናና። ቢታ ቦላ ኔ ሃኖፖ ጊዳይሲ ዉሪካ ሳሎንካ ሃኔና» ጊዴስ። ማቶ 18፡18፤ ዮሃ 20፡23
20 ቃሴካ ኢዚ ኪርስቶሳ ጊዲዳይሳ ኢስቲ ኦናስካ ዮቶንታ ማላ ባና ካሊዛይታስ ሎኤꬂ ዮቲዴስ። †ኪርስቶሳ ጉሲ ጾሳፌ ቲዬቲዳዴ ጉሳ።
ዬሱሲ ባ ቦላ ጋካና ሜቶ ጊሻስ ናምኣንꬆካ ዮቲዴስ
21 ሄሳፌ ሃ ሲሚን ዬሱሲ ዬሩሳላሜ ባናይሳ፥ ሄን ዴሬ ጪማታን፥ ቄሴታ ሃላቃታኒኔ ሙሴ ዎጋ ታማርሲዛይታ ኩሼን ዋዬ ኤካናይሳ፥ ሃይቃናይሳኔ ሄꬓንꬆ ጋላስ ሃይቆፔ ዴንዳናይሳ ባና ካሊዛይታስ ቆንጪሲ ዮቲዴስ።
22 ጴጽሮሲ ዬሱሳ ጌዴ ኢሲ ባጋ ዛሪዲ፥ «ጎዶ! ሃይሲ ኔ ቦላ ጋኮፎ!» ጊዲ ሃንቂዴስ።
23 ዬሱሲ ጴጽሮሳኮ ሺቂዲ፥ «ሃይሶ ጻላኤ! ሃይሳፌ ኪቻ! ኔኒ ኣሳዛፔ ኣቲን ጾሳ ዮኦይ ኔ ዎዚና ጊዶን ባይንዳ ጊሻስ ኔ ታስ ꬉጴ ጊዳዳሳ» ጊዴስ።
24 ቃሴካ ዬሱሲ ባና ካሊዛይታስ፥ «ታና ካላናስ ዶሲዛ ኣሲ ባና ካዶ፤ ባ ማስቃሌ ቶኪዲ ታና ካሎ። ‡ማስቃሌ ጉሲ ሜቶ ጉሳ። 25 ባ ሼምፖ ኣሻና ኮይዛ ኣሲ ዉሪ ꬋይሳና፤ ጊዶ ኣቲን ባ ሼምፖ ታ ጊሻስ ꬋይሲዛዴይ ኣሻና። ማቶ 10፡39፤ ሉቃ 17፡33፤ ዮሃ 12፡25 26 ኣሲ ኣላሜን ዲዛዝ ኩሜꬅ ሃሪዲ ባ ሼምፖ ꬋይሲኮ ኢዛ ኣይ ማዳኔ? ዎይኮ ኣሲ ባ ሼምፖ ጊሻስ ቃንጻና ዳንዳይዛዚ ኣዜ? 27 ኣሳ ናይ ባ ኣዋ ቦንቾራኔ ሳሎ ኪታንቻታራ ያና፤ ኢሳስ ኢሳስ ኢዛ ኦሶ ማላ ኢዛዴ ዋጋ ኢማና። ማቶ 25፡31፤ ማዛ 62፡12፤ ኦሮ 2፡6 28 ታ ኢንቴስ ቱሙ ጋይስ፤ ሃይሳን ኤቂዳ ኣሳታ ጊዶፌ ኣሳ ናይ ባ ካዎቴꬃራ ዪሺን ቤያና ጋካናስ ሃይቆይ ኢስታ ቦቾንታ ኣሳቲ ዴቴስ» ጊዴስ።
16:1 ሉቃ 11፡38
*16:3 ኢሲ ኢሲ ጌሻ ማጻፋታን ታይቦ ናምኣኔ ሄꬓ ቦላ ዬሱሲ ሃሳይዳ ሌሚሶዛ ጎኤቴቴና።
16:4 ማቶ 12፡39፤ ሉቃ 11፡29
16:6 ሉቃ 12፡1
16:9 ማቶ 14፡17-21
16:10 ማቶ 15፡34-38
16:14 ማር 6፡14-15፤ ሉቃ 9፡7-8
16:16 ዮሃ 6፡68-69
16:19 ማቶ 18፡18፤ ዮሃ 20፡23
†16:20 ኪርስቶሳ ጉሲ ጾሳፌ ቲዬቲዳዴ ጉሳ።
‡16:24 ማስቃሌ ጉሲ ሜቶ ጉሳ።
16:25 ማቶ 10፡39፤ ሉቃ 17፡33፤ ዮሃ 12፡25
16:27 ማቶ 25፡31፤ ማዛ 62፡12፤ ኦሮ 2፡6