18
ሳሎ ካዎቴꬃን ኡባፌ ኣꬋናይ ኦኔ?
(ማር 9፡33-37፤ ሉቃ 9፡46-48)
1 ሄ ዎዴ ዬሱሳ ካሊዛይቲ ኢዛኮ ሺቂዲ፥ «ሳሎ ካዎቴꬃን ኑ ጋርሳን ኡባፌ ኣꬋናዴይ ኦኔ?» ጊ ኦይቺዳ። ሉቃ 22፡24 2-3 ዬሱሲ ኢሲ ና ጼይጊ ኤሂዲ ኢስታ ጊዶን ኤሲዲ፥ «ታ ኢንቴስ ቱሙ ጋይስ፤ ኢንቴ ሲሞንታ ኢጺኮኔ ጉꬃ ናይታ ማላ ሃኖንታ ኢጺኮ ሙሌካ ሳሎ ካዎቴꬅ ጌሌኬታ። ማር 10፡15፤ ሉቃ 18፡17 4 ሄሳ ጊሻስ ሃ ናዛ ማላ ባና ዚቂሲዛዴይ ሳሎ ካዎቴꬃን ኡባፌ ኣꬋና። 5 ሃይሳ ማላ ጉꬃ ና ታ ሱንꬃን ኤኪዛዴይ ታና ኤኬስ። ማር 9፡42-48፤ ሉቃ 17፡1-2
6 «ጊዶ ኣቲን ታና ኣማኒዛ ጉꬃታፔ ኢሳዴ ꬉጴꬂዛይ ዴጾ ዎጻ ሹቺ ኢዛ ቆꬌን ቃሼቲን ኣባ ጪማን ዬጌቲዲ ሚቴቲኮ ኢዛስ ሎኦ ጊዳና። 7 ሃና ኣላሜያ ኣስ ꬉጳና ጋሶ ጊዲዳ ጊሻስ ኢዚስ ኣዬ ኣና! ꬉጴይ ዩስ ኣጌና ሺን ꬉጴዛስ ጋሶ ጊዲዛዴስ ኣዬ ኣና!
8 ኔ ኩሼይ ዎይኮ ኔ ቶሆይ ኔና ꬉጳናስ ጋሶ ጊዲኮ ኔፔ ቃንጻ ዲጋ! ኔኒ ናምኡ ኩሼራ ዎይኮ ናምኡ ቶሆራ ጌዴ ሜርና ታማን ዬጌታናፔ ዎቤ ዎይኮ ቶሆ ሲላ ጊዳዳ ሄ ጌዴ ዴኦይ ዲዛሶ ጌሎይ ኔስ ሎኣና። 9 ሄሳꬆካ ኔ ኣይፌይ ኔስ ꬉጴ ጊዲኮ ኔፔ ኬሳ ዬጋ! ናምኡ ኣይፌራ ጌዴ ጋናሜ ታማን ኔ ዬጌታናፔ ኢሲ ኣይፌራ ዴኦይ ዲዛሶ ኔ ጌሊዛይሲ ኔስ ሎኦ። ማቶ 5፡29
10 «ሃይታ ጉꬃታ ጊዶፌ ኢሲኔዮካ ኢንቴ ካꬎንታ ማላ ናጌቲቴ! ታ ኢንቴስ ቱሙ ጋይስ፤ ሳሎን ዲዛ ኢስታ ኪታንቻቲ ሳሎን ታ ኣዋ ኣይፌሶ ኡባ ጋላስ ጼሌቴስ። 11 ኣሳ ናይ ꬋይዳይታ ኣሻናስ ዪዴስ። ሉቃ 19፡10*ኢሲ ኢሲ ጌሻ ማጻፋቲ ታይቦ ታማኔ ኢሳ ቦላ ዲዛ ቆፋ ጉጄቴስ፤ ኢዚካ ሉቃሳ ሼምፖ 10 ቦላ ዲዛይሳ ማላ።
ꬋይዳ ዶርሳ ሌሚሶ
(ሉቃ 15፡3-7)
12 «ኣኔ ታስ ዮቲቴ፥ ኢሳዴስ ጼቱ ዶርሲ ዲኮ ቃሴ ኢስታፌ ኢሲና ꬋይኮ፥ ሃንኮ ኡዱፉን ታማኔ ኡዱፉናታ ዙማ ቦላ ዬጊዲ ꬋይዳሮ ኮያና ቢ ኤሬኔ? 13 ታ ኢንቴስ ቱሙ ጋይስ፤ ሃንኮ ꬋዮንታ ኣቲዳ ኡዱፉን ታማኔ ኡዱፉን ዶርሳታፔ ኣꬂዲ ቤቲዳ ዶርሳይን ኡፋዬቴስ። 14 ሄሳꬆካ ሃ ጉꬃታ ጊዶፌ ኢሶይ ꬋያና ማላ ሳሎን ዲዛ ኢንቴ ኣዋ ሼኔ ጊዴና።
ቆሂዳዴስ ኣይ ኦꬃና ቤሲዛኮ
15 «ኔ ኢሻይ ኔና ቆሂኮ ኢዛኮ ባዳ ኢዛ ጻላላ ኔናራ ኤካዳ ኢዛ ሞሮ ኢዛስ ዮታ፤ ኢዚ ኔ ጊዛ ሲዪኮ ኔ ኢሻ ኔ ኣስ ሂስታሳ። ሉቃ 17፡3 16 ኢዚ ኔ ጊዛይሳ ሲዮንታ ኢጺኮ ዮኦይ ዉሪ ናምኡ ማርካን ዎይኮ ሄꬑ ማርካን ላꬊዛ ጊሻስ ኢሳዴ ዎይኮ ናምኡ ኣስ ኔናራ ኤካ ባዳ ኢዛ ሃሳይሳ። ዛሬ 19፡15 17 ኢዚ ኢስታካ ሲዮንታ ኢጺኮ ዎሳ ኬꬃስ ዮታ፤ ዎሳ ኬꬃዮካ ሲዮንታ ኢጺኮ ኢዛዴ ኔ ኣማኖንታዴ ማላኔ ዮቲን ሲሞንታ ኢታ ኣሳ ማላ ቆዳ።
18 «ታ ኢንቴስ ቱሙ ጋይስ፤ ቢታ ቦላ ኢንቴ ቃቺዳይ ዉሪ ሳሎንካ ቃሼቲዳ ጊዳና፤ ቢታ ቦላ ኢንቴ ቢርሺዳዚ ሳሎንካ ቢርሼቲዳይሳ ጊዳና። ማቶ 16፡19፤ ዮሃ 20፡23 19 ቃሴካ ታ ኢንቴስ ቱሙ ጋይስ፤ ቢታ ቦላ ኢንቴ ናምኡ ጊዲዲ ኣይ ሚሺካ ኢሲፌ ዶሳን ኢንቴ ኦይቺኮ ሳሎን ዲዛ ታ ኣዋይ ኢንቴስ ኢማና። 20 ናምኡ ዎይኮ ሄꬑ ጊዲዲ ታ ሱንꬃን ኢንቴ ሺቂዛሶን ሄን ኢንቴ ጊዶን ታ ዳና» ጊዴስ።
ማሮ ጊሻስ
21 ሄ ዎዴ ጴጽሮሲ ዬሱሳኮ ሺቂዲ፥ «ጎዶ! ታ ኢሻይ ታና ቆሂኮ ታ ኢዛስ ኣፑንቶ ኣቶ ጎ? ላፑንቶ ኣቶ ጎ?» ጊዴስ። ሉቃ 17፡3-4
22 ዬሱሲካ ኢዛስ ዛሪዲ፥ «ላፑን ታሙቶ ላፑን ኣቲን ላፑንቶ ጻላ ጋ ጊኬ፤ ሜꬌ 4፡24
23 «ሄሳ ጊሻስ ሳሎ ካዎቴꬂ ባ ኣሽካራታ ቦላ ዲዛ ሚሼ ሺሻና ኮዪዳ ካዎ ሚሳታዉስ። 24 ሚሻ ቆዳ ኦይኪዳ ማላ ኢዛ ኣሽካራታፔ ዳሮ ሚሎኔ ቢራ †ዳሮ ሚሎኔ ቢራ፡ ዳሮ ሚሎኔ ቢራ ጌቴቲዛይሲ ኣማራꬆ ማጻፋን፥ «ሜክሊቴ» ጌስ፤ ኢሲ ሜክሊቴይ ሄ ዎዴ ኢሲ ኣሳስ ታማኔ ኢቻሹ ላይꬃ ዳሞዛፔ ቦላ ጊዲዳይሳ ቤሴስ። ኣጮይ ኢዛ ቦላ ዲዛዴ ኤኪ ዪዳ። 25 ኣሽካራዚካ ባ ቦላ ዲዛ ኣጮዛ ቃንጾይ ጾኒዳ ጊሻስ ኢዚካ ኢዛ ማቺያካ ኢዛ ናይቲኔ ኢዛስ ዲዛዚ ዉሪ ባይዜቲዲ ሚሻይ ቃንጼታና ማላ ኢዛ ጎዳይ ኢዛ ኣዛዚዴስ። 26 ሄ ዎዴ ኣሽካራዚ ጎዳዛ ቶሆ ቦላ ኩንዲዲ፥ ‹ታኒ ታ ቦላ ዲዛ ኣጮዛ ዉርሳ ኔስ ቃንጻና ጋካናስ ታስ ጉꬃ ዎዴ ኢማርኪ!› ጊዲ ዎሲዴስ። 27 ኢዛ ጎዳይካ ኢዛስ ሚሼቲዲ ኢዛ ኣጮዛ ኡባ ማሪዲ ዬዲዴስ።
28 «ሄ ኣሽካራዚካ ባ ጎዳ ኣቻፌ ኬዚዳ ማላ ጉꬃ ኣጮይ ‡ጉꬃ ኣጮይ፡ ጉꬃ ኣጮይ ጊዛይሳ ኣማራꬆ ማጻፋን፥ «ጼቱ ዲናሬ» ጌስ፤ ሄ ዎዴ ኢሲ ኣሳስ ኢሲ ጋላሳ ኦሶ ዳሞዛ ቤሴስ። ኢዛ ቦላ ዲዛ ባ ላጌ ዴሚዲኔ፥ ‹ኔ ቦላ ዲዛ ታ ሚሻዮ ሃኢ ሃኒን ቃንጻ› ጊዲ ጩሊ ኦይኪዴስ። 29 ሄ ኢዛ ላጌ ኣሽካራይ፥ ‹ታስ ጉꬃ ዎዴ ኢማርኪ! ታ ኔስ ቃንጻና› ጊዲ ኢዛ ቶሆ ቦላ ኩንዲዲ ዎሲዴስ።
30 «ጊዶ ኣቲን ኢዛስ ጉꬃ ዎዴ ኢማናስ ኮዮንታ ኢጺዲ ኢዛ ላጌዚ ባ ቦላ ዲዛ ኣጮዛ ቃንጻና ጋካናስ ቃሾ ኬꬃን ዬጊዴስ። 31 ኢዚ ሄሳ ኦꬂሺን ቤኢዳ ኣሳይኔ ሃንኮ ኢዛ ላጌ ኣሽካራቲ ዳሮ ሚሼቲዳ። ቢዲካ ሃኒዳይሳ ኡባ ባ ጎዳስ ዮቲዳ።
32-33 «ሄ ዎዴ ጎዳዚ ሄ ኣሽካራ ጼይጊሲ ኤሂዲ፥ ሃይሶ ኔኖ! ኢታዞ፥ ኔ ታና ዎሲን ኔ ቦላ ዲዛ ኣጮዛ ታ ኔስ ኣጋዲሲ ሺን ታ ኔና ማሪዳ ማላ ኔኒካ ኔ ላጌዛ ማራናስ ቤሴኔ? 34 ጊዲ ኢዛ ቦላ ዲዛ ኣጮዛ ኢዚ ኡባ ቃንጻና ጋካናስ ቃቻና ማላ ቃቺዛይታስ ኣꬂ ኢሚዴስ። 35 ሄሳ ጊሻስ ኢንቴ ኢሶይ ኢሳ ዎዚናፔ ማሮንታ ኣጊኮ ሳሎን ዲዛ ታ ኣዋይካ ኢንቴና ማሬና» ጊዴስ።
18:1 ሉቃ 22፡24
18:2-3 ማር 10፡15፤ ሉቃ 18፡17
18:5 ማር 9፡42-48፤ ሉቃ 17፡1-2
18:9 ማቶ 5፡29
18:11 ሉቃ 19፡10
*18:11 ኢሲ ኢሲ ጌሻ ማጻፋቲ ታይቦ ታማኔ ኢሳ ቦላ ዲዛ ቆፋ ጉጄቴስ፤ ኢዚካ ሉቃሳ ሼምፖ 10 ቦላ ዲዛይሳ ማላ።
18:15 ሉቃ 17፡3
18:16 ዛሬ 19፡15
18:18 ማቶ 16፡19፤ ዮሃ 20፡23
18:21 ሉቃ 17፡3-4
18:22 ሜꬌ 4፡24
†18:24 ዳሮ ሚሎኔ ቢራ፡ ዳሮ ሚሎኔ ቢራ ጌቴቲዛይሲ ኣማራꬆ ማጻፋን፥ «ሜክሊቴ» ጌስ፤ ኢሲ ሜክሊቴይ ሄ ዎዴ ኢሲ ኣሳስ ታማኔ ኢቻሹ ላይꬃ ዳሞዛፔ ቦላ ጊዲዳይሳ ቤሴስ።
‡18:28 ጉꬃ ኣጮይ፡ ጉꬃ ኣጮይ ጊዛይሳ ኣማራꬆ ማጻፋን፥ «ጼቱ ዲናሬ» ጌስ፤ ሄ ዎዴ ኢሲ ኣሳስ ኢሲ ጋላሳ ኦሶ ዳሞዛ ቤሴስ።