1 ጊምባ ኦሶይ ኦሴቲ ጊጊዴስ፤ ፔንጌ ሳንቃቲ ባ ዲዛሶን ዲዛሶን ጌሊዳ፤ ጾሳ ኬꬃ ናጊዛ ዛቤታስ፥ ዬꬃ ዬጺዛይታሲኔ ሌዌ ባጋታስ ኢስታ ጊሻ ጊሻ ኦሶይ ኢሜቲዴስ። 2 ታኒካ ዬሩሳላሜ ካታማ ኣይሳና ማላ ታ ኢሻ ሃናኔኔ ሚጻ ናጊዛ ሃናኒያ ዶራ ዎꬃዲስ፤ ጺሎቴꬃኒኔ ጾሳስ ያሻቴꬃን ሃናኒያይ ማላይ ዴና። 3 ታ ኢስታስ ዬሩሳላሜ ጊምቤ ፔንጌቲ ጻልቄይ ኬዛና ጋካናስ ዶዬቶንታ ማላኔ ኣርሼይ ዉሊዛ ዎዴ ዛቤቲ ባሶ ባናፔ ሲንꬃን ጊምባ ፔንጌታ ሎኤꬂ ጎርዳና ማላ ኣዛዛዲስ፤ ቃሴካ ዬሩሳላሜን ዲዛ ኣሳ ጊዶፌ ናጊዛ ዛቤታ ዴሬይ ዶሪዲ ዎꬃና ማላ ኢስታፌ ባጋይታ ኢሲ ኢሲ ሄራስ ኣላፌ ኦꬂ ዎꬃና ማላኔ ሃንኮ ኣቲዳይታ ባንታ ኬꬃ ካሬን ናጋና ማላ ዮታዲስ።

4 ዬሩሳላሜይ ኣሆኔ ጊታ ካታማ፤ ጊዶ ኣቲን ኢዚን ዲዛ ኣሳ ቆዳይ ጉꬅ ጊዲዳ ጊሻስ ዳሮ ኬꬃቲ ቡሮ ኬጼቲቤቴና። 5 ጾሳይ ዴሬዛ፥ ዴራ ኣይሲዛይታኔ ሹሜታ ታ ሺሻዳ ኢስታ ዬሌታ ዛርኬይ ዋኒ ዋኒ ጻፌቲዳኮ ታ ጼላና ማላ ታና ቆፍሲዴስ፤ ሄሳ ጊሻስ ካሴ ዲኤቴꬃፌ ሲሚዳ ኣሳታ ማዝጋባ ዴማዲስ፤ ታ ዴሚዳ ማዝጋባይ ሃይሳፌ ካሊዛይሳ፤

6 ባቢሎኔ ካዎ ናቡካዳናጾሬይ ዲኢዲ ባ ዴሬ ኤፊዳ ኣሳታፔ ጉዬ ባ ካታማ ካታማ ዬሩሳላሜኔ ዩሁዳ ሲሚዳ ኣሳቲ ሃይሳፌ ካሊዛይታ፤ 7 ኢስቲ ሲሚሺን ኢስታ ካሌꬂ ኤሂዳ ኣሳቲ ዜሩባቤሌ፥ ኢያሶ፥ ናሂሚያ፥ ኣዛሪያሳ፥ ኤራኢሜ፥ ናሆሜ፥ ማርዲኪዮሳ፥ ባልሻኔ፥ ሚሲፋሬ፥ ቢጉዋዬ፥ ኑሁሜኔ ባኣና።

8 ዲኤቴꬃፌ ሲሚዳ ኢስራኤሌ ኣሳ ዛርኬፌ ጻፌቲዳ ዜሬꬃታ ቆዳይ ሃይሳፌ ካሊዛይሳ፤ ፓሮሴ ዜሬꬃፌ 2,172፤ 9 ሻፋጺያ ዜሬꬃፌ 372፤ 10 ኣራሄ ዜሬꬃፌ 652፤ 11 ኢያሶፔኔ ኢዮኣቤ ዜሬꬅ ጊዲዳ ፓሃቴ-ሞኣቤ ዜሬꬃቲ 2,818። 12 ኤላሜ ዜሬꬃፌ 1,254፤ 13 ዛቶ ዜሬꬃፌ 845፤ 14 ዛካዬ ዜሬꬃፌ 760፤ 15 ቢኑዌ ዜሬꬃፌ 648፤ 16 ቤባዬ ዜሬꬃፌ 628፤ 17 ኣዝጋዴ ዜሬꬃፌ 2,322፤ 18 ኣዶንቃሜ ዜሬꬃፌ 667፤ 19 ቢጉዋዬ ዜሬꬃፌ 2,067፤ 20 ኣዲኔ ዜሬꬃፌ 655፤ 21 ሂዝቂያሳ ጌቴቲ ጼይጌቲዛ ኣጻሬ ዜሬꬃፌ 98፤ 22 ሃሹሜ ዜሬꬃፌ 328፤ 23 ቤሳዬ ዜሬꬃፌ 324፤ 24 ሃርፔ ዜሬꬃፌ 102፤ 25 ጌባኦኔ ዜሬꬃፌ 95፤

26 ካሴ ኢስታ ኣዋቲ ሃይሳፌ ካሊዛ ካታማታን ዲዛይቲ ዲኤቴꬃፌ ሲሚዳ፤ ቤቴሊሄሜፔኔ ናጾፌ ዴሬ ኣሳታፔ 188፤ 27 ኣናቶቴ ዴሬ ኣሳታፔ 128፤ 28 ቤቲ-ኣዚሞቴ ዴሬ ኣሳታፔ 42፤ 29 ቂሪያቴ-ዪኣሪሜ፥ ካፊሬኔ ቢኤሮቴ ዴሬ ኣሳታፔ 743 30 ኤራማፔኔ ጌባ ዴሬ ኣሳታፔ 621፤ 31 ማኪማሴ ዴሬ ኣሳታፔ 122፤ 32 ቤቴሌፔኔ ኣዬ ዴሬ ኣሳታፔ 123፤ 33 ኔቦ ጌቴቲዛ ናምኣንꬆ ዴሬን ዲዛ ኣሳታፔ 52፤ 34 ኤላሜ ጌቴቲዛ ናምኣንꬆ ዴሬን ዲዛ ኣሳታፔ 1,254፥ 35 ሃሪሜ ዴሬ ኣሳታፔ 320፤ 36 ኢያርኮ ዴሬ ኣሳታፔ 345፤ 37 ሎዳ፥ ሃዲዴኒኔ ኦኖ ዴሬ ኣሳታፔ 721፤ 38 ሳናኣ ዴሬ ኣሳታፔ 3,930።

39 ዲኤቴꬃፌ ሲሚዳ ቄሴታ ዜሬꬃቲ ሃይሳፌ ካሊ ዲዛይታ፤ ኢያሶ ዜሬꬅ ጊዲዳ ያዳያ ዜሬꬃፌ 973፥ 40 ኢሜሬ ዜሬꬃፌ 1,052፥ 41 ፓሽኩሬ ዜሬꬃፌ 1,247፥ 42 ሃሪሜ ዜሬꬃፌ 1,017።

43 ዲኤቴꬃፌ ሲሚዳ ሌዌ ዜሬꬃቲ ሃይሳፌ ካሊ ዲዛይታ፤ ሆዳዬ ዜሬꬅ ጊዲዳ ኢያሶፔኔ ቃዲምኤሌ ዜሬꬃፌ 704። 44 ዲኤቴꬃፌ ሲሚዳ ዬꬃ ዬጺዛይቲ ሃይሳፌ ካሊ ዲዛይታ፤ ኣሳፌ ዜሬꬃታፔ 148። 45 ዲኤቴꬃፌ ሲሚዳ ጾሳ ኬꬃ ፔንጌ ናጊዛ ዛቤታ ዜሬꬃቲ ሃይሳፌ ካሊ ዲዛይታ፤ ጻልሞኔ፥ ኣጻሬ፥ ሻሎሜ፥ ኣቁቤ፥ ሃጺጼኔ ሾባዬ ዜሬꬃታፔ 138።

46 ዲኤቴꬃፌ ሲሚዳ ጾሳ ኬꬃ ኦሳንቻታ ዜሬꬃቲ ሃይሳፌ ካሊ ዲዛይታ፤ ጺሃ፥ ሃሱጳ፥ ጻባኦቴ፥ 47 ቂሮሴ፥ ሲኣ፥ ፓዶኔ፥ 48 ሌባና፥ ሃጋቤ፥ ሻሚላዬ፥ 49 ሃናኔ፥ ጊዴሌ፥ ጋሃሬ፥ 50 ኤራኣዬ፥ ኤራሶኔ፥ ኔቆዳ፥ 51 ጋዛሜ፥ ኦዛ፥ ፋሳሄ፥ 52 ቤሳዬ፥ ማኡኔ፥ ናፋሺሲሜ፥ 53 ባቂቡቄ፥ ሃቁፋ፥ ሃሪሁሬ፥ 54 ባጺልቴ፥ ማሂዳ፥ ሃርሻ፥ 55 ባርቆሳ፥ ሲሳራ፥ ቴማሄ፥ 56 ኔጺሃ፥ ሃጺፋ።

57 ዲኤቴꬃፌ ሲሚዳ ሶሎሞኔ ኦሳንቻታ ዜሬꬃቲ ሃይሳፌ ካሊ ዲዛይታ፤ ሶጻዬ፥ ሶፌሬቴ፥ ፔሪዳ፥ 58 ያኢላ፥ ዳርቆኔ፥ ጊዴሌ፥ 59 ሻፋጺያ፥ ሃጺላ፥ ፖኬሬቴ-ሃጼባሜኔ ኣሞኔ።

60 ዲኤቴꬃፌ ሲሚዳ ጾሳ ኬꬃ ኦሳንቻታ ቆዳይኔ ሶሎሞኔ ኦሳንቻታ ቆዳይ ኢሲ ቦላ 392። 61-62 ቴሊ-ሜላ፥ ቴሊ-ሃርሻ፥ ኪሩቤ፥ ኣዶኔኔ ኢሜሬ ጌቴቲዛ ጋጻሬ ካታማታፔ ሲሚዳይቲ ዳላያ፥ ጾቢያኔ ኔቆዳ ዜሬꬃታ ቆዳይ ኢሲ ቦላ 642፤ ጊዶ ኣቲን ሄይቲ ኡባይ ኢስራኤሌ ዜሬꬅ ጊዲዳይሳ ኤሪሳናስ ዳንዳይዛ ሚሺ ዴና።

63-64 ሃይሳፌ ካሊ ዲዛ ቄሴታ ዜሬꬃቲ ካሴ ባ ኣዋታ ዜሬꬃ ዛርኬ ሻኪ ኤሪሳናስ ዳንዳይቤቴና፤ ኢስቲካ ሃባዬ፥ ሃቆጼ፥ ባርዚሌ፤ ቄሴታ ባጋ ጊዲዳ ባርዚሌዬስ ካሴ ኣዋይ ጋላኣዴ ዴሬን ዬሌቲዳ ባርዚሌ ዜሬꬃፌ ኢሲ ማጫሳዮ ኤኪዳ ጊሻስ ባ ማቼይ ኣዋ ቆሞ ሱንꬃን ጼይጌታና ዳንዳይዴስ። ካሴ ባ ኣዋታ ዬሌታ ዛርኬ ሻኪ ኤሪሳናስ ዳንዳዮንታ ኣጊዳ ጊሻስ ጌዮንታ ኣሳ ማላ ቆዴቲዲ ቄሴቴꬃን ኦꬃናስ ዳንዳይቤቴና። 65 ሄሳ ጊሻስ ዩሁዳ ዴሬ ኣይሲዛዴይ ኡሪሜኒኔ ቱሚሜን *ኡሪሜይኔ ቱሚሜይ ቄሴታ ማይኦስ ሲንꬃ ባጋራ ቲራ ኪሴን ኡቲዲ ኢስቲ ጾሳ ሼኔ ሻኪ ኤራና ማላ ማዲዛ ሚሻታ። ጾሳስ ኦꬂዛ ቄሴይ ዴንዳና ጋካናስ ጾሳስ ሺቂዛ ያርሾፌ፥ ካꬃፌ ኦኒካ ማናስ ዳንዳዮንታይሳ ኢስታስ ዮቲዴስ። ኬሳ 28፡30፤ ዛሬ 33፡8 66 ዲኤቴꬃፌ ሲሚዳ ኣሳ ኩሜꬃ ቆዳይ ኢሲ ቦላ 42,360 67 ቃሴካ ኢስታ ኦሳንቻታ፥ ማጫሳታኔ ኣቱማሳታ ቆዳይ 7,337 ቃሴ ማዛሙሬ ዬጺዛ ማጫሳቲኔ ኣቱማሳታ ቆዳይ ኢሲ ቦላ 245 68 ፓራቲ 736፥ ባቁሎቲ 245 69 ጋሜላቲ 435፥ ሃሬቲ 6,720።

70 ኢሲ ኢሲ ኬꬃ ኣዋቲ ጾሳ ኬꬃ ኦሶስ ኢሞታ ሺሺዳ፤ ኢስታ ጊዶፌ ዴሬዛ ኣይሲዛይሲ ጌዳራን 8 ኪሎኔ ባጋ ጊዲዛ ዎርቃ፥ 50 ጉቃ ሳኔ፥ 530 ቄሴታ ማይኦ ኢሚዴስ። 71 ኬꬃ ኣዋቲካ ጌዳራን 168 ኪሎ ጊዲዛ ዎርቃኔ 1,250 ኪሎ ጊዲዛ ቢራ ኢሚዳ። 72 ኣቲዳ ኣሳቲ 168 ኪሎ ጊዲዛ ዎርቃ 1,100 ኪሎ ጊዲዛ ቢራኔ 67 ቄሴታ ማይኦታካ ኢሚዳ። 73 ቄሴቲ፥ ሌዌቲ፥ ጾሳ ኬꬃ ጊቤ ናጊዛ ዛቤቲ፥ ዬꬃ ዬጺዛይቲ ዴራፔ ዳሪዛ ባጋይኔ ጾሳ ኬꬃን ኦꬂዛይቲ ኡባይ ኢሲ ቦላ ኢስራኤሌ ዴሬ ኣሳይ ባ ካታማን ካታማን ጌሊ ዴኢዴስ። 1ታሪ 9፡2፤ ናሂ 11፡3