24
ዳዊቲ ዬጺዳ ማዛሙሬ
1 ሳኣይኔ ሳኣን ኩሚዳ
ኡባይ ጎዳሳ፤
ሳሎ ጉፋንꬆን ዲዛ
ኡባይ ጾሳሳ። 1ቆሮ 10፡26
2 ሳኣ ጊታ ኣባታ ቦላ ሚጪዴስ፤
ሃꬃ ቦላካ
ሚንꬂዲ ኤሲዴስ።
3 ጎዳ ዙማ ቦላ ኬዛናይ ኦኔ?
ኢዛ ጌሻሶሆን
ኤቃናይ ኦኔ?
4 ኢዛ ኩሼይ ናጋራፔ ጌዪዳይ፥
ኢዛ ዎዚናይ ጌሻ ጊዲዳይ፥
ኤቃ ጾሳታስ ጎይኖንታይ፥
ዎርዶ ጫቆንታይ፥ ማቶ 5፡8
5 ኢዚ ጎዳፔ ኣንጆ ኤካና፤
ባና ኣሺዛ ጾሳፌ
ጺሎ ፒርዳ ዴማና።
6 ጾሳኮ ጼሊዛ ኣሳይኔ
ያቆቤ ጾሳ ሲንꬅ
ኮይዛ ኣሳይ ሄይታንታ ማላ።
7 ካሬቲ ዶዬቴቶ፤
ቦንቾ ካዎይ ጌሎ፤
ቤኒ ፔንጌቲ
ኢዛ ኡፋይሳን ሞኪቴ!
8 ሄ ቦንቾ ካዎይ ኦኔ?
ሚኖኔ ዎልቃማ ጎዳ!
ኦላስካ ኢዚ ዎልቃማ ጎዳ!
9 ካሬቲ ዶዬቴቶ፤
ቦንቾ ካዎይ ጌሎ፤
ቤኒ ፔንጌቲ
ኢዛ ኡፋይሳን ሞኪቴ!
10 ሃ ቦንቾ ካዎይ ኦኔ?
ሄ ቦንቾ ካዎይ
ሳሎ ሜꬌቴꬃ ጎዳ!