2
1 Tani naage naagizason eqqana; miixa gimbe bolla kezada heen takkana. Ta oyshaas GODAY ay zaaro immanakko ta dizason daada iza naagana.
Imbaaqo Oyshaas Goday Immida Zaaro
2 Xoossi Imbaaqos,
«Waayisontta nababettana mala
nees ajjuutan qonccidayssa
saleeda bolla
lo7eththa wooca xaafa.
3 Ne ajjuutazi
baas imettida wode naagees;
izikka wurseththa
gishshas yootees,
wordotenna.
Gam7ana misatikkoka naaga;
izi tumappe yaana;
mulekka gam7enna.Ib 10:37
4 «Hekko izi otorettides;
iza amoy suure gidenna;
xillo asi gidikko ammanon dees.Oro 1:17; Gala 3:11; Ib 10:38
5 Dureteththi*Hayssan dureteth gizayssa issi issi birsheththati woyne ushshu geettes. as baleththees;
otoranchchas mulekka
shemppoy deenna;
izi duufo mala yora;
wodhiza hayqo malakka
kalo erenna;
dere ubbaa
shiishsheessinne
di7i ekki bees.
6 Histtiin hessa mala
asa bolla qidheninne
kadhen asay, ‹Ba kaysi ekkida
shaqaceza baas shiishshizaades,
genen duretizaades aayye ana!
Hessaththo ayde gakkanaas
shiishshanee?›
gi iza bolla miiccennee?
7 Ne acon yeggida asati
ne qoppontta ne bolla
dendettennee?
Istti beeggidi
nena daganththettenee?
Hessafe guye
ne istta kushen kundana.
8 Ne daro dere miish
bonqqida gishshas
hankko bonqqettonttayti
nena bonqqana;
ne asa suuth gussadasa;
deraa, katamanne
izan dizayta wursa dhayssadasa.
9 «Wordora baleththi ekkida
miishshan baas daana keeth
keexxizaadessinne
ba morkke kusheppe attanaas
ba keeth dhoqqasohon keexxizaades
aayye ana!
10 Daro asa shemppoy
dhayana mala qachchadasa;
ne keeththa bollanne
ne bolla dhayssizaaz ehadasa.
11 Gimbe giddon shuchchi waassees;
giddon goda eqqida miththatikka
izas zaaro immeettes.
12 «Suuth gussidinne iita ooththidi
katama essizaytas aayye ana!
13 Asa oosoy ubbay
taman xuugettana mala
dereykka mela daaburana mala
GODAY Ubbaafe
Wolqqama Xoossay
ubbaa woththibeennee?
14 Abbay kumiza mala biittay
GODAA gitateth eron kumana.Isa 11:9
15 «Asa kalloteth beyanaas
ba laggeta ushshu
ushshizaadessinne
istti uyidi maththottana gakkanaas
woyne ushshu duuqqizaades
aayye ana!
16 Neni bonchcho gishshas yeellatana;
hessika ha7i taray nees gidida
gishshas uyada gandigara;
ne kallotta.
GODAA ushachcha kushen diza
hanqo xuu7ay ne bolla simmana;
kase nees diza bonchchoza
kawushshateththan laammana.
17 Ne Libaanoose bolla
ooththida geney
nena mittana;
neni medosata dhayssidayssi
zaari nena daganththana;
hessika ne asa suuth gussida
gishshassinne
dereta, katamatanne
isttan dizayta
ne ubbaa dhayssida gishshassa.
18 «Asa kushey massi giigsida eeqanne
wordo haasayza misles
ay go7ay dizee?
Histtiin iza ooththidaadey
barkka ba ooson ammanettiza
gishshassinne
isttika haasayanaas dandayontta
eeqa ooththiza gishshassa.
19 Miththaa, ‹Ne beegga!›
Shemppoy baynda shuchchaaka,
‹Ne denda!› gizaades aayye ana!
Tumukka izi tamaarsana
dandayzee?
Hekko izi bollara worqqaninne
biran tiyettides;
izas shemppoyka deenna.
20 GODAY gidikko ba Geeshsha
keeththan dees.
Biitta bolla diza derey wurikka
iza sinththan co7u go» gides.