120
Pude Kezishe Yexxida Mazamure
Tani metotida wode GODAA xeygadis;
izikka taas koyides.*Pude kezishe yexxida mazamure gizayssi Ibraawe deren asay Yerusalaame bishe yexxiza mazamure bessees.
Abeet GODAWU!
Wordotiza metershatappenne
cimmiza inxarsatappe
tana ashsha.
 
Intteno wordanchchatoo!
Izi inttena wosttanee?
hessafe hara intte bolla
ay ooththanee?
Izi inttena hoxe tooran caddana;
izi inttena
bonqo taman xuuggana.
 
Ta Mesheeke deraa giddon days;
Qeedaare dunkaanenkka
uttida gishshas
taas aayye ana!
Saroteth ixxiza asatara
tani daro wode de7adis.
Tani saro koyays;
gido attiin tani saro
haasayza wode
istti oosh koyeettes.

*120:1 Pude kezishe yexxida mazamure gizayssi Ibraawe deren asay Yerusalaame bishe yexxiza mazamure bessees.