136
Eedon Yexxida Galata Mazamure
GODAA galatite! Izi kiya;
iza siiqoy mernaassa.1Taari 16:34; 2Taari 5:13; 7:3; Iz 3:11; Maza 100:5; 106:1; 107:1; 118:1; Er 33:11
Xoossata Xoossa galatite!
iza siiqoy mernaassa.
GODAA galatite!
iza siiqoy mernaassa.
 
Izi xalla gita malalisiza
miish ooththees;
iza siiqoy mernaassa.
Ba hiillateththan
salota medhdhides;
iza siiqoy mernaassa.Medhe 1:1
Biittaa haaththa bollan miccides;
iza siiqoy mernaassa.Medhe 1:2
Gita poo7ota medhdhides;
iza siiqoy mernaassa.
Arshey gallas
poo7ana mala ooththides;
iza siiqoy mernaassa.
Aginaynne xoolintteti
omars poo7isana mala
ooththides;
iza siiqoy mernaassa.Medhe 1:16
 
10 Izi Gibxe biittan
bayrata wodhides;
iza siiqoy mernaassa.Kessa 12:29
11 Isra7eele asaa Gibxeppe
kaaleththi kessides;
iza siiqoy mernaassa.Kessa 12:51
12 Ba mino kusheninne
ba wolqqama qesen
hayssa ooththides;
iza siiqoy mernaassa.
 
13 Zo7o abba shaakki yeggides;
iza siiqoy mernaassa.
14 Isra7eele asaa
he abba giddora pinththides;
iza siiqoy mernaassa.
15 Gibxe kawonne iza olanchchata
Zo7o abban mitissides;
iza siiqoy mernaassa.Kessa 14:21-29
 
16 Izi ba asaa bazzora kaaleththides;
iza siiqoy mernaassa.
17 Gita kawota shocides;
iza siiqoy mernaassa.
18 Wolqqama kawota wodhides;
iza siiqoy mernaassa.
19 Amooreta kawoza
Sihoone wodhides;
iza siiqoy mernaassa.Tay 21:21-30
20 Qasse Baasaane kawoza
Aage wodhides;
iza siiqoy mernaassa.Tay 21:31-35
21 Histtidi istta biitta
ba asaa laatissides;
iza siiqoy mernaassa.
22 Ba aylle Isra7eele laatissides;
iza siiqoy mernaassa.
 
23 Nuni kawuyida wode
izi nuna qoppides;
iza siiqoy mernaassa.
24 Nuna nu morkketappe ashshides;
iza siiqoy mernaassa.
25 Medheta ubbaas mizaaz immees;
iza siiqoy mernaassa.
 
26 Salo Xoossa galatite!
iza siiqoy mernaassa.

136:1 1Taari 16:34; 2Taari 5:13; 7:3; Iz 3:11; Maza 100:5; 106:1; 107:1; 118:1; Er 33:11

136:5 Medhe 1:1

136:6 Medhe 1:2

136:9 Medhe 1:16

136:10 Kessa 12:29

136:11 Kessa 12:51

136:15 Kessa 14:21-29

136:19 Tay 21:21-30

136:20 Tay 21:31-35