Ŋunhala *11:1–3 JudahDjudanydja ŋunhi ŋayi †11:1–3 JehuDjiyuyu bumara rakunyguŋala ‡11:1–3 AhaziahWayatjayanha, ŋayi Wayatjayawala ŋäṉḏi'mirriŋuyunydja ŋäkulana ŋurikiy §11:1–3 AthaliahWathalayayunydja. Dhunupa ŋayinydja djuy'yurruna dhika miriŋunhana bunharawuna bukmakkuna yanana ŋurikina ŋunhi walala yarraṯaŋuru *11:1–3 DavidDaypitkala; walala marrtjina bumaranydja bukmaknhana yanana dhika. Yurru waŋganynha yothu walŋathinanydja, liŋgu nhanukala mukul'mirriŋuyuna walŋakuŋala ŋanyanydja; ŋayi ḻaw'maraŋalanydja ŋanya, bala djaw'yurrunana bala, ga djuḻuḻ'yunmaraŋalana Godkalana Buṉbulili, märr yakana ŋanya Wathalayayunydja bumara rakunygunydja. Yurru ŋayi ŋunhi Wathalaya yaka marŋginydja, ŋunhi ŋayi waŋgany ŋunhiyi yothu walŋathina, bala ŋayina buŋgawakunhaminananydja ŋanyapinyay ŋayi, ga nhinananydja ŋayi yukurrana buŋgawanydja Djudapuyŋuwunydja 6 dhuŋgarra ŋupara. Ga mukthurrunaŋga yana ŋunhiyi yothuny'tja djuḻuḻ'yurruna ŋayi yukurrana, ga nhanŋu mukul'mirriŋu yukurrana djäkanydja ŋunhi.

4-12 Ŋunhi ŋayi ŋutharana märr‐wakindhinana ŋunhiyi gurrmul †11:4–12 JoashDjawatj yäku, ga ŋayinydja ŋunhi ḏalkarra'mirrinydja yolŋu waŋanana ‡11:4–12 JehoiadaDjiyuwatanydja bitjarra, “Dhiyaŋunydja‐wala ŋilimurru yurru buŋgawakumana Djawatjnhana, Wayatjayawu gäthu'mirriŋunhana.” Bala walala ḻuŋ'maraŋalana marrtjina guḻku'nhana dhika miriŋunhanydja djäkamirrinhanydja walalanha nhanŋu ŋuriki gurrmulwu gunganharawunydja, ga yolŋunha walalanha miṯtjinha ḻuŋ'maraŋalana waŋganylilina ŋunhimalana. Ga yurruna ŋayi ŋuriŋi ḏalkarra'mirriyu dhawaṯmaraŋala ŋunhi gurrmulnha Djawatjnhanydja, dhawaṯmaraŋala lili, ga nherrara ŋanya galki dhurrwaralili ŋunhimala Godkala Buṉbulili, bala yana ŋayi nherrara nhanukala ḻiyalilina giŋguna ŋunhi bathapu'. Ga walalanydja waŋana ŋanya bitjarrana, “Ŋayipi nhuna Godthu dhuwala ŋurruŋukuŋalanydja buŋgawakuŋalanydja.” Walala ḻiyanydja ḻupmaraŋala ŋanya weyika'yuna, ga bukmaktja yolŋu'‐yulŋu dhika bena yiŋgathina, waŋanana bitjarrana goŋ‐ḻurr'‐ḻurryunminana, “Nhiniya walŋa‐ḏikṯik yana ŋanapurruŋgu buŋgawa,” bitjarrana.

13-16 Ŋayinydja ŋunhala ŋuriŋi buŋgawayunydja dhäykayu Wathalayayunydja ŋäkula walalanha rirrakaynha, bala yana ṉaŋ'thurruna dhawaṯthurrunana, nhäku ŋunha walala yukurrana yiŋgathinanydja, dharr‐way nhäŋalana ŋunhiyi gurrmulnhana ŋunhi ŋayina giŋdhina, ŋayi yukurrana dhärrana ŋunhili. Ga yolŋunydja walala bena dhika yiŋgathinana goŋmirriyinana wiṯthurrunana. Wathalayanydja ŋayinydja ŋunhi dhäykanydja wiṯthurrunana dhikana bena galŋa‐yätjthina wirrkina wal'ŋu ŋaramurryinana manapara, ga girri'na barr'‐barryunmaraŋala nhanbalay ŋayi. Bala ŋayinydja waŋanana Djiyuwatanydja ŋunhi ḏalkarra'mirrinydja ḏarramu, “Ma' märraŋana ŋanya, ga gäŋa warraŋullilina dhawaṯmaraŋa.” Bala walala märraŋalana ŋanya, ga warryu'‐warryurruna warraŋullilina gäŋala, ga ŋunhalana walala ŋanya bala bumara rakunyguŋalanydja.

17 Ŋuliŋurunydja bala Djiyuwatanydja ŋunhi ḏalkarra'mirrinydja waŋanana giŋgala Djawatjkalanydja ga bukmakkala ŋurikala yolŋu'‐yulŋuwala bitjarra, “Ŋilimurrunydja dhuwala yurru nhanŋuway yana yolŋu'‐yulŋunydja Garraywu, ga ŋayipi yana ŋilimurruŋgu waŋarrnydja yurru. Ŋilimurru yurru malthundja yukurra nhanŋuway yana romgunydja.” Ga ŋunhi giŋdja ga yolŋu walala miṯtji bukmaknha waŋana bitjarrana, “Yo, yuwalk. Ŋayipi yana ŋilimurruŋgu yurru waŋarrnydja, ga ŋilimurrunydja nhanŋuway yana yolŋu'‐yulŋu yurru.”

18-20 Bala ŋuliŋurunydja walala yolŋu'‐yulŋunydja dhawaṯthurruna marrtjinana, bala ḏaw'yurruna marrtjina ŋunhi wäŋa buṉbuna wanhami walala yukurrana buku‐ŋal'yurruna Bälwu waŋarrwu, bala ḏaw'ḏawmaraŋalanydja warrpam'nha. Bukmaktja yolŋu walala wirrkina dhika galŋa‐djulŋithinana, ga wäŋanydja ŋunhiyinydja ḻatju'na dhika marimiriwnha, liŋgu ŋunhi buŋgawa yätjtja gal'ŋu miyalktja rakunydhinana.