1-22 Ga ŋunhala *14:1-22 JudahDjudanydja nhinana yukurrana giŋ ga †14:1-22 AmaziahWamatjaya yäku, ga djämanydja ŋayi yukurrana nhä malanha ŋunhi ŋamakurru' yana, bitjarrana liŋgu ŋunhi Garray yukurrana nhaltjarra waŋana nhanŋu. Yurru yaka wal'ŋu wirrkinydja ŋamakurru' balanyaranydja bitjan ‡14:1-22 King DavidGiŋ‐Daypit, balanyarayi liŋgu ŋayinydja ŋunhi, bitjan bäpa'mirriŋu nhanŋu §14:1-22 JoashDjawatj. Yaka ŋayi ŋula ḏaw'‐ḏawyurruna ŋunhiyi malanha wäŋa, ŋunhi wanhami ŋuli yolŋu'‐yulŋu buku‐ŋal'yuna wiripuŋuwu waŋarrwu walalaŋgu; mukthuna yana ŋuli yolŋu'‐yulŋuyunydja mundhurr‐wekanha bathana wiripuŋuwunydja waŋarrwu walalaŋgu buku‐ŋal'yuna ŋunhiliyinydjayi wäŋaŋura malaŋuŋura. Ga ŋayinydja Wamatjayanydja yukurrana nhinana buŋgawa 29 dhuŋgarra ŋupara, bala yana walala miṯtji miriŋu marrtjina ga bumara ŋanya rakunyguŋalana Wamatjayanhanydja. Bala nhanŋu gäthu'mirriŋuna dharapullilinydja nhanukala wapthurruna *14:1-22 UzziahYutjayana yäku.

Djäriyanydja ŋunhi märr‐ŋamakurru' giŋ yukurrana nhinana, balanyara yana liŋgu bitjan nhanŋu bäpa'mirriŋu, ga ŋunhi ŋayinydja rakunydhina, bala nhanŋu gäthu'mirriŋuna dharapullilinydja wapthurruna nhanukala †14:23—15:12 JothamDjothamnha.

Ga ŋunhala ‡14:23—15:12 IsraelYitjuralnydja, mukthurruna yana yukurrana yolŋunydja walala ŋunhi nhinana yätjŋura, djäma yukurrana yätj yana, liŋgu walalaŋgu buŋgawa §14:23—15:12 JeroboamDjirapawum ŋunhi giŋ mirithirrina yätjnha. Yo, marinydja marrtjina yindithinana walalaŋgu, ga yolŋunydja walala yukurrana nhinana galŋa‐yätjthinana wal'ŋu wirrkina ŋayaŋu‐yätjthinana, yurru bäyŋuna ŋula yolŋunydja walalaŋgu guŋga'yunarawunydja. Ga ŋunhi ŋayi Djirapawum rakunydhinanydja, ga nhanŋu gäthu'mirriŋuna dharapulŋuranydja *14:23—15:12 ZechariahDjakarrayana buŋgawayina. Ga ŋayinydja yana ŋunhiyinydja yätj buŋgawa, ga nhinana ŋayi ŋupara buŋgawanydja ḻurrkun' yana 6 ŋaḻindi ŋupara, bala ŋanyana bumara rakunyguŋala †14:23—15:12 ShallumDjalumdhuna yäkuyu.