Ga ŋunhala *18:1–8 JudahDjudanydja giŋ yukurrana nhinana †18:1–8 HezekiahYitjakaya; ŋayi ŋunhi yolŋunydja ḻatju' ŋanya dhika giŋdja, liŋgu romdja ŋayi yukurrana dhuḏakthurruna ga ŋanyapinyay yana giŋ ‡18:1–8 DavidDaypitnha. Yo, djämanydja ŋayi yukurrana ŋunhi manymak mirithirri ŋunhi yukurrana ŋayi Garraynha galŋa‐ŋamathinyamirriyaŋala. Ŋayi ḏaw'‐ḏawyurruna warrpam'nha marrtjina ŋunhi wiripu guḻkuny'tja waŋarr walala, dharrpalnydja malanha, ḏaw'‐ḏawyurruna warrpam'nha, bumarana yukurrana. Ga waŋganygalana ŋayi yana ŋayaŋu‐nherraṉminanydja waŋarrwala, nhanukalaynha yana Godkalana, ŋurikalana Godkala ŋunhi ŋayi §18:1–8 IsraelYitjuralpuyŋuwu waŋarr. Ŋayathaŋalanydja ŋayi yukurrana yana gurrum'thurruna wirrki wal'ŋu ŋunhinydja rom malanha, ŋunhi Godthu wekaŋala *18:1–8 MosesMawtjitjkala goŋ‐wekaŋala, yakana ŋayi ŋula yarrkthurrunanydja ŋuriki malaŋuwu romgu. Bala ŋayi Garrayyunydja ŋanya guŋga'yurrunana, ga gäŋalana marrtjina bala manymakkuŋalana.

9-12 Waŋganymirriyu waluyu ŋunhi †18:9–12 AssyriaYatjiriyapuyŋunydja miriŋu bunanana walalaŋgu Djudapuyŋuwu ŋunhalanydja, yurru Godthunydja ŋayipinydja guŋga'yurrunayi walalanha, ga yakana walalanydja ŋuruŋunydja miriŋuyunydja djuḻkmaraŋala ŋunhi Djudapuyŋunhanydja. Yo, Yatjiriyapuyŋuyunydja djuḻkmaraŋala warray Yitjuralpuyŋunhanydja liŋgu walala yaka malthurruna nhanŋu Godku dhärukku, yurru walala ŋuriŋi miriŋuyunydja yakana djuḻkmaraŋala wal'ŋu Djudanhanydja, bili walalanydja malthurruna yukurrana nhanŋuwaynha Godkuna yanana.

13-14 Yo, ŋulinyaramirriyunydjayi waluyu ŋunhi ŋayi ‡18:13–14 HezekiahYitjakaya mukthun yana giŋ ŋunhala §18:13–14 JudahDjudiyanydja, ga ŋayi giŋdhu ŋulaŋuru *18:13–14 AssyriaYatjiriyapuyŋuyunydja djuy'yurruna nhanŋuwaynha ŋayi miriŋunha; walala nyäṉ'thurruna guḻku'lilina wäŋalili malanyŋulili Djudiyalilinydja. Ga ŋayi Yitjakayayunydja djuy'yurruna dhäruknha nhanŋu giŋgu ŋuriki Yatjiriyapuyŋuwunydja †18:13–14 SennacheribDjanakaripkunydja yäkuwu bitjarrana, “Ma' mukthurrana! Yakana buŋa ŋanapurrunha. Ŋarranydja yurru wekama nhuŋu guḻku'na mirithirrina rrupiya.”

15-17 Yuwalkthi ŋayinydja ŋunhi galkarana marrtjina Giŋdhu Yitjakayayunydja, galkara marrtjina ŋulaŋuru Godkala Buṉbuŋuru girri' malanha garwarrwarr'mirri, ga wiripu malanha girri', ga bitjarra liŋgu ŋayi märraŋalayi nhanukiyingalanydja wäŋaŋuru, bala yana djuy'yurruna bala nhanŋuna ŋuriki giŋguna. Yurru ŋayinydja yaka warray ḏaḏawyurruna; mukthurruna warray yana yukurrana djuy'yurruna ŋunhi miriŋunhanydja bunharawu yukurranharawu ŋuruku ‡18:15–17 JerusalemDjurutjalambuyŋuwunydja; bena dhika dhaŋaŋnha miriŋu nyäṉ'thurruna ŋurikiyi wäŋawu gombunharawu.

18-37 Bitjanana liŋgu ŋayi ŋuriŋi miriŋuwalanydja Giŋdhu ŋuli djuy'yuna nhanŋuway djämamirrinha yolŋunha, ŋayi ŋuli djingaryuna galki ḻoḻulili ŋunhimala, bala ŋayi ŋuli yatjunana, warku'yuna Godkuna miṯtjinha yolŋunha walalanha, ga ŋanyapinyay Godnha, bitjana ŋuli ŋayi waŋanhanydja gam', “Be nhuma ŋuli waŋa yukurra, yanapi nhuma ganydjarr‐ḏälmirri, yurru bäyŋu warray yuwalktja. Ganydjarrmiriw warray nhuma. Yolthu warray be nhumalanhanydja yurru guŋga'yun? Nhuma ŋuli yukurra waŋa be nhumalaŋgu God ganydjarr‐ḏumurrunydja; nhumanydja yukurra guyaŋirri yanapi ŋayi yukurra yurru guŋga'yun walŋakuma nhumalanha, yurru bäyŋu warray yuwalktja. Yakana ŋayi yurru walŋakuma nhumalanha ŋarrakalanydja goŋŋuru. Ŋarrapina waŋganynha dhuwala ganydjarr‐ḏumurrunydja.” Bitjarra ŋayi miriŋuwunydja ŋunhi Giŋ dhäruk djuy'yunmina bala ŋunhimala Godkalaŋuwunydja miṯtjiwu.

Bala yana ŋuriŋiyi yolŋuyunydja miṯtjiyu ŋäkulana ŋunhi miriŋunhana dhäruk, bala walala dhäruktja mukthurrunana, yakana buku‐ruŋinyamaraŋala dhäruk waŋana, liŋgu giŋdhu Yitjakayayu ḻakaraŋala walalaŋgu ŋäthili yana, “Yakana mäkiri'‐witjurra walalaŋgu, ga yakana waŋiya buku‐ruŋiyinmaraŋa walalaŋgu. Ŋilimurrunydja dhuwala Garraywu yolŋu walala; ŋayipina yurru ŋilimurrunha walŋakumanydja,” bitjarra.

Bitjanana liŋgu ŋunhi miriŋunydja ŋuli marrtjinya bala, ga waŋanha walalanha ritjan'thuna, beyaṉu‐wukunha bitjana, “Yaka nhuma mäkiri'‐witjurra Giŋ Yitjakayawu dhärukku; ŋayinydja yukurra dhuwali nhumalanha yana mayali'‐wilkthun warray. Be ŋayi yukurra waŋa ŋuli ḻakarama nhumalaŋgu, ‘Ŋayi yurru Garrayyu ŋilimurrunha walŋakumanydja,’ bitjanna, yurru bothinyarayŋuna dhuwali nhanŋu dhäruktja. Ŋarra dhuwala yindinydja bathalanydja wal'ŋu; yakana yurru ŋula waŋarryu nhumalanha walŋakuma dhipuŋuru ŋarrakalanydja goŋŋuru. Ŋarranydja yurru bumana yana nhumalanha, warrpam'nha dhawar'maramana.”