9
Daypittja yukurrana djäkana Djonathangalaŋuwunydja gäthu'mirriŋuwu liŋgu ŋuriŋi dhawu'‐nherraṉarawuyyuna
9:1–13 (David cared for Jonathan’s son because of the covenant)
1 Waŋganymirri *DavidDaypitthu dhä‐wirrka'yurruna nhanŋuway yolŋu'‐yulŋunha bitjarra, “Way! Dhikaŋga †SaulDjolwuŋunydja walkur‐märranhara balaŋuŋga ḏäpthu'‐ḏapthun? Bay' warrpam'nha burakirri ŋiniya? Ŋarra ḏukṯuk ŋarra walalaŋgu yurru djäka gel'yun, bitjarra ŋarra dhawu'‐nherrara ‡JonathanDjonathannha.”
2-3 Ga walalanydja ḻakaraŋala nhanŋu, “Ŋunha ya' waŋgany nhanŋu Djonathangu walkurnydja nhina yukurra, yurru djukaṯ yulŋunydja, ga gaṉuŋ balanyara ya'.”
4-5 Bala ŋayi Giŋ Daypitthu djuy'yurrunana walalanha garr'yunarawuna ŋurikiyi Djonathangalaŋuwu walkurwunydja §9:4–5 MephiboshethMapiputjiwu yäkuwu. 6 Ŋunhi ŋayi ŋäkulanydja ŋuriŋiyi Djolwala gutharra'mirriŋuyu, ŋayi birrka'yurruna yanapi ŋayi Daypitthu bunha ŋanya, bala yana ŋayi wirrkina beyaṉiyinanydja. Marrtjinanydja lili ŋayi, ga bunananydja nhanŋu Daypitku, ga buku‐nyilŋ'thurruna ŋayi buku‐ŋal'yunarawu Daypitkuna, bala waŋanana bitjarrana ŋayi, “Ŋarranydja dhuwala nhuŋu djämamirri yolŋu,” bitjarra.
7 Ga ŋayi Daypittja waŋana, “Yaka nhe barrariya. Ŋarra nhuŋu yurru dhuwala djäka, liŋgu ŋäthilinydja ŋilinyu nhuŋu bäpa'mirriŋu Djonathan ga ŋarrapi, ŋilinyu dhawu'‐nherraṉmina ŋinyalaŋguway ŋilinyu, ga ŋulawitjan nhanukala ŋarranydja yurru nhuŋunydja djäka. Ŋarra yurru wekamana roŋiyinmaramana nhokalana goŋlili ŋunhinydja wäŋa ŋunhi nhokalaŋuwu märi'muwu wäŋa ŋaraka Djolwu, ga nhenydja yukurra yurru nhina bitjanna liŋguna dhiyalana ŋarrakalana, ga ḻuka nhe yurru yukurra ŋatha dhiyalana bili ŋarrakalana.”
8 Ga ŋayinydja ŋunhiyinydjayi bundhurrnydja ḏarramu waŋana bitjarrana, “Yol ŋarra dhuwala yolŋunydja? Dhika ŋarranydja be ŋula nhä warray. Nhäku warray nhe yurru djäka bitjandhinydja ŋarraku?”
9-10 Yurru Daypitthunydja yana roŋiyinmaraŋala ŋunhiyi märi'muwu nhanukalaŋuwu wäŋa ŋaraka, ga waŋgany ḏarramu ŋunhi ŋayi yukurranha ŋuli djäma Djolwu ŋäthili, ŋayina yukurrana ŋunhiyinayi yolŋu djäkanydja yukurrana ŋuriki bunhdhurrwalaŋuwunydja. 11-12 Yurru ŋayipinydja ŋunhi bunhdurrnydja ḏarramu nhinana yukurrana ŋunhalana bäymana Giŋ‐Daypitgalana wäŋaŋura. Ŋanya dhika walaŋguŋalana goŋ‐nherraṉmina ŋunhi giŋdja, djäkanydja nhanŋu dhika ḻatju'kuŋala yana, biyaku ŋuli ŋula nhanukalaŋuwuna walkurwu. 13 Ŋayi ŋunhi bunhdhurrnydja ḏarramu nhinanana yukurrana ŋunhalanayi wäŋaŋura Giŋgalana wäŋaŋura ŋunhala *JerusalemDjurutjalamnha, ga bitjanana liŋguna ŋayi ŋuli ŋathanydja ḻukanha ŋunhalana maṉḏana Giŋdhuna ŋuriŋi rrambaŋina.