31
1-11 “Ga wiripunydja ŋarra yawungu ḏarramunha djarr'yunna, *31:1-11 HurWarwu gutharra'mirriŋunha yäkunha †31:1-11 BezalelBetjalilnha, ŋarra yawungu ganydjarr wekamanydja ŋanya djämawu, liŋgu Walŋayu Birrimbirryu ŋuriŋi ŋarrakalay liŋguna ŋanya dhaŋaŋgunha, märr ŋayina boŋguŋu djämanydja yukirri ŋunhiyi maryakalnydja malanha ḻatju'kuŋunydja. Yo, ŋayipi boŋguŋu Betjalilyu ga wiripu‐guḻku'yu guŋga'yunamirriyu walalay nhanukala boŋguŋu djämanydja yukirri ŋunhiyi ŋarraku buṉbunha, ga bukmak nhä malanha wiripu girri' ŋurikiyi buṉbuwunydja. Ga bitjandhiyi walala yurru djäma mirithirri yukurra dharrpal girri' wal'ŋu ŋuriki ḏalkarra'mirriwunydja walalaŋgu, ga biyapul walala yurru djämayi weyikany'tja dharrpal yana ŋurikiyi lanhdhirra'wunydja, yurru djämanydja walala yurru yukurra bukmak djan'kukuma bitjandhi, bitjarra ŋarra ŋunhi nhokala ḻakaraŋala ŋunhala bukuŋura.” Bitjarrana ŋayi yukurrana Garrayyu ḻakaraŋalanydja Mawtjitjkala.
Ḻakarama yukurra Nhinanharamirriwuy Waluwuy
31:12–18 (The Sabbath)
12-17 Bala Garray waŋana dhurrwara‐ḏaw'yurrunanydja ‡31:12-17 MosesMawtjitjkala bitjarrana gam'. “Ḻakaraŋa §31:12-17 IsraelYitjuralpuyŋuwanydja miṯtjiwa biyaka, walala yukurra yurru bitjanna liŋguna ḏälkuma ŋarrakunydja ganaŋ'maranharanydja walu nhinanharamirrinydja, liŋgu dhuwalayinydja walu yiŋarra'yunara, märr nhuma yurru bitjan liŋgu guyaŋirrina yukurra ŋunhi ŋarra nhumalanha ganaŋ'maraŋalanydja ŋarrakuwayliliyaŋala. Yo, ŋunhiyinydjayi walu dharrpalnha wal'ŋu yana dhulŋuŋuna ŋarrakuwaynha. Ŋuli yurru ŋayi ŋula yol yolŋu yakanydja galkunmirri nhina, djämanydja yukurra mukthundja, nhumanydja yurru bumana ŋanya rakunygumana, liŋgu waŋgany rulu ga waŋgany bäythinyara ḏaykun' djämawuynydja, ga ŋuriŋinydja bala waluyu ŋunhiyinydja ganaŋ'maranharana wal'ŋu, galkunminyaramirrina, gänaŋuna nhanŋuwaynha Garraywuna. Balanyarayunydja walala Yitjuralpuyŋuyunydja yurru bitjan liŋgu guyaŋirrina yukurra, ŋunhi Garrayyu bokmara ŋunha djiwarr' ga dhuwala munatha'; waŋgany rulu'yu ga waŋganydhu bäythinyarayu ḏaykun'thunydja ŋayi djämanydja, dhawar'maraŋalana warrpam'nha nhä malanha, ga ŋuriŋinydja bala ḏaykun'thu ŋayi galkunminana ŋanyapinyay ŋayi.”
18 Ŋunhi ŋayi Garray dhawar'yurrunana Mawtjitjkala waŋanharaŋuru ŋunhala bukuŋura, bala ŋayi Garrayyu goŋ‐wekaŋalana Mawtjitjkala märrma' guṉḏa maṉḏanha, yurru rommirri, makarrmirri dhärukmirri, wukirriwuynydja goŋbuy nhanukiyinguŋu Gunhu'wuŋu Waŋarrwuŋu.