1 Bala walala gonha'yurrunana ŋunhiyinydja wäŋa, balayi marrtjina Gaynanlili, ga *LotLot yäku ḏarramu Yipuramgalaŋuwu gutha'mirriŋuwu walkur malthurrunanydja yukurrana nhanŋu Yipuramgu.

2-5 Yo, †13:2–5 AbramYipuramdja ŋunhi ḻukunydjana ḏarramu, guḻku'na nhanŋu wäyin buliki ga nanikut, dhika nhä girri' malanha ga rrupiya ga djämamirri walala. Ga nhanbala ‡13:2–5 LotLotpa balanyara yana liŋgu guḻku'yi yana wäyin malanha ga djämamirri walala.

Marrtjinanydja walala yukurrana‐a‐a, ga yana liŋgu nhinananydja walala ŋunha §13:2–5 BethelBithullili wäŋalili yäkulili makarrlili *13:2–5 CanaanGaynanlili. Nhinananydja walala yukurrana ŋunhiliyi liŋgu wäŋaŋura ŋunhi ŋayi Yipuramdhu ŋurruthaŋala botjaŋala guṉḏa malanha ŋal'‐ŋalmaraŋala, ga ŋunhalayina ŋayi Yipuram biyapulnydja buku‐ŋal'yurruna nhanŋu Godku.

6-7 Nhinanana walala yukurrana märr‐weyindhinanydja, bala nhanukalanydja Lotkalanydja djämamirriyu walalay ŋarrtjurrunana nhanŋu Yipuramguna djämamirrinha walalanha; ŋarrtjunminana walala yukurrana dhä‐ḏälthinyamina bitjarrana ya', liŋgu yaka ŋunhiliŋumi wäŋaŋura ŋatha guḻku' ŋula ŋorrana yukurrana ŋuriki wäyingu walalaŋgu bukmakku. Liŋgu wiripunydja mala Gaynanbuynydja ga †13:6–7 PerizBiritjpuynydja yukurrana nhinanayi ŋunhiliyi liŋgu wäŋaŋura.

8 Bala ŋayi Yipuramdja waŋana Lotnha bitjarra, “Ŋalinydja maṉḏa dhuwala gurruṯu'mirri maṉḏa. Yaka yurru ŋitjalaŋgu yukurra djämamirri walala ŋarrtjunmirri ga bunharamirri; 9 ŋali yurru yana guḻk‐guḻkthunmirri barrkuwatjkunhamirrina. Nhepi djarr'yurra wanhamala nhe yurru marrtji, ga nhiniya yukirriya ŋula wanhami ŋunhi nhe ḏukṯuk, ga ŋarranydja yurru marrtji ŋula wiripulili wäŋalili.”

10 Ŋayi Lotthunydja nhäŋa'‐nhaŋala marrtjina wäŋa ḻiw'maraŋala, bala ŋayi nhäŋala gapuna mayaŋ'nha, ga galki mayaŋ'ŋura ŋunhiliyi wäŋaŋura ḻatju'na dhika mulmu buta'na ŋanyana. 11 Bala ŋayi Lot waŋanana gurku'yurrunana, “Ŋarranydja yurru marrtji ŋunhamala ya', yaŋunhamala wäŋalili; ŋunhala ŋarranydja yukurra yurru nhina ḻatju'ŋura wäŋaŋura dhika galki gapumirriŋura mayaŋ'ŋura.”

12 Yuwalkthi maṉḏa barrkuwatjthinana; ŋayinydja Yipuramdja ŋunhilina bäymana yukurrana nhinana wäŋaŋura, yurru märr‐gaŋga ŋamakurru' wäŋanydja ya'. Ga ŋayi Lotthunydja märraŋala nhanŋuwaynydja nhä malanha warrpam'nha, bala giṯthurruna marrtjina ŋunhimalanayi, ga nhinana ŋunhanayi galki mayaŋ'lilina, galkina yana wäŋaŋura bala'‐maypamirriŋurana ‡SodomDjudumnha yäkuŋura. 13 Yurru yolŋunydja walala ŋunhalaŋumi Djudumbuyŋunydja wirrkina dhika yätjmirrina wal'ŋu; yaka walala yukurrana Garraynha guyaŋina ga dhäruk‐märraŋala.

14 Ga ŋuliŋurunydja dhurrwaraŋuru ŋunhi ŋayi Lotthu ŋanya gonha'yurruna Yipuramnha, Godthu waŋana Yipuramnha bitjarra, “Nhäŋa marrtjiya dhika ḻiw'maraŋa ya' wäŋa, biyaka bala be barrkulili. 15 Dhuwala bukmak wäŋanydja gay' ŋarra yurru wekama nhuŋuna ga nhokalaŋuwu yumurrku'wuna gupaḏalnha‐wala yurru. 16 Nhokuŋu guwar‐yalkthunaranydja yurru dhaŋaŋdhirri mirithirrina guḻku'na bothurrumiriwnha, bitjan ŋunha ya' munatha' ganu'. 17 Gaŋgathiyanydja bala marrtjiya muŋdhu'‐muŋdhurrana djalkiriyuna bukmak yana dhuwala gay' wäŋanydja, bili nhuŋuwaynha yurru ŋarra wekama dhuwala wäŋanydja warrpam'nha yana.”

18 Bala yana ŋayi Yipuramdja giṯthurrunana ŋuliŋuru, ga marrtjina dhut‐gay nhinana §MamreMamirilili wäŋalili yäkulili, galki *HebronYiprunlili, ga ŋunhalayinydja ŋayi guṉḏa botjaŋala ŋal'‐ŋalmaraŋala, ga buku‐ŋal'yurruna yukurrana Garraywuna.