1 Bala ŋayi murrŋaram'tja ḏarramu Yitjaktja yäku wäthurrunana nhanŋu Djaykupku lili, bala waŋana nhanukala dhäruk‐nherrarana bitjarra, “Yaka yana nhe yurru märrama dhiyakuwuynha wäŋawuynha miyalknha, *CanaanGaynanbuyŋunhanydja bäpurru'nha. 2 Balayi nhe yurru marrtji roŋiyirriyi ŋunhiwala ŋathiwala Yaranlili, makarrlili †MesopotamiaMitjapatamiyalili, ga ŋunhilina nhe yurru maḻŋ'marama dhäykanhanydja, gäthu'mirriŋunha nhokalaŋuwu ŋapipi'mirriŋuwu Laypangu, ŋanyana nhe yurru ŋunhiyina märraŋanydja. 3 Godthu yurru nhuna guŋga'yundja, bala nhe yurru bäpa'mirriŋuyirrina guḻku'wuna bäpurru'wunydja dhika, guwar‐ŋurrkamana nhe yurru dhaŋaŋnha miṯtjinydja. 4 Godthu yurru nhuna gäma ḻatju'kuma marrtji bala, bitjan yana liŋgu bitjarra ŋayi yukurrana gäŋala nhuŋu märi'mirriŋunha ‡AbrahamYipurayimnha. Ŋayi yurru Godthu nhuŋuna wekamanydja dhuwalanydja wäŋa ŋunhi ŋayi dhawu'‐nherrara nhanŋu Yipurayimgu.” 5 Bitjarrayi ŋayi Yitjakthu djuy'yurrunanydja‐wala Djaykupnha.

Djar'tjar‐way ŋayi Djaykuptja, gonha'yurrunana nhanŋu ŋunhi ŋäṉḏi'mirriŋunhanydja.

10 Djar'tjar‐way ŋayi §JacobDjaykuptja gonha'yurrunana *BeershebaBiratjipaŋunydja wäŋa bala †HaranYaranlilina wäŋalili, yurru barrkuna bena‐wala wäŋanydja ŋunhi. 11 Marrtjinanydja ŋayi yukurrana yana liŋgu gandarrŋuranydja munhakuyinana nhanŋu, bala ŋayi ŋorranana ŋunhili gandarrŋuranydja; guṉḏanydja ŋayi märraŋala, gurrunharanydja, bala muḻkurr‐wurruŋalana ŋunhimala.

12 Ŋorranana ŋayi yukurrana yakurrnha, bala ŋayi marrtjina bukaway'yinana, nhäŋala ŋayi bukaway'kurrunydja, ŋunhili liŋgu yukurrana dhärrana ŋal'‐ŋalyunaramirri dhukarr ŋuliŋuru liŋgu ŋunhi wanhami ŋayi yukurrana ŋorrana, bala djiwarr'lili. Ga ŋuliwitjarra gatjaḻkurrunydja Godku djiwarr'wuy yolŋu'‐yulŋu wäŋgaŋala dharrana, bala ḏuwa'‐ḏuwaṯthurruna ga lili yarru'‐yarrupthurruna, bitjarra yukurrana. 13 Ga ŋayipinydja Garraynydja ga ŋunhili bäyma nhanukala Djaykupkala yana nyeyaḻŋura yukurrana djingaryurruna, ga waŋananydja ŋayi Djaykupkala bitjarra, “Ŋarranydja dhuwala Garray muka, waŋarr nhokalaŋuwu märi'mirriŋuwu ‡AbrahamYipurayimgu ga nhokalaŋuwu bäpa'mirriŋuwu §IsaacYitjakku waŋarr. Ŋarra yurru wekama dhuwalanydja gay wäŋa, dhuwala nhe yukurra ŋorra nhuŋuway ga nhokalaŋuwu malawu. 14 Nhipala yurru malanydja gaŋdhunna wirrkina wal'ŋu dhaŋaŋdhirrina, ga yothu yurru nhokala yarraṯaŋuru maḻŋ'thun ŋunhala bala yalala, ga ŋuliwitjan nhanukalaŋukurruna ŋarra yurru walŋakuma bukmaknhanydja miṯtjinha. 15 Ŋarranydja dhiyalami nhokala bitjan liŋgu ga wanhawitjan nhe yurru marrtji. Ŋarrapi yurru nhuŋu goŋ‐nherraṉmirrinydja, ga ŋarrapi yurru nhuna roŋiyinmarama dhipalanydja wäŋalili. Yaka ŋarra yurru nhuna ganandja; ŋarra yurru djämanydja‐wala bitjan yana liŋgu ŋunhi ŋarra nhaltjan yukurra dhäwu'‐nherraṉmirri nhokala.” Ga bitjarra yukurrana Garray waŋana ŋunhili Djaykupkala bukaway'kurrunydja.

16 Ŋayi Djaykup gaŋgathinanydja yakurrŋuru, bala waŋanana bitjarra, “Garray muka dhuwala yulŋunydja dhiyalaminydja. Dhuwalayi nhanŋuway muka wäŋanydja, yurru ŋarra dhuwala yaka marŋginydja.” 17 Wirrkina ŋayi beyaṉiyinanydja, bala ŋayi waŋanana, “Dhuwalanydja dhuwala wäŋa dhuyuna ŋiniya? . . . gänaŋuna nhanŋuwaynha Godkuna wäŋa. Dhuwalanydja wäŋa dhurrwara djiwarr'nha.” Ga bitjarra ŋayi Djaykup nhinana waŋananydja.

18 Bala ŋayi gaŋgathinana ḏuḏurr‐way; gaŋgathinanydja ga ḻaw'maraŋala ŋunhi guṉḏanydja ŋunhi ŋayi ḻiya‐gurruŋala yukurrana ŋunhimala, bala nherrarana ŋunhiyi guṉḏa, bala ŋayi weyikany'tja guryunmaraŋala ŋunhimala guṉḏalilina. Bala ŋayi buku‐ŋal'yurrunana, märr‐ŋal'yurruna Godkuna. 19 Ga yäku‐nherraranydja ŋayi ŋunhiyi wäŋanydja *BethelBithulnha, ŋunhinydja mayali' bitjan Godku buṉbu.

20 Ga ŋayi Djaykuptja waŋana dhäruk nherraṉmina, wäwun‐nherraṉmina Garraywalanydja bitjarra, “Ŋuli nhe yurru yukurra yuwalkkuma djäka ŋarraku, ga marrtji galki ŋarrakala, gunganhamirriyama ŋarranha ga wekama ŋarranha yukurra yurru ŋayaŋay'yu ga girri'yu, 21 ga ŋuli nhe yurru roŋiyinmarama ŋarranha balayi bäpawala ŋarrakalaŋuwala wäŋalili, ga yurruna ŋarra yurru nhuŋu märr‐ŋal'yundja, ga nhepina yurru ŋarraku waŋarrnydja. 22 Dhuwalanydja wäŋa bitjan nhuŋuwaynha God, ŋanapurru yurru dhiyalanydja buku‐ŋal'yun nhuŋuwaynha yukurra yanana, bala ŋarra yurru barrkuwatjkumanydja guḻk‐guḻkthundja 10‐gumana nhuŋunydja, bukmak yana ŋunhi nhe yurru wekamanydja ŋarraku.”