47
Djaykupku dhä‐yawar'yunaramirrina dhäruk
47:27—49:28 (Jacob’s last words)
27 Yo, ŋunhi *47:27 IsraelYitjuralpuyŋunydja yolŋu'yulŋu nhinanana‐a‐a yukurrana ŋunhilina †47:27 EgyptYetjip, yanana liŋgu‐u‐u, bala walala ḻukunydjayinana dhikana, ŋatha‐guḻku'mirriyinana ga wäyindja guḻku'yinana marrtjina dhika dhaŋaŋdhinana ga yumurrkuny'tja malanydja guḻku'yinana.
28-29 Ga ŋunhi ŋayi ‡47:28-29 JacobDjaykuptja liŋguna worruŋuyinana, dhuŋgarranydja nhanŋu 147‐nha, walunydja marrtjina galkithinana nhanŋu rakunydhinyarawuna, bala yana ŋayi gawaw'yurruna nhanukalayŋuwu gäthu'mirriŋuwuna §47:28-29 JosephDjotjipkuna, ga waŋananydja nhanukala ŋayi bitjarra, “Nhenydja ŋarranha dhawu'mirriyaŋanydja yuwalkkuŋa yana. Ŋunhi ŋarra yurru rakunydhirrinydja dhiyala, ga yaka ŋarranha dholkuŋa dhipalanydja bäyma Yetjiplilinydja. 30 Djaw'yurra ŋarranha rumbalnydja balayi *47:30 CanaanGaynanlili, ga dholkuŋa ŋunhamala yana bili wäŋalili ŋunhi bäpa'mirriŋu ŋarraku dholthirri nhina.”
31 Ga ŋayi Djotjiptja yoraŋalana nhanŋu, bala waŋana dhawu'nherrara bitjarrana, “Yuwalk yana ŋarra yurru nhuna dholkumanydja ŋunhamala liŋgu, bitjan yana liŋgu bitjan dhuwali nhe yukurra waŋa.”
48:1—49:28
Yo, Djaykuptja ŋunhi ŋayi wiripunydja yäku Yitjural worruŋuna liŋguna, ga rirrikthurrunana ŋayi, galkina ŋayi rakunydhirrina yurru, bala ŋayi ŋulinyaramirriyu gawaw'yurrunana nhanukalaŋuwu gäthu'mirriŋuwuna walalaŋgu, ḻuŋ'maraŋalana walalanha ŋurikiyi 12‐ku. Bala ŋayi dhäruknha wekaŋala goŋmirriyaŋalana walalanha yäkumirri Godkalaŋumirrina, ḻakaraŋala yukurrana walalanha nhaltjan yurru ŋunhala bala yalala maḻŋ'thun, ga ŋäŋ'thurruna ŋayi yukurrana bukumirriyaŋala waŋga'‐waŋganygu ŋurikiyi walalaŋgu yulŋunydja. Walala yurru nhinanydja yukurra waŋganyŋura yana, waŋgany yana bäpurruny'tja Yitjural, yurru barrku'‐barrkuwatjthirrina walala yurru nhinanydja yukurra miṯtji ga miṯtji. Ga bitjarrayi liŋgu ŋayi Djaykupthu dhäruk‐wekaŋala ŋunhi Djotjipkalaŋuwu walkurwu maṉḏaku †48:1—49:28 EphraimBurayim ga ‡48:1—49:28 ManassehManatjawu, ga maṉḏanydja yurru bitjan yana liŋgu barrkuwatjthirri bäpurru maṉḏanha, yurru ŋunhiyi warray bili Yitjural yana miṯtjinydja.