8
Gitiyandja walalaŋgala yarryurrunana buŋgawayinyaraŋuru
8:22—9:57 (Gideon refused to become their king)
22 Bala walala *IsraelYitjuralpuyŋunydja waŋana †GideonGitiyangala bitjarra, “Ŋanapurrunydja ḏukṯuk nhe yurru ŋanapurruŋgu ŋurruŋu yukurra dhärra, bitjan nhenydja yurru ŋanapurruŋgu buŋgawana wal'ŋu giŋnha, liŋgu nhe walŋakuŋala ŋanapurrunha ŋurukala ‡MidianMidiyanbuyŋuwalanydja goŋŋuru. Ga ŋunhi yurru nhe bäyŋuthirri, rakunydhirri nhe yurru, ga nhuŋu yumurrku'na yurru nhokala dharapulŋuranydja djingaryun yukurra, ŋanapurruŋgu ŋurruŋuyirri yurru.”
23 Ga ŋayi Gitiyandja waŋana bitjarra, “Ŋarranydja yurru yaka buŋgawa nhumalaŋgu, ga ŋarraku gäthu'mirriŋu yaka nhumalaŋgu yurru buŋgawayirri; Garray dhuwala ŋayipi yurru nhumalaŋgu buŋgawanydja, ŋayipina waŋganynha.”
24 Ga biyapul ŋayi Gitiyan waŋana, “Bukmakthu nhuma dhiyaŋu walalay gäŋa lili ŋarrakala ŋula nhä mel‐winya'mirrinydja girri', ŋunhi nhuma Midiyanbuyŋuwala djaw'‐djawyurruna.”
25-26 “Ŋanapurru yurru wekamana‐wala yana nhokala,” bitjarra walala ŋunhi yolŋu'‐yulŋunydja miṯtjinydja waŋana. Bala walala bukmaknha yurrum'thurrunanydja marrtjina, gäŋalana lili Gitiyangalana ŋunhi girri'na malanha, maŋutji‐winya'mirrinydja girri'. 27 Ga ŋuriŋiyi girri'yu ŋayi mel‐manaparana batharana, nyarra'yunmaraŋalana, bala djäma ŋula nhäna ŋuriŋi garwarrwarr'mirriyunydja girri'yu, märr yurru ŋayi dhatthunmirrina yukurra yurru ŋuriŋi dhapirrkmirriyuna dhikana wal'ŋu girri'yu. Yurru bukmaktja ŋunhi yolŋu'‐yulŋu Yitjuralpuyŋu marrtjina ŋunhimalana waŋganylilina, bala walalanydja buku‐ŋal'yurrunana yukurrana ŋurikinayi girri'wu, bitjarrana walala yukurrana ŋurru‐nherrarana ŋäthilina walalaŋgu Gitiyangu ga nhanukalaŋuwu yumurrku'wu. Yo, malthurrunanydja walala yukurrana märr‐ŋal'yurrunana nhanŋuwaynha Gitiyanguna, ga bitjarrayina walala ŋapayuna‐ŋurrkaŋala, gonha'yurrunana Godnhanydja ŋunhi ŋayina walalaŋgu yuwalkŋunydja ŋurruŋu.
28-32 Ga ḻatju' yukurrana wäŋa djingaryurruna ŋulinyaramirriyunydja, marimiriw nhämiriw, yana liŋgu‐u‐u 40 dhuŋgarranydja ŋupara, ga yana liŋgu ga Gitiyan rakunydhina.
33-34 Ga dhäŋuru ŋuliŋurunydja ŋunhi ŋayi rakunydhinana liŋguna Gitiyan, ga walala ŋunhi yolŋu'‐yulŋunydja biyapul ŋanydjaḻa'yurruna Godkalanydja, ga balayi buku‐ŋal'yurruna ŋuriki liŋgu Bälwu goŋbuywu waŋarrwu; yakana walala yukurrana buku‐ŋal'yurruna Garraywunydja, walalaŋgalaŋuwu Waŋarrwu walŋa‐ḏikṯikkunydja, ŋurikinydja ŋunhi ŋayi walŋakuŋala walalanha yukurrana ŋurikala miriŋuwala walalaŋgala. 35 Ga bitjarrayi bili walala yaka birrka'yurruna ŋanya Gitiyannha, ŋunhi ŋayi ŋuli guŋga'yuna walalanha yukurranha, ga djäka ŋamathanha wal'ŋu walalaŋgu.
9:1–57
Ga ŋuliŋuru ŋunhi ŋayi Gitiyan rakunydhinana liŋguna, ga dharapulnydja nhanŋu märraŋala gäthu'mirriŋuyuna nhanukala §9:1–57 AbimelechWapimalikthuna; ŋayina buŋgawakunharamina ŋanyapinyay ŋayi, märr ŋayina yurru buŋgawa. Yurru Wapimaliktja ŋunhi yätj yana gal'ŋu buŋgawa; warrpam'nha ŋayi bumara rakunyguŋalana gutha'mirriŋunhanydja walalanha nhanŋuway, bukmaknhana yana, liŋgu ŋayi ḏukṯukthina wirrki, ŋayipi yurru buŋgawayirri. Yo, ŋayi yukurrana dhärrana djäka ŋuriki yolŋu'‐yulŋuwunydja ḻurrkun' dhuŋgarranydja ŋupara, bala ŋayi rakunydhinana Wapimaliktja.