1 Yo, *IsraelYitjuralnydja ŋunhiyi miṯtji buḏapthurrunana mayaŋ'ku, bukmaknha yana walala gärrina ŋunhimalanydja wäŋalili ŋunhi Godthu walalaŋgu dhawu'‐nherrara ŋäthili. 2-3 Bala Garray waŋana †4:2–3 JoshuaDjatjuwanha bitjarra, “Djarr'yurrana nhe yurru ḏarramuwurrunha 12‐nha, walala yurru waŋga'‐waŋganydhu dhipuŋuruyi 12‐ŋuru bäpurru'ŋurunydja yana ḻaw'‐ḻawmarama guṉḏa ŋulaŋuru dhunupa'ŋuŋuru yana mayaŋ'ŋuru, ŋunhi wanhami marrtji ḏalkarra'mirri walala djingar'‐djingaryun, walala yurru gämanydja ŋunhiyi guṉḏanydja malanha, ga dhipalana bala nherra'‐nhirraṉ, bala ŋal'‐ŋalmaramana ŋunhimala yana liŋgu wäŋalili ŋunhi wanhami nhuma yurru wäŋarama gäthura munhaku.”

4-6 Bala ŋayi Djatjuwayu ḻakaraŋalana ŋuripa yolŋu'‐yulŋuwana, waŋana ŋayi bitjarra, “Dhuwalayi guṉḏa malanha dhuwala nhuma ŋal'‐ŋalmarama yurru waŋga'‐waŋganygu yana Yitjuralpuyŋuwu dhuwaliyi bäpurru'wunydja malaŋuwu, djingaryundja yukurra dhuwali yurru bukmakkuna yana nhänharawunydja yukurranharawu, ga buku‐ḻayyunmaramana yukurra yurru guyaŋinyamaramana yolŋu'‐yulŋunhana. Ga yalala nhokala yurru yumurrku'yu nhäma dhuwalayi guṉḏa malanha botjanhara, bala waŋa dhä‐wirrka'yunna yurru bitjanna, ‘Nhä dhuwalanydja guṉḏa mayali'? Yolnha walala yukurra ḻakaramanydja dhiyaŋu guyaŋinyamaramanydja?’ bitjandja yurru ŋunhi ya'. 7 Bala nhumanydja yurru ḻakaraŋana walalaŋgu biyakana, ‘Garrayyu ŋayipi gapu‐guḻkthurruna mayaŋ', ŋunhi ŋayi Godku Dhawu'‐nherraṉminyarawuy Bathi djuḻkthurruna balakurru mayaŋ'kurru, ga dhuwalanydja guṉḏa malanha djingaryun yukurra yurru bitjanna liŋguna gupaḏalnha‐wala, märr yurru yukurra bukmakthu yolŋu'‐yulŋuyu dhiyaŋu Yitjuralpuyŋuyunydja nhämana, bala guyaŋirrina yukurra yurru bitjanna liŋguna, ga yakana ŋula meṉgumanydja.’ ”

8 Ga ŋuriŋiyi ḏarramuwurruyunydja yuwalkthi djämana‐wala ŋunhi nhaltjarra Djatjuwayu waŋana walalanha; walala lilinydja djoṉguŋala guṉḏa malanha 12 yana ŋuliŋuru mayaŋ'ŋurunydja, ŋuliŋuruyi dharapulŋuru ŋunhi walala marrtjina wanhami ḏalkarra'mirri walala djingar'‐djingaryurruna goŋ‐dhawurrŋamirri walala ŋurikimirri, ga lilinydja gäŋala, ga ŋunhiwalayina botjaŋala ŋunhiyi guṉḏanydja ŋal'‐ŋalmaraŋala marrtjina wiripulilina makarrlili wäŋalili. 9 Ga bitjarrayi liŋgu walala guṉḏa malanha djoṉguŋala, ga gäŋala balayi, ga rarr'yurruna nherra'‐nhirrara ŋunhimala ŋunhi ḏalkarra'mirri walala ḻuku dharapul ŋunhilimiyi, ṉapuŋga' wal'ŋu mayaŋ'ŋura dhunupa'ŋuŋura. Ga dhiyaŋunydja‐wala ŋunhayi guṉḏanydja mukthun yana djingaryun yukurra, guyaŋinyamirriyamana yukurra bukmaknhana yolŋunha walalanha. 10 Liŋgu ḏalkarra'mirrinydja walala ŋunhiliyi mukthurruna yana djinga'‐djingaryurruna marrtjina ŋunhili bäyma dhunupa'ŋuŋura mayaŋ'ŋura, ga gonha walalawuy ŋunhiyi yolŋu'‐yulŋu yukurrana bukmak buḏapthurruna wiripuŋulili makarrlili. 11-12 Walala yukurrana buḏapthurrunanydja ganydjarryuna yana, yana liŋgu‐u‐u ga bukmak dhawar'yurruna, bala walalanydja ŋunhi ḏalkarra'mirrinydja walala buḏapthurruna, gäŋalana marrtjina ŋunhiyina Dhawu'‐nherraṉminyarawuynha Bathi, ga bukmakthunydja yukurrana nhäŋala liliyi walalanha.

13 Yo, yolŋu'‐yulŋunydja be‐nhämunha' dhika mala marrtjina, dhaŋaŋnha biyapulnha dhikana, dhuwalana miṯtji gam' 40‐dhawutjinnha mitjinydja ŋunhi buḏapthurruna mayaŋ'kunydja marrtjina, bala nhinanana marrtjina wäŋaraŋalana galkina yana ‡JerichoDjarikunha. Marrtjinanydja walala yukurrana goŋ‐garamirrina walala warrpam'nha, nyäṉ'thurrunana dhikana bunharawuna, walala yurru gukumana bumana ŋuliŋuruyi wäŋaŋurunydja bukmaknhana yana ŋula nhämunha'nha, warrpam'thunna dhawar'maramana, märr yurru ŋunhiyinydja wäŋa yukurra djingaryun nhanŋuwaynha yana Godkuna gal'ŋu. 14 Ga ŋulinyaramirriyu walala ŋuriŋiyi yolŋu'‐yulŋuyunydja nhäŋalana dharaŋarana ŋanya Djatjuwanhanydja, ŋunhi ŋayinydja yuwalk warray wal'ŋu ŋurruŋu, nhanukuŋuway warray Godkuŋu nherraṉara, ga ŋuliŋurunydja dhurrwaraŋuru walala Yitjuralpuyŋunydja yolŋu'‐yulŋu nhanŋuwaynha Djatjuwawuna yukurrana märr‐ŋal'yurruna, ga malthurruna yukurrana nhanŋuwaynha dhärukkunydja, bitjarra liŋgu bitjana walala ŋuli yukurranha §MosesMawtjitjku märr‐ŋal'yuna.

15 Ga ŋunhi walala yolŋu'‐yulŋu bukmaknha buḏapthurrunana yukurrana, yana liŋgu ga dhawar'yurruna, bala Garrayyu waŋana Djatjuwanha bitjarra, 16 “Ma' waŋiya ŋuruku ḏalkarra'mirriwu walalaŋgu, walala yurru dhawaṯthunna ŋulaŋuru mayaŋ'ŋurunydja.” 17 Bala yana ŋayi Djatjuwanydja waŋana ŋunhiyina walalanha, bala walala dhawa‐yawaṯthurrunana ŋulaŋurunydja lilina, gäŋalana marrtjina ŋunhiyinayi Dhawu'‐nherraṉminyarawuynha Bathi nhanŋuwaynha Garraywuna. 18 Ga ŋunhi walala dhawa‐yawaṯthurrunanydja ŋuliŋuruyi mayaŋ'ŋuru, dhunupa gapunydja waṉḏinana‐wala yana ŋunhiyi ḻupmaraŋalana, bitjarrana yana liŋgu bitjarra ŋäthili yukurrana waṉḏina ŋunhiyi gapu.

19-20 Bala walala ŋunhi yolŋu'‐yulŋunydja wäŋaraŋalana nhinana galkina yana wäŋaŋura yäkuŋura Djarikuna, ga ŋunhiliyinydja ŋayi Djatjuwayu ŋal'‐ŋalmaraŋala ŋunhiyi malanha guṉḏa 12‐nha, ŋunhi walala djoṉguŋala ŋulaŋuru mayaŋ'ŋuru *4:19–20 JordanDjodanŋuru.

21-23 Bala ŋayi Djatjuwayu waŋanana yukurrana bitjarrana, “Ŋunhi yurru nhumalaŋgala yumurrku'yu yukurra dhä‐wirrka'yun nhumalanha, nhumanydja yurru ḻakaraŋa biyaka, ‘Ŋilimurru Yitjuralpuyŋu yukurrana buḏapthurruna mayaŋ'ku Djodanbuyŋu baṉḏany'kurru yana, liŋgu ŋayi Garrayyu ŋilimurruŋgala Godthu gulmaraŋala gapu, yana liŋgu ga yolŋu walala yukurrana buḏapthurruna. Liŋgu gapunydja ŋayi ŋunhiyi gulkmaraŋalana bitjarra yana liŋgu bitjarra ŋayi gulkmaraŋala, †4:21–23 Red SeaGapu Miku' ŋunhi, ŋunhi ŋilimurru ŋulaŋuru ‡4:21–23 EgyptYetjipŋuru dhawaṯthurruna ŋurruthaŋala wal'ŋu. 24 Yo, djämanydja ŋayi yukurrana ŋilimurruŋgu bitjarrayi, märr yurru bukmak yolŋu walala dhiyala munatha'ŋuranydja marŋgithirrina Godku, ŋunhi ŋayipina waŋganynha ganydjarr‐ḏumurrunydja waŋarr, märr walala yurru märr‐ŋal'yundja borrk‐beyaṉiyirri Garraywu ŋilimurruŋgalaŋuwu waŋarrwunydja gupaḏalnha‐wala yana.’ Ga biyakayi yukirriya ḻakaraŋanydja nhumalaŋgalaŋuwa yumurrku'wanydja.”