5
1 Issi issi kahine halaqi asaa giddofe doorettidi, Xoossaara gathiyaban asaa gisho imotanne nagara yarshsho yarshshanaw shuumettees. 2 I ba huu7en daaburanchcho gidiya gisho eronnayssatasinne baleyssatas qadhettanaw dandda7ees. 3 I ba nagara gishonne asa ubbaa nagara gisho yarshsho yarshshanaw bessey hessassa.Leewe 9:7
4 Oonikka ha bonchchuwa baw ekkanaw dandda7enna, shin Aaroni kahine halaqa gidanaw xeegettidayssada Xoossan xeegettanaw bessees.Kessa 28:1 5 Hessadakka, Kiristtoosi kahine halaqa gidiya bonchchuwa baw ekkibeenna. Shin Xoossay iya,
“Neeni ta Na7aa.
hachchi ta new Aawa gidas”
yaagees.Maz 2:7 6 Qassi harason,
“Malkkexaadiqey kahine gididayssada,
neeni merinaw kahine gidana”
yaagees.Maz 110:4
7 Yesuusi ase gididi ha alamiyan de7iya wode bana hayqoppe ashshanaw dandda7iya Xoossaa daro yeehoninne afuthan woossis. I, iya bonchchidi kiitettida gisho Xoossay iya woosaa si7is.Maato 26:36-46; Mar 14:32-42; Luuqa 22:39-46 8 Yesuusi Xoossaa Na7a gidikkoka ba waayettida waayan kiitetethi tamaaris. 9 Hessankka, Yesuusi ba oosuwa polidaappe guye baw kiitettiya ubbay merinaa atotethaa demmana mela gaaso gidis. 10 Xoossay Malkkexaadiqe shuumidayssada kahine halaqa oothidi iya shuumis.
Ammanuwan daaburonna mela imettida naagiso
11 Ha nu oda bolla gujji haasayanabay darobay de7ees, shin hintte akeekay guutha gidiya gisho hinttew odi gelssanaw waayses. 12 Hintte hannoode asttamaare gidanaw bessees, shin Xoossaa qaalaa koyro timirttiya hinttena zaari tamaarssiya hara asi koshshees. Hintte mino kathi maanaw dandda7onna gisho maathi koshshees.1Qoro 3:2 13 Maathi paahettiya oonikka yooga na7a gidiya gisho lo77onne iita shaakki erenna. 14 Shin mino kathi lo77onne iita shaakkidi eriya kahaama asaassa.