1 ይሳኮራ ኦይዱ አደ ናይት ቶላ፥ ፑዋ፥ ያሱባነ ሽምሮና።

2 ቶላ አደ ናይት ኦዛ፥ ራፋያ፥ ይርኤላ፥ ህማያ፥ ይብሳማነ ሽሙኤላ፤ ሀይሳቲ ቶላ ሶ አሳ ሀላቃታ። ኤንቲ ዎልቃማነ ምኖ አስ። ዳዊታ ዎደ ኤንታ ታይቦይ 22,600.

3 ኦዛ ናአይ ይዝራሀ፣ ይዝራሀ ናይት ምካኤላ፥ አብድዩ፥ እዩኤላነ ይሽያ፤ ሀ እቻሻት ሶ አሳ ሀላቃታ። 4 ባንታ ሶ አሳ የለታዳ ኦዛ ያራፐ ኦላንቾት 36,000፤ ኤንታዉ ዳሮ ማቸትነ ናይት ደኦሶና።

5 ይሳኮራ ኮቻፈ ኦላንቾት ባንታ የለታ ማዝጋበን ታይበትድ፥ ኩመꬅ 87,000 ግድዶሶና።

6 ብንያመ ሄꬑ አደ ናይት ቤላ፥ በከራነ ይድኤላ።

7 ቤላ አደ ናይት ኤሰቦና፥ ኦዛ፥ ኡዝኤላ፥ እያርሞታነ እራ፤ ሀ እቻሻት ሶ አሳ ሀላቃታ። ኤንቲ ዎልቃማነ ምኖ አስ። ባንታ የለታን ታይበትዳ ኦላንቾት 22,034 ግድዶሶና።

8 በከራ አደ ናይት ዛምራ፥ እዮኣሳ፥ አላዛራ፥ ኤልዮአና፥ ኦምራ፥ እያርሞታ፥ አብያ፥ አናቶታነ አለሜታ። 9 ባንታ የለታ ማዝጋበን ታይበትዳ ዎልቃማነ ምኖ አሳት 20,200 ግድዶሶና።

10 ይድኤላ ናአይ ብልሃና። ብልሃና አደ ናይት ይኡሳ፥ ብንያመ፥ ኤሁዳ፥ ክንአና፥ ዘታና፥ ታርሰሳነ አክሳራ፤ 11 ሀይሳቲ ባንታ ሶ አሳ ሀላቃ፤ ዎልቃማነ ምኖ አስ። ባንታ የለታዳ ታይበትዳ ኦላንቾት 17,200. 12 ሱፍምነ ሁፍም እራ ናይታ። ሁሽም አሄረ ናአ።

13 ንፍታለመ ናይት ያህፅኤላ፥ ጉና፥ የፀራነ ሽለማ፤ ሀይሳቲ ባላ ኮቻታ።

14 ምናሰ ኮቻት ሀይሳፈ ካልድ ፃፈትዳይሳታ። ምናሰ ሶረ ላገፈ የልዳ አደ ናይት አስርኤላነ ጋላዳ አዋ ማክራ። 15 ማክር ሁፍማፐነ ሳፍማፐ እስ እስ ማቾ ኤክስ። ማክራ ምቸ ሱንꬃይ ማእኮ። ማክራ ናአይ ካሎይ ሰሎጳዳ፤ ሰሎጳድ ማጫ ናአ ፃላላ የልስ።

16 ማክራ ማችያ ማእካ ፓሬሳነ ሱሮሳ ጌተትያ ናምኡ አደ ናይታ የላሱ። ፓረሳ ናይት ኡላማነ ራቄማ። 17 ኡላማ ናአይ ባዳና። ሀይሳቲ ምናሰ ናኣ ናአ ማክራ ናኣ ጋላዳ ኮቻታ።

18 ጋላዳ ምችያ ሀሞለከታ፥ እሱደ፥ አብኤዘራነ ማህላ የላሱ።

19 ሻምዳ አደ ናይት አህያ፥ ሴከማ፥ ልቃነ አንኣማ።

20 ኤፍሬማ ናአይ ሹቱላ፤ ሹቱላ ናአይ ባረዳ፤ ባረዳ ናአይ ታሀታ፤ ታሀታ ናአይ ኤላዳ፤ ኤላዳ ናአይ ታሀታ፤ 21 ታሀታ ናአይ ዛባዳ፤ ዛባዳ ናአይ ሹቱላ።

ኤፍሬማስ ኤደራነ ኤላዳ ጌተትያ ሀራ ናምኡ ናይት ደኦሶና። ኤንቲ ጌተ አሳ መሄ ካይስን አሳይ ኤንታ ዎꬍስ። 22 ሄሳ ግሾ፥ ኤንታ አዋይ ኤፍሬም ዳሮ ዎደ አዛንን እያ እሻት እያ ምንꬃናዉ ይዶሶና።

23 ሄሳፈ ጉየ፥ እ ባ ማቸራ አቅስ፤ እያ ቃንꬃታዳ አደ ናአ የላሱ። ኤፍሬማ ሶ ጋክዳ ኢታ መቱዋ ግሾ እ ባ ናኣ ባርአ ግድ ሱንꬅስ።

24 ሸእራ ጌተትያ ኤፍሬማ ናእያ ደአዉሱ፤ ጋርሳን ቤት-ሆሮና፥ ቆሞን ኡዘን-ሼራ ጌተትያ ካታማታ ኬፃሱ።

25 ኤፍሬማ አደ ናአይ ራፋ፤ ራፋ ናአይ ረሼፋ፤ ረሼፋ ናአይ ቴላ፤ ቴላ ናአይ ታሀና፤ 26 ታሀና ናአይ ላዳና፤ ላዳና ናአይ አምሁዳ፤ አምሁዳ ናአይ ኤልሳማ፤ 27 ኤልሳማ ናአይ ናወ፤ ናወ ናአይ እያሱ።

28 ኤፍሬማ ኮቻት ኤክድ ባንታዉ ዳና በሲ ኦꬅዳ ቢታይ፥ ቤተለነ እያ ዩሹዋን ደእያ ጉታታ፤ ዶሎሀ ባጋን ናአራ፥ ዉሎሀ ባጋን ገዘራነ ኤንታ ዩሹዋን ደእያ ጉታታ፥ ሴከማ፥ አያነ ኤንታ ዩሹዋን ደኢያ ጉታታ ኡባ ኦይኬስ። 29 ምናሰ ቢታ ዛዋን ደእያ ቤት-ሳናነ እያ ዩሹዋን ደእያ ጉታታ፥ ታናካነ እያ ዩሹዋን ደእያ ጉታታ፥ ማግዶነ እያ ዩሹዋን ደእያ ጉታታ፥ ዶራነ እያ ዩሹዋን ደእያ ጉታታ። እስራኤለ ናኣ ዮሰፋ ኮቻት ሀ ካታማታን ደእዶሶና።

30 አሴራ አደ ናይት ይምና፥ የሱዋ፥ ይስዋነ በርአ፤ ኤንታ ምችያ ሳራሆ።

31 በርአ አደ ናይት ሄቤራነ በርዛወታ አዋ ማልካኤላ።

32 ሄቤር ያፍለፃ፥ ሳሜራ፥ ሆታማ የልስ፤ ኤንታ ምቸ ሱንꬃይ ሶሳኖ።

33 ያፍለፃ አደ ናይት ፓሳካ፥ ብምሃላነ አስታ።

34 ሳሜራ አደ ናይት አካ፥ ሮጋ፥ ያሁባነ አራመ።

35 ሆታማ አደ ናይት ፆፋ፥ ይምና፥ ሰለሳነ አማላ።

36 ፆፋ አደ ናይት ሱሀ፥ ሀርነፈራ፥ ሶጋላ፥ ቤራ፥ ይምራ፥ 37 በፀራ፥ ሆዳ፥ ሳማ፥ ሰልሳ፥ ይትራናነ ብኤራ።

38 የተራ አደ ናይት ዮሮና፥ ፕስፓነ አራ። 39 ኡላ አደ ናይት ኤራ፥ ሀንኤላነ እርፃ።

40 ሀይሳቲ ኡባት አሴራ ኮቻታ። ኤንቲ ባንታ ሶ አሳ ሀላቃታነ ዶረትዳ ዎልቃማነ ምኖ አስ። ባንታ የለታዳ ታይበትዳ ኦላንቾት 26,000 ግድዶሶና።