1 ባብሎነ ካዎይ ናቡካዳናፆር ድእድ፥ ባ ቢታ ኤፍዳ አሳፐ ጉየ፥ የሩሳላመነ ይሁዳ ባንታ ካታማ ካታማ ስምዳ አሳይ ሀይሳፈ ካልድ ፃፈትዳይሳታ። 2 ኤንታ ሀላቃት ዛሩባበላ፥ እያሱ፥ ናህመ፥ ሳራያ፥ ራእላ፥ ማርድክዮሳ፥ ብልሳና፥ ማሰፋራ፥ ባጉዋያ፥ ረሁማነ ባአና።

ድኦፐ ስምዳ አሳ ታይቦይ ሀይሳ።

3 ፋሮሳ ያራይ 2,172፤

43 ሀይሳቲ ድኦፐ ስሚድ፥ ፆሳ ኬꬃን ኦꬅያ አሳ ያራታ፤ ፅሀ ያራ፥ ሀሱፋ ያራ፥ ፃባኦታ ያራ፥ 44 ከራሳ ያራ፥ ስሀ ያራ፥ ፋዶና ያራ፥ 45 ልባና ያራ፥ አጋባ ያራ፥ አቁባ ያራ፥ 46 አጋባ ያራ፥ ሳምላ ያራ፥ ሀናና ያራ፥ 47 ጋዳላ ያራ፥ ጋሃራ ያራ፥ ራያ ያራ፥ 48 ራአሶና ያራ፥ ናቆዳ ያራ፥ ጋሳማ ያራ፥ 49 ኦዛ ያራ፥ ፋሴሀ ያራ፥ በሳያ ያራ፥ 50 አስና ያራ፥ መኡንማ ያራ፥ ንፉሴስማ ያራ፥ 51 ባቅቡቃ ያራ፥ ሀቁፋ ያራ፥ ሀርሁራ ያራ፥ 52 ባስሉታ ያራ፥ ማህዳ ያራ፥ ሀርሳ ያራ፥ 53 ባርቆሳ ያራ፥ ስሳራ ያራ፥ ቴማ ያራ፥ 54 ናስያ ያራነ ሀፅፋ ያራ።

55 ሀይሳቲ ድኦፐ ስምዳ ሶሎሞነ ኦሳንቾታ ያራታ፤ ሶፃያ ያራ፥ ሶፌረታ ያራ፥ ፋሩዳ ያራ፥ 56 ያእላ ያራ፥ ዳርቆና ያራ፥ ጋዳላ ያራ፥ 57 ሳፋፃ ያራ፥ ሀፄላ ያራ፥ ፋክራታ ያራ፥ ሀፃቦይማ ያራነ አማ ያራ። 58 ድኦፐ ስሚድ፥ ፆሳ ኬꬃን ኦꬅያ አሳ ያራትነ ሶሎሞነ አይለታ ያራታ ታይቦይ 392.

59 ሀይሳፈ ካለይሳት ቃስ ታልመላ፥ ተላረሳ፥ ካሩባ፥ አዳናነ እመራ ካታማታፐ የሩሳላመ ስምዶሶና። ሽን ኤንቲ ዎይኮ ኤንታ አዋት እስራኤለ ሼሽ ግደይሳ ኤርሳናዉ ኤንቲ ዳንዳእቦኮና። 60 ዳላያ፥ ፆቢያነ ናቆዳ ያራት 652.

61 ካህነታፐ አባያ ያራይ፥ አቆሳ ያራይነ ባርዝለ ያራይ ስምዶሶና። ባርዝለይ ሀ ሱንꬃን ፄገታናዉ ዳንዳእዳይ ጋላዳ ቢታ አስ ግድዳ ባርዝለ ናእዉ ማቾ ኤክዳ ግሾሳ። 62 ሀይሳቲ ባንታ የለታ ፃጱዋ ኤራናዉ የለታ ማፃፋን ኮይዶሶና፥ ሽን ደምቦኮና። ሄሳ ግሾ፥ ኤንቲ ቱና ጌተትድ ካህነተꬃን ኦꬆና መላ ድገትዶሶና። 63 ኡሪመንነ ቱሚመን ሻክድ ፕርድያ ካህነይ ደንዳና ጋካናዉ፥ ኤንቲ ጌሻ ካꬃፈ ማናዉ ዳንዳኦናይሳ አይሁደታ አይሰይስ ኤንታዉ ኦድስ።

64 ድኦፐ ይሁዳ ስምዳ አሳ ታይቦይ ኩመꬅ 42,360. 65 ሄስካ 7,337 አደነ ማጫ አይለታ ጉጁና ደእሽና። ኤንታ ግዶን 200 አደነ ማጫ ዛማረት ደኦሶና። 66 ድኦፐ ስምዳ አሳ ፓራት 736፤ ባቁሎት 245፤ 67 ግማለት 435፤ ሀረት 6,720.

68 ኤንቲ የሩሳላመን ደእያ ፆሳ ኬꬃ ጋክዳ ዎደ እስ እስ ሶ አሳ ሀላቃት ፆሳ ኬꬃይ ካሰ ባ በሳን ኬፀታና መላ ባንታ ዶሳን እሞታ እምዶሶና። 69 እሶይ እሶይ ባዉ ዳንዳእዳ መላ ፆሳ ኬꬃ ኦሱዋስ እሞታ እሚስ፤ እሞታይ 500 ክሎ ግራመ ዎርቃ፥ 2,800 ክሎ ግራመ ብራነ 100 ካህነታ ማኦ እምዶሶና።

70 ሄሳፈ ጉየ፥ ካህነት፥ ሌወትነ ጉꬃ አሳይ የሩሳላመን ኡትዶሶና፤ ዛማረት፥ ፆሳ ኬꬃ ፐንገ ናገይሳትነ ፆሳ ኬꬃን ኦꬅያ ኦሳንቾት የሩሳላመ ዩሾን ደእያ ካታማታን ኡትዶሶና፤ አትዳ አሳ ኡባይ ባንታ ካታማታን ካታማታን ኡትዶሶና።