ጎዳዉ፥ ኑ ዎድያንካ ሄ ኦሶታ ዛራዳ ኦꬃ፤

ኤንቲ ኑ ዎድያንካ ኤረቶ።

ነ ሀንቀትያ ዎደ ነ ማሮታ ቆፓ።

ጌሻይ ፓራና ደርያፐ ዎꬌስ።

እያ ጋላታይ ሳኣ ኩምስ።

እያ ዎልቃይ ቆሰትድ ኡትዳ እያ ኩሽያፐ

ፆልቅያ ፖኦይ ከዬስ።

ታማ ላጮይ እያ ቶሁዋፐ ከዬስ።

እ ፄልን ካዎተꬃት ኮኮርዶሶና።

እ ኤንታ ቦላ ሄመትያ በንፐ ደእያ ዙማት ላለትዶሶና።

ምድያመ ቢታ አሳይ ኮኮርሽን በአስ።

ሻፋት ነና ሀንቀꬅዶና?

ዎይኮ ነ ሀንቆይ አባ ቦሌ?

ነ አሳስ ፆኖ እማናሳ ግደኔ?

ዱካናዉ ጊግሳዳሳ፤

ቢታ ጳልቃዳ ሃ ከሳዳሳ።

ክፃ ሃꬃይ አꬍስ።

ባንታ ዙልያ ꬎቁ ꬎቁ ኦꬆሶና።

አውነ አጌን ባንታ ደእያ በሳን ኤቅዶሶና።

ካዎተꬃታ ነ ሀንቁዋን የꬋዳሳ።

ኢታታ ሀላቃ ሾጫዳሳ፤

እያ ማኡዋ ቃራዳ ካሎ አሻዳሳ።

መቶታንቾታ ምታናዉ ጌማን ቆሰትዳይሳ፥

እያ ቶራን እያ ጫዳዳሳ።

ዳሮ ሃꬃ የꬋዳሳ።

ታ መተርሻይ ኮኮርስ።

ታ ቶሆይ ጉንድስ።

ታኒ መቱዋ ጋላሳ ዳንዳአን ናጋና።

ዎይንያ ቦላ አይፈይ በንቶና እፅኮካ፥

ሻማሆይ አይፎና እፅኮካ፥

ጎሻን ካꬅ ካፅናኮካ፥

ግርበን ዶርስ ꬋይኮካ፥

ዛዳሎን መሄይ ꬋይኮካ፥

18 ታኒ ጎዳን ኡፋይታና፤

ታና አሽያ ፆሳን ኡፋይሳን ኩማና።

እ ታ ቶሁዋ ጋራ ቶሆዳ ምንꬄስ፤

እ ታና ꬎቃ በሳን ሄመꬄስ።