ማንቆታስ ሎኦባ ኦዳና መላ ጎዳይ ታና ትይስ።

ድኤትዳይሳታ ላአ ከሳና መላነ

ቃሸትዳይሳታ ብላና መላ ጎዳይ ታና ኪትስ።

ኑ ፆሳይ ሀሎ ከያና ጋላሳ አዋጃና መላ፥

አዛነይሳታ ኡባ ምንꬃና መላ ታና ኪትስ።

ዬሆ ግሾ ኡፋይሳ ዛይተ፥

አዛኖ ግሾ ጋላታ ማኦ እማና መላ ታና ኪትስ።

ቶክዳ ፅሎ ምꬃ ጌተትድ ፄገታና።

በን ኩንድዳ በሳታ ዛሪድ ኤሳና።

ኦንዳ ካታማታ ዛሪድ ኬፃና።

እማꬃት ህንተ ጋድያ ጎያና

ኤንቲ ህንተ ዎይነ ጋድያ ናጋና።

ኑ ፆሳ ኦሳንቾታ” ያግድ ፄጋና።

ኤንታ ሻሉዋን ህንተ ናሸታና።

ባንታ ካዉሻ ግሾ ላታን ኡፋይታና።

ህንተ ኡፋይሳይ መርና ኡፋይስ ግዳና።

ቦንቀነ ኢታ ኦሶ እፃይስ።

ታኒ ኤንታራ መርናዉ ጫቃና።

ኤንታ ናይት ደረታ ግዶን ኤረታና፤

ኤንታ በእዳ ኡባይ ታኒ፥ ጎዳይ፥

ኤንታ አንጅዳ አስ ግደይሳ ኤራና።”

ታ ሸምፕያ ታ ፆሳን ሀሹ ጋዉሱ።

ገልያራ ባና አሌቅሰይሳዳ፥

ፅሎተꬅ አፍላ ቦላራ ጉጅስ።

ጋደይ ቶክዳባ ድቸይሳዳ፥

ጋላታ ካዎተꬃ ኡባ ስንꬃን ፑርጭሳና።