ኪታንቾታፐ ኦደኮ ነ ፄላኔ?”

አኬክ ባይና ኡራ ቃናተይ ꬋይሴስ።

ሽን ቆፖና እያ ኬꬃይ ባደትስ።

ፕርዳ ዳባባን ኤንታዉ ኤቅያ አስ ባይና ግሾ ኤንቲ ቆሄታና።

ሀር አቶሽን አጉንꬃ ግዶን ዶልዳይሳካ አጎኮና።

ሳሞትዳይሳት እያ ሻሉዋ ኤካናዉ አሞቶሶና።

ዋየይ ቢታፈ ዶለና።

አስ መቶስ የለትስ።

ታ ሞቱዋካ እያ ስንꬃን ዎꬃና።

ፕልገቶና ዎልቃማባታ ኦꬄስ።

ጎሻ ጋድያስ ሃ የዴስ።

ካዮተይሳታ ምንꬅድ ኡፋይሴስ።

ገናንቾታ ሀልቹዋ ሀዳ ኦꬄስ።

ገናንቾታ ማቁዋ አꬅድ የጌስ።

ሴታ ጋላስ ꬉማን ሄመትያ አሳዳ ታታፋና።

ኤንታ ዎልቃማታ ኩሽያፐ ዎꬅ ኤኬስ።

ጌላተꬅ ስእ ኦꬄስ።”

ሄሳ ግሾ፥ ኡባ ዳንዳእያ ፆሳ ሴራ ካꬎፓ።

እ ማዱንፅሴስ፥ ሽን እያ ኩሸይ ꬋሌስ።

ላፑንꬆይ ነና ቦቸና።

ኦላ ዎደ ማሻፈ ነና አሼስ።

ቦሽ ጋክያ ዎደ ያያካ።

ባዞ ዶአታስ ያያካ።

ባዞ ዶአታራ ነ ሳሮን ዳና።

ነ ዳራ ነ ፆሞስያ ዎደ አይብካ ፓጨና።

ነ ኮቻይ ማታ መላ ግዳናይሳ ነ ኤራና።

ኔኒ ጭማተꬅ ካላዳ ዱፎ ባና።

ሄስ ቱማ ግድያ ግሾ አኬካዳ ኤካ” ያግስ።