አዉደ ጋካናዉ ህንተ ቃላን ታና ጫደቲ?

ታና ካዉሽሸ ዬላተከታ።

ታ ባላይ ታና ኦይቻና።

ታ ካዉሻ ታና ሞታናዉ ጎኤትኮ፥

6 ሀ መቱዋ ታ ቦላ ኤህዳይ ፆሰ ግደይሳነ

ባ ግትያን ታና ገልስዳይ እያ ግደይሳ ኤርተ።

ታ ቃላ ꬎቁ ኦꬃዳ ዋስንካ ታና ስኤይ ባዋ።

ታ ሄመትያ ኦግያ ꬉማን ጎርድስ።

ታ ካላቻ ታ ሁጰፐ ኤክስ።

ታ ኡፋይሳ ፃጶራ ሾደትዳ ምꬃ መላ ኦꬅስ።

እ ታና ሞርከዳ ታይቤስ።

ኤንቲ ታና ኦላናዉ ሚፃ ኬፅድ፥

ታ ዱንካንያ ዩሹዋን ኡትዶሶና።

ታና ኤረይሳት ታዉ አላጋ ግድዶሶና።

ታ ላገት ታና ዶግዶሶና።

ታ ማጫ አይለት ታና ኦገ አሳዳ ፄልዶሶና።

ታ ዎስን ታዉ ኤሮ ጌና።

ታ እሻት ታና ኡፍዶሶና።

ታና በእድ ለቆሶና።

ታ ዶሰይሳት ታዉ ዞኮ ዛርዶሶና።

ታኒ ሀይቃ ክቻዳ አታስ።

ታዉ ቃተርከት።

ሀእ ጋካናዉ ህንተ ታና ዋይስዳይስ ግደኔ?

ማፃፋን ፃፈትዳኮ ታ ዶሳይስ ሽን።

እርሳሰን ዛላ ቦላ ዎጨትድ ፃፈትዳ ግዴረነ!

ዉርሰꬃን ቢታ ቦላ እ ኤቃናይሳ ታ ኤራይስ።

ታኒ ታ አሹዋፐ ሻከታዳ ፆሳ በአናይሳ ኤራይስ። 27 ሀራ አስ ግዶና ታኒ ታ ሁጰን፥

ታ አይፈን እያ በአና፤

ታ ዎዛናይ ሄ ቃማ ላሞቴስ።

ኑ እያ ዋት የደꬅኖ ግድ ህንተ ቆፕያባ ግድኮ፥

ፆሳ ሀንቆይ ማሻራ ያና፤

ፕርድ ደኤይሳ ኤርተ” ያግስ።