እያ ኤረይሳት ሄ ዎድያ አይስ ጮ ናጎና?

ካይስ ኤህዳ ዶርሳታ ያን ሄሞሶና።

አምኤ ቦራ አጮስ ኦይክድ ኤኮሶና።

ባንታ ስንꬃፈ ቆሰታና መላ ኦꬆሶና።

ማንቆት ባንታ ናይታስ ምያባ ኮይሸ ዳቡሮሶና።

ኢታ አሳ ዎይነ ጋደን ቡ ማፆሶና።

ሜጎስ ቦላን የግያባይ ኤንታዉ ባዋ።

ገልያ በሲ ꬋይድ ሹቻ ሆምኦን አቆሶና።

ማንቁዋ ናአ አጮስ ኦይኮሶና።

ኤንቲ ባንታዉ ኮሻትሸ ሀራ አሳ ምርቀ ቶኮሶና።

ዛይተ ከሳናዉ ሀራ አሳ ጋደን ሻማሆ አይፈ ማፆሶና፤

ዎይነ ኡሻ ጉሙአናዉ ዎይነ አይፈ ቆሮሶና።

ደሸትድ ማዱንፅዳ አሳይ ማዶ ኮይድ ዋሶሶና፤

ሽን ፆሳይ ኤንታ መቱዋ ፄለና።

እያ ኦግያ ኤሮና አሳትነ፤

እያን ኤቆና አሳት ደኦሶና።

ማንቆታነ መቶታንቾታ ዎꬌስ፤

ቃም ቃስ ካይሶስ ቦሶና።

ኦንካ በኦና መላ ባ ሶምኡዋ ካሜስ።

ሽን ጋላስ ቆሰትድ ፔኦሶና።

ሳካና ꬉማይ ኤንታዉ ሴታ ጋላሳ መላ።

ኤንታ ላታ ቢታይ ባደትዳይሳ፤

ኦንካ ኤንታ ዎይነ ጋደ ቤና።

ናጋራንቾት ሀይቅድ ቢታፈ ꬋዮሶና።

ጉፁነይ ኤንታ አሹዋ ማና፤

ኢታ አሳይ ሀሳየቶኮና፤

ምꬃዳ መቃና።

አምኤታ ቃቶና እፅዶሶና።

ኤንታዉ ሳእ እንጀትዳ ዳንኮካ፥

ኩንዶና አቶኮና።

ኤንታ ኦግያ ዎቼስ።

ሽን ኤለስድ ሻራፋዳ ሹልድ ꬋዮሶና፤

ካꬃዳ ጫከቶሶና።

ታኒ ኦድዳ ቃላ ዎርዶ ጋና አስ ደኢ?” ያግስ።