1 ጎዳ ቃላይ ናምአንꬆ ዮናሳኮ ሀይሳዳ ያግድ ይስ። 2 “ደንዳዳ ግታ ካታማ ናናወ ባ፤ ታ ነዉ ኦድያ ቃላ ኤንታዉ አዋጃ” ያግስ።

3 ዮናስ ጎዳስ ኪተትድ ናናወ ብስ። ናናወይ ዳሮ ግታ ካታማ። ሀ ጋፃፐ ህን ጋፃ ጋካናዉ ሄꬑ ቃማ ሄመꬄስ። 4 ዮናስ ካታማ ገልድ እስ ጋላሳ ኦገ ሄመትድ፥ “ናናወይ ኦይታሙ *እብራወꬆ ዶናን ፃፈትዳይሳን ኦይታሙ ግያ ዎደ ሀራ ካሰ ብርሸꬃት ሄꬓ ጎሶና። ጋላሳፐ ጉየ ꬋያና” ያግድ አዋጅስ።

5 ናናወ አሳይ ፆሳ አማንዶሶና። ፆማ አዋጅዶሶና፤ ጉꬃፈ ግታ ጋካናዉ አስ ኡባይ ካዮ ማኦ ማእዶሶና።

6 ናናወ ካዎይ ሄ ኦዳ ስእዳ ዎደ ባ ካዎተꬃ አራታፐ ዎꬍድ፥ ካዎተꬃ ማኡዋ ቃርድ ካዮ ማኦ ማእድ ብዶ ቦላ ኡትስ። 7 ናናወ ደርያስ ሀይሳዳ ያግድ አዋጅስስ፦ “ካዋፐነ እያ ሞርናታፐ ከይዳ ኪታዳ ሀችፈ ዶምድ ህንተራነ ህንተ መሄታራ፥ አይብባካ ሞና መላ ኡዮና መላ። 8 አስነ መሄ ኡባይ ካዮ ማኦ ማኦ። እስ እስ አስ ምንꬅድ ፆሳኮ ዋሶ። ባ ኢታ ኦግያፐ ስሞ፥ ባ ኢታ ኦሱዋካ አጎ። 9 ፆሳይ ኑስ ቃትድ፥ ኑኒ ꬋዮና መላ ባ ዎልቃማ ሀንቁዋፈ ስማነኮ ኦን ኤር!” ያግስ።

10 ኤንቲ ባንታ ኢታ ኦግያፐ ስምዳይሳ ፆሳይ በእዳ ዎደ ኤንታዉ ቃትድ ኤንታ ቦላ ኤሀና ግዳ ኢታባ አጋግስ።