1 ባላም ባላቃኮ፥ “ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ። 2 ባላም ግዳይሳዳ ባላቅ ኦꬅስ፤ ኤንቲ ናምአይ እስ እስ ያርሾ በሳን እስ ኮርማነ እስ ማራዘ ያርሽዶሶና።

3 ያትድ፥ ባላም ባላቃኮ፥ “ኔኒ ነ ያርሹዋ ማታን ደኣሻ፤ ታኒ ገደ ባና። ኦን ኤር ጎዳይ ታራ ጋሄታናዉ ዮና አገና፤ እ ታዉ ቆንጭስያባ ኡባ ታ ነዉ ኦዳና” ያግድ እስ ደረ ቦላ ከይስ። 4 ያን ፆሳይ ባላማራ ጋሄትን፥ ባላም፥ “ታኒ ላፑን ያርሾ በሳታ ጊግሳስ፤ እስ እስ ያርሾ በሳን እስ ኮርማነ እስ ማራዘ ያርሻስ” ያግስ።

5 ባላም ጋናባ ጎዳይ እያዉ ኦድድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ። 6 ባላም ስምያ ዎደ ባላቅ ሞአበ ሀላቃታ ኡባራ ባ ያርሹዋ ማታን ኤቅስ።

7 ባላም ሀይሳዳ ያግድ ትንብተ ኦድስ፤

11 ባላቅ ባላማኮ፥ “ኔኒ ታ ቦላ ኦꬅያባይ አይቤ? ታኒ ነና ታ ሞርከታ ባዳና መላ ኤሀስ፥ ሽን ኔኒ ኤንታ አንጃዳሳ፤ ሀራባ አይኮካ ኦꬃባካ” ያግስ።

12 ባላም ዛሪድ፥ “ጎዳይ ታዉ ኦደይሳፈ ሀራ ኦዶዬ?” ያግስ።

13 ባላቅ ባላማኮ፥ “ኤንታ ኔኒ በአናዉ ዳንዳእያ ሀራ በሲ ታራ የꬋ፤ ያንካ ነ ኤንታፈ ጉꬃራ በኣሳፐ አትሽን፥ ኡባ በአካ። ኔኒ ያን ኤቃዳ ኤንታ ባዳርክ” ያግስ። 14 ፕስጋ ደርያ ሁጰን ደእያ ፆፍማ ደምባ ኤፍስ። ያን ላፑን ያርሾ በሳታ ግምብድ፥ እስ እስ ያርሾ በሳን እስ ኮርማነ እስ ማራዘ ያርሽስ።

15 ባላም ባላቃኮ፥ “ኔኒ ሀይሳን ነ ያርሹዋ ማታን ደኣሻ፤ ታኒ ጎዳራ ጋሄታናዉ ገደ ባና” ያግስ።

16 ጎዳይ ባላማራ ጋሄትድ፥ “ኔኒ ባላቃኮ ስማዳ እያዉ ሀ ኪታ ኦዳ” ያግስ።

17 ባላም ስሚድ ያ ዎደ ባላቅ ሞአበ ቢታ ሀላቃታራ ያርሹዋ ማታን ኤቅዳይሳ ደምስ። ባላቅ እያኮ፥ “ጎዳይ ነዉ አይ ኦድዴ?” ያግስ።

18 ባላም ሀይሳዳ ያግድ ትንብተ ኦድስ፤

25 ያትን፥ ባላቅ ባላማኮ፥ “ነ ኤንታ ኡባካ ባዶፋ፤ ኡባካ አንጆፋ” ያግስ።

26 ባላም ዛሪድ፥ “ታኒ ጎዳይ ግያባ ፃላላ ኦꬃና ጋዳ ነዉ ኦዳብክና?” ያግስ።

27 ባላቅ ባላማኮ፥ “ሃያ፤ ታ ነና ሀራ በሲ ኤፋና። ኦን ኤር፥ ሄሳን ፆሳይ ኡፋይትድ፥ ኔኒ ያን ኤቃዳ ኤንታ ባዳና መላ ኦꬃናዉ ዳንዳኤስ” ያግስ። 28 ባላቅ ባላማ ባዙዋ ዱገ ፄልያ ፓኦራ ዙማ ቦላ ኤፍስ።

29 ባላም፥ “ኔኒ ሀይሳን ታዉ ላፑን ያርሾ በሳታ ግምባ፤ ቃስ ላፑን ኮርማታነ ላፑን ማራዘታ ታዉ ጊግሳ” ያግስ። 30 ባላም ግዳይሳዳ ባላቅ ኦꬅስ፤ እስ እስ ያርሾ በሳን እስ ኮርማነ እስ ማራዘ ያርሽስ።