ሸምፖፈ ታ ነና ዎሳይስ።

ታና ዬላዮፓ፤

ታ ሞርከታስ ታና አꬃዳ እሞፋ።

ሽን ጋሶይ ባይና ገነይሳት ዬላታና።

ነ ጌዶ ታና ካለꬃ።

ነ ቱማተꬃ ታና ካለꬃነ ታማርሳ፤

ጋላስ ኩመꬃ ታ ነናን ኡፋይስ ኦꬃይስ።

ነ ቃꬍያነ ነ ኬሀተꬃ ሀሳያ።

አቤት ጎዳዉ፥ ነ ኬሀተꬃነ ሎኦተꬃ ሀሳያ።

ናጋራንቾታ ባ ኦግያ ታማርሴስ።

ኤንታና ባ ኦግያ ታማርሴስ።

እያ ኪታ ናገይሳታስ

እያ ኦገ ኡባይ ቱማነ ኬሀ።

ግዶሽን ነ ሱንꬃ ግሾ ታው አቶ ጋ።

እ ካላናዉ በሲያ ኦግያ

ጎዳይ እያ ታማርሳና።

እያ ናይት ቢታ ላታና።

እ ኤንታዉ ባ ጫቁዋ ኤርሴስ።

ታ አይፈይ ማዶ ኤካናዉ ኡባ ዎደ እያኮ ፄሌስ።

መቶትዳ አስ ግድያ ግሾ፥

ታኮ ስማ፤ ነ ማሮተꬃ ታና በሳ።

ታ መቱዋፐ ታና ነ አሻ።

ታ ናጋራ ኡባ አቶ ጋ።

ኤንቲ ታና አይ መላ እፅያኮ ፄላ።

ታ ኔኮ ባቃትያ ግሾ ታና ዬላዮፓ።

ሱረተꬅነ ቱማተꬅ ታና ናጎ።

ኤንታ መቶ ኡባፈ ነ ዎዛ።