53
ሎኦ ኦꬅያ አስ ባዋ
ዳዊቲ ዛማረታ ሀላቃስ ፃፍዳ ትምርተ
አኬካን ፃፈትዳ ግንፆ
1 ኤያት ባንታ ዎዛናን፥ “ፆሲ ባዋ” ያጎሶና፤
ኤንታ ደኦይ ኢትስ፤ ኤንቲ ቱናባ ኦꬆሶና፤
ሎኦባ ኦꬅያ አስ እሶይካ ባዋ።
2 ፆሳ ኮይያ ጭንጫ አስ ደእያኮ በአናዉ፥
ጎዳይ ሳሎፐ አሳ ፄሌስ።
3 ኤንቲ ኡባይ ፆሳፈ ሃክዶሶና፤
ኡባይ እስፈ ቱንዶሶና።
ሎኦ ኦꬅያ አስ ዴና፤
ሀር አቶሽን እስ አስካ ባዋ።
4 አስ ካꬅ መይሳዳ ታ አሳ መይሳት፥
ሀ ኢታ ኦꬅያ አሳት ኤሮኮና?
ኤንቲ ፆሳ ፄጎኮና?
5 ኤንቲ ዳጋም ኤሮና ዳጋማ ዳጋማና፤
ፆሳይ ባ አሳ ሞርከታ መቀꬃ ላላና፤
ፆሳይ ኤንታ ካꬍዳ ግሾ ኤንቲ ዬላታና።
6 እስራኤለ አቶተꬃይ ፅዮነፐ ዬረነ!
ፆሳይ ባ አሳ ድኡዋ ዛርያ ዎደ፥
ያይቆባ ዛረት ኡፋይቶ፤
እስራኤለ አሳይ ኡፋይሳን ሀሹ ጎ።