ኡፋይሳን ፆሳ ጋላትተ።

ቦንቾ ጋላታ እያዉ እምተ።

“ነ ኦሶት ዋንድ ማላልሲ?

ነ ሞርከት ያሻን ነ ስንꬃን ኮኮሮሶና።

ነና ሳቤስ፤

ነ ሱንꬃስ ጋላታን የፆሶና” ያግተ።

አሳ ግዶን ማላልስያ ኦሶ ኦꬅስ።

ካሰ ኑ አዋት ዮርዳኖሰ ሻፋ ባንታ ቶሆን የꬍድ መላ ቢታራ ፕንዶሶና።

ሄሳን እ ኦꬅዳባን ኑኒ ኡፋይትዳ።

ካዎተꬃታ ባ አይፈን ፄሌስ፤

ሄሳ ግሾ፥ ማካለይሳት እያ ቦላ ደንዶፎ።

ህንተ እያ ጋላትያ ጋላታይ ስኤቶ።

ኑ ኩንዶና መላ ናግስ።

ብር ታማን ፓጨትድ ጌየይሳዳ

ነ ኑና ጌሻዳሳ።

ኑ ዞኮን ዴፆ ቶሆ ዎꬃዳሳ።

ኑ ሃꬃ ግዶራነ ታማ ግዶራ አꬍዳ፤

ሽን ሀእ ኑና እንጀ በሲ ኤሀዳሳ።

ታ ቃንገꬃ ጋꬃና።

ታ እንፃርሳፈ ከይዳ ቃንገꬃ ጋꬃና።

ኮርማነ ኮለታ ነዉ ያርሻና።

ኡባይ ሃ ይድ፥ ስእተ፤

ፆሳይ ታዉ ኦꬅዳባ ታ ህንተዉ ኦዳና።

ታ እንፃርሳን እያ ጋላታስ።

ጎዳይ ታና ስኤና።

ታ ኦይሻ ዛርስ።

ባ መርና ሲቁዋ

ታና ድግቦና ግሾ ጋላተቶ።