99
ኑ ፆሳይ ጌሽ
1 ጎዳይ ካዎትዳ ግሾ ካዎተꬃት ኮኮሮ፤
አራታ ቦላ ክሩበታ ግዶን ኡትዳ ግሾ፤
ቢታይ ቃፆ።
2 ጎዳይ ፅዮነን ግታ፤
ካዎተꬃ ኡባፈ
እ ꬎቁ ꬎቁ ግስ።
3 ያሽያ እያ ግታ ሱንꬃ ኡባይ ጋላቶ፤
እ ጌሽ።
4 ኔኒ፥ ዎልቃማ ካዎይ ሱረ ፕርዳ ዶሳሳ።
ኔኒ ያይቆባ ሱረተꬃን ምንꬃዳሳ።
ፅሎተꬅ ኤሳዳሳ።
5 ጎዳ፥ ኑ ፆሳ ꬎቁ ꬎቁ ኦꬅተ፤
እያ ቶሆይ የꬍያ በሳን እያ ጎይንተ፤
እ ጌሽ።
6 ሙሰይነ አሮን እያ ካህነታ ግዶፈ ኮይሮታ፤
ሳሜል እያ ዎስዳይሳታፐ እሱዋ።
ኤንቲ ጎዳኮ ዋስዶሶና፤
እ ኤንታ ስእስ።
7 እ ሻራ ቱሳ ግዶራ ኤንታዉ ሃሳይስ፤
እ እምዳ ህግያነ ዎጋ ናግዶሶና።
8 አቤት ጎዳዉ፥ ኑ ፆሳዉ፥
ነ ኤንታ ዎሳ ስአዳሳ።
ነ ኤንታና ማራዳሳ፤
ግዶሽን፥ ኤንታ ናጋራ ግሾ ኤንታ ሴራዳሳ።
9 ጎዳይ ኑ ፆሳይ፥ ጌሽ ግድያ ግሾ፥
እያ ꬎቁ ꬎቁ ኦꬅተ፤
እያ ጌሻ ዙማ ቦላ እያ ጎይንተ።