101
ታኒ ሱረ ኦገ ሄመታና
ዳዊታ ማዝሙረ
1 ታ ነ ሲቁዋባነ ነ ፅሎ ፕርዳባ የፃና፤
ጎዳዉ፥ ታ ነና ማዝሙረን ጋላታና።
2 ታኒ ሱረ ኦግያን ዳና፤
ኔኒ ታኮ አዉደ ያኔ?
ታኒ ታ ኬꬃን ሱረተꬃን ሄመታና።
3 ታኒ ታ አይፈይ ኢታባ ፄለና፤
ፆሳፈ ሃክዳ አሳ ኦሱዋ እፃይስ፤
ኤንቲ ታራ ጋሄቶኮና።
4 ዎዛና ጌላተꬅ ታፐ ሃኮ፤
ኢታተꬃስ በሰ እምከ።
5 ጌማን ባ ላግያ ዝግርያ ኡራ ስእ ኦꬃና፤
ኦቶርትያነ ጬቀትያ አስ ታኒ ዳንዳእከ።
6 ኤንቲ ታራ ዳና መላ፥
ቢታ ቦላ ደእያ አማነትያ አሳታ
ታኒ ኬሀ አይፈን ፄላይስ፤
ሱረተꬃን ሄመትያ አስ ታዉ ኪተቴስ።
7 ጭምያ አስ ታ ኬꬃን ዴና፤
ዎርዶ ሃሳያ አስ ታ ስንꬃን ኤቀና።
8 ቢታን ደእያ ኢታ አሳ፥
ታኒ ጋላስ ጋላስ ስእ ኦꬃና።
ኢታ ኦይሳታ ኡባ
ታኒ ጎዳ ካታማፐ ሾዳና።