111
ፆሳ ጋላትተ
1 ጎዳ ጋላትተ፤
ሱረታ ሺቆን
ታ ኩመꬃ ዎዛናን ጎዳ ጋላታና።
2 ጎዳ ኦሶት አይ መላ ግተ!
ኤንታን ኡፋይትያ ኡባይ ኤንታ ቆፔስ።
3 እያ ኦሶት ቦንቾንነ ቴማን ኩምስ፤
እያ ፅሎተꬃይ መርናዉ ደኤስ።
4 እያ ማላልስያ ኦሶይ ሀሳየትሸ ዳናዳ ኦꬅስ፤
እ ኬሀነ ቃትያ ጎዳ።
5 ባዉ ያየይሳታስ ካꬅ እሜስ፤
ባ ጫቆ ቃላ መርናዉ ባለተና።
6 አላጋታ ቢታ ባ አሳስ አꬅድ እምድ፥
ባ ግታ ዎልቃ ባ አሳ በስስ።
7 እያ ኩሸ ኦሶት ቱማነ ሱረ፤
እያ ዎጋ ኡባይ አማነትዳይሳ።
8 ኤንቲ መርናዉ ኤቅድ ደኦሶና፤
ቱማተꬃንነ ሱረተꬃን እመትዶሶና።
9 እ ባ አሳ ዎዝስ፤
ጫቁዋ ኤንታራ መርናዉ ኤስስ፤
እያ ሱንꬃይ ጌሽነ ያሸይሳ።
10 ጭንጫተꬃስ ኮይሮይ ጎዳስ ያሽ፤
እያ ዎጋ ናገይሳታስ ሎኦ አኬክ ደኤስ።
ጎዳይ መርናዉ ጋላተቶ!