ጎዳ ዎጋዳ ሄመተይሳት አንጀትዳይሳታ።

ባንታ ኩመꬃ ዎዛናን

እያ ኮየይሳት አንጀትዳይሳታ።

ጎዳ ኦግያን ሄመቶሶና።

ኔኒ ኑና ኪታዳሳ።

ታ ኦገይ ምናና መላ ኮያይስ።

ታ ፖሎ ዬላትከ።

ታ ነና ሱረ ዎዛናን ጋላታና።

ታና ፖሎ የጎፋ።

ጌሻተꬃን ናጋናዉ ዳንዳኢ?

ነ ቃላ ኪተትኮ ዳንዳኤስ።

ነ ኪታፐ ካረ ከዮናዳ ታና ናጋ።

ነ ቃላ ታ ዎዛናን ቆሳስ።

ነ አዋጁዋ ታና ታማርሳ።

ታኒ ታ እንፃርሳን ኦዳና።

ታ ነ ህግያን ኡፋይታይስ።

ነ ኦግያ ሎይꬃዳ አኬካይስ።

ነ ቃላ ዶግከ።

ታዉ ነ አይልያስ ሎኦባ ኦꬃ።

ታ በአና መላ ታ አይፍያ ዶያ።

ነ ኪታ ታፐ ገንꬆፋ።

ነ ፕርዳ ላሞታሸ ሀይቃሱ።

ነ ኪታፐ ካረ ከየይሳታ ነ ሴራሳ።

ኤንታ ጫሻነ ቦርያ ታ ቦላፈ ድጋ።

ታ ቦላ ማቀትኮካ፥

ታኒ፥ ነ ኦሳንቾይ፥

ነ አዋጁዋ ዛራ ዛራዳ ቆፓና።

እ ታና ዞሬስ።

ነ ግዳ ቃላዳ ታና አሻ።

ነ ታና ስአዳሳ፤

ህዛ ነ አዋጁዋ ታና ታማርሳ።

ማላልስያ ኦሱዋ

ታኒ ዛራ ዛራዳ ቆፓና።

ኔኒ ግዳ ቃላዳ ታና ምንꬃ።

ነ ኬሀተꬃን ነ ህግያ ታና ታማርሳ።

ነ ፕርዳ ሀይዛስ።

ህዛ ታና ዬላዮፓ!

ታኒ ነ ህግያ ኦግያን ዎፃይስ።

ነ አዋጁዋ ብርሸꬃ ታና ታማርሳ፤

ታኒ ዉርሰꬅ ጋካናዉ እያ ናጋና።

ታ ኩመꬃ ዎዛናፐ እያዉ ክተታና መላ፥

ነ ታዉ አኬካ እማ።

ነ ኪታ ኦግያን ታና ካለꬃ፤

ነ ህግያኮ ታና ዛራ።

ታ አይፈታ ተቃ፤

ነ ኦግያን ታ ደኡዋ ኦራፅሳ።

ነ ገልዳ ቃላ፥ ታዉ ነ አይልያስ፥ ፖላ።

ነ ፕርዳይ አይ መላ ሎኦ!

ኔኒ ፅሎ ግድያ ግሾ፥

ታ ደኡዋ ኦራፅሳ።

ኔኒ ገልዳ ቃላዳ ታና አሻ።

ታና ጫየይሳታ ዛራናዉ ዳንዳአይስ።

ታ እንፃርሳፈ ቱማተꬃ ቃላ ꬋይሶፋ።

ነ ህግያ ኪተታና።

አሆን ሄመታና።

ኔኒ ግዳባ ኦዳሸ ዬላትከ።

ኤንታን ኡፋይታይስ።

ነ አዋጁዋ ዛራ ዛራዳ ቆፓና።

እምዳ ቃላ ቆፓ፤

ነ ቃላን ታኒ ኡፋይስ ኦꬃይስ።

እ መቶ ዎደ ታና ምንꬄስ።

ሽን ታኒ ነ ህግያፈ ሸርእ ጊከ።

በንፐ ደእያ ነ ፕርዳ ታኒ ሀሳያይስ፤

ሄሳን ታኒ ምነታይስ።

ታና ይሎይ ዎꬍስ።

ነ አዋጆይ ታዉ የꬅ ግድስ።

ታኒ ቃማ ነ ሱንꬃ ቆፓይስ፤

ነ ህግያ ናጋይስ።

እ ታዉ ኦሶ ግድስ።

ታ ነ ህግያ ናጋናዉ ቃንፃስ።

ነ ገልዳ ቃላዳ ታዉ ቃታ።

ነ ህግያ ካላናዉ ስማስ።

ኤሶታናፐ አትሽን፥ ጋምእከ።

ታኒ ነ ህግያ ዶግከ።

ታኒ ግድ ብላሄ ደንዳይስ።

ነ ዎጋ ናገይሳታ ዳቦ።

ነ አዋጁዋ ታና ታማርሳ።

ታዉ ነ አይልያስ ኬሀባ ኦꬃዳሳ።

ሎኦ ፕርዳነ ኤራተꬅ ታና ታማርሳ።

ሽን ሀእ ነ ቃላስ ኪተታይስ።

ነ አዋጁዋ ታና ታማርሳ።

ሽን ታ ነ ዎጋ ታ ኩመꬃ ዎዛናን ናጋና።

ሽን ታኒ ነ ህግያን ኡፋይታይስ።

ነ ታና ሴርዳይስ ታዉ ሎኦ ግድስ።

ነ ዶናፐ ከይያ ህገይ ታዉ አꬌስ።

ነ ኪታ ታማራና መላ ታዉ አኬካ እማ።

ነና ቦንቸይሳት ታና በእድ ኡፋይቶ።

ነ ታና ሴርዳይ አማነተꬃን ግደይሳ ታ አኬካስ።

ነ ሲቆይ ታና ምንꬆ።

ታኒ ደኦን ዳና መላ ታዉ ቃታ።

ታኒ ነ ዎጋ ዛራ ዛራዳ ቆፓይስ።

ነ ማርካተꬃ ኤረይሳት ታኮ ዮ።

ታ ዎዛናይ ነ ህግያን ቦረይ ባይናይሳ ግዶ።

ታኒ ናጋሸ ዳቡራስ፤

ታኒ ነ ቃላን ኡፋይስ ኦꬃይስ።

በአናዉ ናግሽን ታ አይፈይ ተልጁምስ።

“ነ ታና አዉደ ምንꬃነ” ያጋስ።

ግዶሽን ነ አዋጁዋ ባላቢከ።

ታና የደይሳታ ነ አዉደ ፕርዳኔ?

ታና ኦይካናዉ ኦላ ቦኮሶና።

ጋሶይ ባይና አሳይ ታና የደꬅያ ግሾ

ታና ማዳ።

ሽን ታ ነ ዎጋ አጋብከ።

ታ ነ ኪታ ናጋና።

እ ሳሎን ምንድ ደኤስ።

ነ ሀ ሳኣ ምንꬃዳ ኤሳዳሳ፤ እካ ምንድ ደኤስ።

ሀች ጋካናዉ ኡባይ ነ ኪታዳ ምንድ ደኤስ፤

ታ ዋያን ታ ꬋያናሽን።

ኔኒ እያን ታና ደኦን ዎꬃዳሳ።

ታኒ ነ ዎጋ ናጋናዉ ኮያይስ።

ሽን ታኒ ኔና ቆፓይስ።

ሽን ፖሎ ግድዳ ህግያስ ዛው ባዋ።

ኩመꬃ ጋላስ ታኒ እያ ቆፓይስ።

ታ ሞርከታፐ አꬅድ ታና አኬካ ከሶሶና።

ታ አስታማረታፐ አꬍዳ ጭንጫተꬅ ታዉ ደኤስ።

ጭማታፐ አꬃዳ አኬካይስ።

ታ ቶሁዋ ኢታ ኦገ ኡባፈ ናጋስ።

ታ ነ ህግያፈ ጋፃ ከይከ።

እልሎ ኤሳፈ አꬍድ ማልኤስ።

ሄሳ ግሾ፥ ጌላ ኦገ ኡባ እፃስ።

ታ ኦግያስ ፖኦ።

ታ ጫቅዳ ጫቁዋ ምንꬃና።

ነ ኡፋይሳ ቃላዳ ታና ደኦን ዎꬃ።

ታ ጋላታ ያርሹዋ ኤካ፤

ታና ነ ፕርዳ ታማርሳ።

ሽን ታኒ ነ ህግያ ዶግከ።

ሽን ታኒ ነ ዎጋፐ ካረ ከያብከ።

እ ታ ዎዛናስ ኡፋይስ እሜስ።

ነ አዋጁዋዳ ኦꬃናዉ ቆፋ ቃቻስ።

ሽን ነ ህግያ ዶሳይስ።

ታኒ ነ ቃላን ኡፋይስ ኦꬃይስ።

ህንተኖ፥ ኢታ ኦꬅያ ኡባይ ታፐ ሃክተ።

ነ ኡፋይሳ ቃላዳ ታና ምንꬃ፤

ታ ኡፋይሳ ꬉምሶፓ።

ታ ኡባ ዎደ ነ አዋጁዋ ስአና።

ኤንታ ጭሞይ ሀዳ።

ሄሳ ግሾ፥ ታኒ ነ ኪታ ዶሳይስ።

ታ ነ ህግያ ዳሮ ያያይስ።

ታና ታ ሞርከታስ አꬃዳ እሞፋ።

ታና ኦቶራንቾት ኡንኤꬃና መላ ኦꬆፋ።

ነ ፅሎ ቃላ ታ ናግሽን፥

ታ አይፈይ ተልጁምስ።

ነ ህግያ ታና ታማርሳ።

ነ ዎጋ ኤራና መላ ታዉ አኬካ እማ።

ነ ፕርዳና ዎደይ ሀእ ጋክስ።

ኤ፥ ዋላህ ባይና ዎርቃፈ አꬃዳ ዶሳይስ።

ጌላ ኦገ ኡባ እፃስ።

ሄሳ ግሾ፥ ታ እያ ኪተታይስ።

ጭንጫተꬅ ፓጭዳይሳታስ አኬካ እሜስ።

ታ ዶና ዶያስ።

ነና ዶሰይሳታስ ነ ኦይሳዳ ታዉ ቃታ።

ናጋር ታና ሃራና መላ ኦꬆፋ።

ታና ኡንኤይሳታ ኩሸፐ ዎዛ።

ነ ህግያ ታማርሳ።

ታ አፉꬃይ ሃꬃዳ ጎጌስ።

ነ ፕርዳይ ሱረ።

አይ ዎደካ አማነቴስ።

ታ ምሻይ ታማዳ ኤፅድ ከይስ።

ታ ነ አይለይ ዳሮ ዶሳይስ።

ግዶሽን ታ ነ ዎጋ ዶግከ።

ነ ህገይ ቱማ።

ሽን ነ ኪታት ታና ኡፋይሶሶና።

ታ ደኦን ዳና መላ ታዉ አኬካ እማ።

ኔኮ ዋሳስ፤ ታና አላ፤

ታ ነ አዋጁዋ ናጋና።

ታ ነ ህግያ ናጋና።

ታና ማዳ ጋዳ ኔኮ ዋሳይስ፤

ነ ገልዳ ቃላን ኡፋይስ ዎꬃይስ።

ቃማ ኡታ አቃይስ።

ነ ፅሎ ፕርዳዳ ታና ደኦን ዎꬃ።

ሽን ኤንቲ ነ ህግያፈ ሃኮሶና።

ነ ኪታ ኡባይ ቱማ።

ነ እያ መርናዉ ምንꬃዳ ኤሳዳሳ።

ታ መቱዋ በአዳ ታና አሻ፤

ነ ኡፋይሳ ቃላዳ ታና ደኦን ዎꬃ።

ኢታት አቶተꬅ ደሞኮና።

ነ ፅሎ ፕርዳዳ ታና ደኦን ዎꬃ።

ሽን ታ ነ ህግያፈ ጋፃ ከይከ።

ታ ነና ካደይሳታ በአዳ ሻተታስ።

ነ ሲቁዋዳ ታና ደኦን ዎꬃ።

ነ ፅሎ ፕርዳይ መርናዉ ደኤስ።

ሽን ታ ዎዛናይ ነ ቃላ ያዬስ።

ነ ኡፋይሳ ቃላን ታ ኡፋይታይስ።

ሽን ነ ህግያ ዶሳይስ።

ታ ነና ጋላስ ላፑን ቶሆ ጋላታይስ።

ኤንታ አይብካ ꬉበꬃናዉ ዳንዳኤና።

ነ ኪታ ካላይስ።

ታ ኩመꬃ ዎዛናፐ ዶሳይስ።

ታኒ ነ ህግያነ ነ ዎጋ ናጋና፤

ነ ኡፋይሳ ቃላዳ ታዉ አኬካ እማ።

ነ ኡፋይሳ ቃላዳ ታና አሻ።

ታ ዶናፐ ጋላት ፑልታና።

ታ እንፃርሳይ ነ ቃላባ የፃና።

ነ ኩሸይ ታና ማዳናዉ ጊግዳይሳ ግዶ።

ነ ህገይ ታና ኡፋይሴስ።

ታና ደኦን ዎꬃ፤

ነ ፕርዳይ ታና ማዶ።

ታና ነ አይልያ ኮያ፤

ታ ነ ኪታ ዶግከ።