እ ዳንዳእዳ መቱዋ ኡባ ቆፓ።

ዎልቃማ ግድዳ ያይቆባ ፆሳስ፥

እ ኦድዳይሳ ሀሳያ።

ዎልቃማ ግድዳ ያይቆባ ፆሳስ፥

ኬ ኬፃና ጋካናዉ፥

ታ ሶ ገልከ፤

ታ ሂፃን ዝንእከ።

ዎይኮ ታና ꬍስኮይ ኤከና።

ኤፍራታን ስእዳ፤

ይኣርመ ቢታን እያ ደምዳ።

እያ ቶሆይ የꬍያ በሳን

እያ ጎይኖስ።”

ነ ምኖተꬃ ማላ ግድዳ

ነ ታቦትያራ ነ ኬꬃ ገላ።

ነ አሳይ ኡፋይሳን የፆ።

ኔኒ ትይዳ ካዋ አጎፋ።

ሀይሳዳ ያግድ ጫቅስ፤

ነ ናይታፐ እሱዋ ነ አራታን ኡትሳና።

ታ ታማርስያ ትምርትያ ናግኮ፥

ኤንታ ናይት ነ አራታን መርናዉ ኡታና” ያግስ።

ባዉ ደእያ በሲ ኦꬃናዉ አሞትድ፥

ሀይሳዳ ያግስ፤

ታኒ አሞትዳ ግሾ ሀይሳን ዳና።

እያን ደእያ ማንቆታካ ካꬅ ካልሳና።

እያን ደእያ ፅሎት ኡፋይሳን የፃና።

ታኒ ትይዳ ካዋ ካዎተꬃን ጋምእሳና።

ሽን እያ ሁጰን ደእያ ካላቻይ ጶላና” ያጋስ።