1 ሄሳፈ ጉየ፥ እስ ዶአይ አባፈ ከይሽን በአስ። እያዉ ታሙ ካጨይነ ላፑን ሁጰይ ደኤስ። ሄ ታሙ ካጨታ ቦላ ታሙ ካላቻት ደኦሶና። ሄ ሁጰታ ቦላ ፆሳ ጫሻ ሱንꬃት ፃፈትድ ኡትስ። ዳነ 7:3፤ ቆን 17:3. 2 ታ በእዳ ዶአይ ማሄ ዳኔስ፤ እያ ቶሆይ ባባንꬃ ቶሆ መላ፤ እያ ዶናይካ ጋሞ ዶና ዳኔስ። ዳወይ ባ ዎልቃ፥ ባ አራታነ ባ ግታ ማታ ሄ ዶኣስ እሚስ። ዳነ 7:4.

3 ሄ ዶኣ ሁጵያፐ እሱዋ ቦላ ሀይቆስ ጋꬅያ ማዱንꬅ በአስ፥ ሽን ሄ ማዱንꬃይ ፓፅስ። አላምያ አሳ ኡባይ ማላለትድ ሄ ዶኣ ካልስ። 4 ዳወይ ባ ማታ ዶኣስ እምዳ ግሾ አሳ ኡባይ ዳውያ ጎይንዶሶና። ቃስ አሳይ፥ “ዶኣ መል ኦኔ? እያራ ኦለታናዉ ዳንዳኤይ ኦኔ?” ያግድ ዶኣስ ጎይንዶሶና።

5 ሄ ዶኣስ ኦቶርታና መላነ ጫያና መላ ዶን እመትስ፤ ኦይታማነ ናምኡ አጌና ሃራና መላ ማት እያዉ እመትስ። ዳነ 7:8፥ 25፤ 11:36. 6 ሄ ዶአይ ፆሳ፥ እያ ሱንꬃ፥ እ ደእያ በሳነ ሳሎን ደእያ ኡባ ባደꬅ ኦይክስ። 7 ሄ ዶአይ ጌሻታራ ኦለትድ፥ ኤንታና ፆናና መላ ዎልቅ እያዉ እመትስ። ያራ ኡባ፥ ደረ ኡባ፥ ዱማ ዱማ ዶና ኡባ ቦላነ ኮቸ ኡባ ቦላ ማት እያዉ እመትስ። ዳነ 7:21. 8 አላመይ መቶሳፐ ዶምድ፥ ሹከትዳ ዶርሳ ደኦ ማፃፋን ኤንታ ሱንꬃይ ፃፈቶና ሀ ሳአን ደእያ አሳ ኡባይ ሄ ዶኣስ ጎይናና። ማዝ 69:28.

9 ስእያ ሀይꬅ ደእያ አስ ስኦ። 10 ኦንካ ድኤታናዉ ደኤይ ድኤቴስ። ማሻን ሀይቃናዉ ደኤይ ማሻን ሹከታና። ሄሳንካ ጌሻታ ዳንዳአይነ አማኖይ ኤረታና። ኤርም 15:2፤ 43:11.

11 ቃስካ፥ ሀራ ዶእ ሳአፐ ከይሽን በአስ። እያዉ ዶርሳ ካጨ ዳንያ ናምኡ ካጨይ ደኤስ፤ እያ ኦዳይ ዳወ ኦዳ መላ። 12 ሄ ዶአይ ኮይሮ ዶኣ በሳን፥ እያ ማታን ኦꬄስ። እካ ሀይቆስ ጋꬅያ ማዱንꬃፈ ፓፅዳ ኮይሮ ዶኣስ፤ ቢታን ደእያ አሳ ኡባይ ጎይናና መላ ኦꬄስ። 13 ሄ ናምአንꬆ ዶአይ ሀር አቶሽን፥ ታማ ሳሎፐ አሳ ኡባ ስንꬃን ዎꬍሳና ጋካናዉ ግታ ማላታታ ኦꬅስ። 14 ኮይሮ ዶኣ በሳን ኦꬃና መላ፥ እያዉ እመትዳ ማላታታን ሳአን ደእያ አሳ ኡባ እ ባለꬅስ። ማሻን ማዱንፅድ ፓፅዳ ዶኣ ቦንቾስ ምስለ ጊግሳና መላ ኤንታና ኪትስ። 15 ናምአንꬆ ዶአይ ኮይሮ ዶኣ ምስልያስ ሸምፖ እምድ ኦደታና መላነ እያዉ ጎይኖናይሳት ሀይቃና መላ ኦꬅያ ማት እመትስ።

16 ሄ ናምአንꬆ ዶአይ ግትነ ጉꬅ፥ ማንቆይነ ዱረይ፥ ዎማኖይነ አይለይ ባ ኡሻቻ ኩሸን ዎይኮ ባ ሶምኦን ማላ ዎꬃና መላ ኦꬅስ። 17 ሄ ዶኣ ሱንꬃይ ዎይኮ እያ ሱንꬃ ፓይዱዋ ማላይ ባይና አስ ኦንካ ባይዛናዉነ ሻማናዉ ዳንዳኤና።

18 ጭንጫተꬅ ኮሸይ ሄሳና። ኤራተꬅ ደእያ ኦንካ ሄ ዶኣ ፓይዱዋ ብርሸꬃ ኤሮ፤ ሄ ፓይዶይ አሳ ሱንꬅ። ሄ ፓይዶይ ኡሱፑን ፄታነ ኡሱፑን ታማነ ኡሱፑና።