1 Taarike Maxaafa
Gaatha Qofa
Taarike maxaafati, Sameela maxaafanne Kawota maxaafan de7iya taariketara guuthara gahetikoka, Isra7eele di7etethaafe sinthe de7iya hanotata dumma ogera qoncisosona. Taarike maxaafatan Isra7eele kawota ayso taarikey nam7u ayfe qofata birshidi odees.
1. Shempo 1-9 gakanaw de7iya kifiliyan, Addaamepe Abrahaame gakanaw, Abrahaamepe Dawita gakanaw, Dawitape Babiloone di7uwa gakanaw de7iya Isra7eele wozetetha taarike odees. Asa na7a taarikey doometida wodepe doomidi di7ope guye de7iya wode gakanaw Xoossay ba asaa waatidi dooridakonne naagidaako ha kifiley odees. Isra7eelenne Yihuda kawotethati nagara oothikoka, Xoossay ba asaas gelida ufaysa qaala Yihuda kocha baggara polidaysa ha kifiley bessees.
2. Shempo 10-29 gakanaw de7iya kifiley, Dawita kawotetha taarikiya oykis. Ha kifiliyan Dawitara de7iya mino asatinne (shem 11-12), Dawiti xoonida wolqaama xoonoti (14:18-20) sintha bessi demmidosona. Dawita wode de7iya Leeweti, kahinetinne zammaareti gita sunthu ekidosona (shem 23-26). Xoossa keetha keexiday Solomone gidikoka, xoossa keethan goyinno wogaa koyro essiday Dawita gideysa ha kifiley erisees.
Maxaafa Ayfe Qofata
Addaame kochay kawa Saa7ola gakanaw (1:1—10:14)
Dawita kawotuwanne Yerusalaame oyketetha (11:1—12:40)
Caaqo taabotey Yerusalaame yuussaa (13:1—17:27)
Dawita xoonotanne asaa taybuwa (18:1—21:30)
Dawiti xoossa keethi keexanaw giigetetha (22:1—29:20)
Solomone kawotuwanne Dawita hayquwa (29:21-30)
1
Addaamepe Abrahaame Gakanaw
(Medhe 5:1-32; 10:1-32; 11:10-26)
1 Addaamey Seeta yelis; Seeti Henoosa yelis; Henoosi Qaynana yelis; 2 Qaynani Malal7eela yelis; Malal7eeli Yaareda yelis; 3 Yaaredi Heenoke yelis; Heenokey Matusaala yelis; Matusaali Laameha yelis; 4 Laamehi Nohe yelis; Nohey Seema, Kaamanne Yaafeta yelis.
5 Yaafeta adde nayti Gamera, Maagoge, Madaya, Yawaana, Tobeela, Mosahanne Tirasa. 6 Gamera adde nayti Askanaaza, Irfatanne Tegarma. 7 Yawaana adde nayti Elisa, Tarsesa, Kiximanne Rooda.
8 Kaama adde nayti Kuusha, Mixirayma, Fuuxanne Kanaane. 9 Kuusha adde nayti Saaba, Ewulaaxe, Sabita, Ra7imanne Sabqata. Ra7ima adde nayti Saabanne Didaana. 10 Kuushi Namiruude yelis. Namiruudey biitta bolla wolqaama olancho gidis. 11 Mixiraymi Luudeta, Anamimeta, Lahabeta, Naftuheta, 12 Patroosata, Filisxeemeta, mayza gidida Kasluheematanne Qaftooreta kochata mayza. 13 Kanaaney bayra na7aa Sidoonanne iya kaaluwa Heeta yelis. 14 Kanaaney Yaabuseta, Amooreta, Gergeseta, 15 Hiweta, Arketa, Siinata, 16 Ardaaweta, Samaaretanne Hamaateta yelis.
17 Seema adde nayti Elama, Asoore, Arfakisaade, Luude, Araama, Uxi, Hula, Geteranne Mosaha. 18 Arfakisaadi Saala yelis; Saali Eboora yelis. 19 Eboori nam7u nayta yelis; issoy yeletida wode sa7i shaaketida gisho iya sunthay Faleqa geetetis; iya ishaa sunthay Yoqxaana. 20 Yoqxaani Almodaada, Salefa, Hazarmoota, Yaraha, 21 Hadoraama, Uzaala, Diqila, 22 Obaala, Abmaala, Saaba, 23 Ofira, Awulaxanne Yobaaba yelis. Haysati Yoqxaana kochata.
24 Seemape Abrahaame gakanaw de7iya yeletay haysafe kaallidi xaafetidaysata; Seema, Arfakisaade, Saala, 25 Eboora, Faleqa, Raga, 26 Saruga, Nakoora, Taaranne 27 Abrahaame geetetiya Abrame.
Isma7eela Sheeshi
(Medhe 25:12-16)
28 Abrahaame adde nayti Yisaaqanne Isma7eela. 29 Enta yeletay haysafe kaallidi xaafetis.
Isma7eela bayra na7ay Nabayoota; hessafe kallidi, Qedaare, Adbeela, Mibsaama, 30 Misima, Duma, Masa, Kudane, Teema, 31 Ixura, Nafisanne Qedima yelis. Haysati Isma7eela nayta.
32 Abrahaamey Keexurape yelida adde nayti Zimiraana, Yoqsaana, Madaane, Midiyaame, Yasboqanne Siwa. Yoqsaana adde nayti Saabanne Didaana. 33 Midiyaame adde nayti Gefera, Efera, Henooha, Abidanne Elda. Haysati Keexura kochata.
Eesawe Sheeshi
(Medhe 36:1-19)
34 Abrahaamey Yisaaqa yelis. Yisaaqa adde nayti Eesawenne Isra7eele. 35 Eesawe adde nayti Elfaaza, Ragu7eela, Ye7usa, Ya7ilamanne Qore. 36 Elfaaza adde nayti Temaana, Omaara, Sifo, Gotoma, Qeneza, Timinanne Amaaleqa. 37 Ragu7eela adde nayti Nahoota, Zaara, Saamanne Miza.
Edoomen De7ida Sayre Asata
(Medhe 36:20-30)
38 Edoomen koyro de7ida Sayre adde nayti Looxane, Sobaala, Ziba7oona, Ana, Disoona, Exeranne Disaana. 39 Looxane adde nayti Hooranne Hemaama; Looxane michiya Timnaa7o. 40 Sobaala adde nayti Aliwa, Manahoota, Ebaala, Sifanne Onaama. Xiba7oona adde nayti Ayanne Ana. 41 Ana na7ay Disoona. Disoona adde nayti Hemdaana, Esbaana, Yitraananne Kaarana. 42 Exera adde nayti Bilihaana, Zawananne Aqana. Disaana adde nayti Uxanne Arana.
Edoome Kawota
(Medhe 36:31-43)
43 Isra7eelen kawoy kawotanaape kase Edoome biittan kawotida kawoti haysafe kaallidi xaafetidaysata.
Bi7oora na7ay Balaaqi kawotis; iya katamaa sunthay Dinaaba.
44 Balaaqi hayqin, Baasora addey Zaara na7ay Yobaabi iya bessan kawotis.
45 Yobaabi hayqin, Temaana addey Husami iya bessan kawotis.
46 Husami hayqin, Moo7abe biittan Midiyaameta xoonida Badada na7ay Hadaadi iya bessan kawotis; iya katamaa sunthay Awiita.
47 Hadaadi hayqin, Masreeqa addey Samili iya bessan kawotis.
48 Samili hayqin, shaafa matan de7iya Rehoboota addey Saa7uli iya bessan kawotis.
49 Saa7uli hayqin, Akboora na7ay Ba7al-Hanani iya bessan kawotis.
50 Ba7al-Hanani hayqin, Hadaadi iya bessan kawotis; iya katamaa sunthay Paa7u. Iya machiya Mezahaaba na7e Maxireedi na7iw Mahexabeelo. Hessafe guye, Hadaadi hayqis.
51 Edoome kochata halaqati haysata; Timnaa7a, Aliwa, Yeteta, 52 Oholbaama, Ela, Pinoona, 53 Qanaza, Temaana, Mibsaara, 54 Magdelanne Irama. Haysati Edoome halaqata.