1 Yisakoora oyddu adde nayti Tola, Puuwa, Yasuubanne Shimiroona.

2 Tola adde nayti Oza, Rafaya, Yir7eela, Himaya, Yibsaamanne Shimu7eela; haysati Tola soo asaa halaqata. Enti wolqaamanne mino asi. Dawita wode enta tayboy 22,600.

3 Oza na7ay Yizraaha. Yizraaha nayti Mika7eela, Abdiyu, Iyyu7eelanne Yishiya; ha ichashati soo asaa halaqata. 4 Banta soo asaa yeletada Oza yaraape olanchoti 36,000; entaw daro machetinne nayti de7oosona.

5 Yisakoora kochaafe olanchoti banta yeletaa mazgaben taybetidi, kumethi 87,000 gididosona.

6 Biniyaame heedzu adde nayti Beella, Bekeranne Yidi7eela.

7 Beella adde nayti Eseboona, Oza, Uzi7eela, Iyarmootanne Ira; ha ichashati soo asaa halaqata. Enti wolqaamanne mino asi. Banta yeletada taybetida olanchoti 22,034 gididosona.

8 Bekera adde nayti Zamira, Iyo7aasa, Alaazara, Eliyo7ana, Omira, Iyarmoota, Abiya, Anatootanne Alemeeta. 9 Banta yeletaa mazgaben taybetida wolqaamanne mino asati 20,200 gididosona.

10 Yidi7eela na7ay Bilihaana. Bilihaana adde nayti Yi7uusa, Biniyaame, Ehuuda, Kin7ana, Zetana, Tarsesanne Aksaara; 11 haysati banta soo asaa halaqa; wolqaamanne mino asi. Banta yeletada taybetida olanchoti 17,200. 12 Sufiminne Hufimi Ira nayta. Hushimi Ahere na7a.

13 Niftaaleme nayti Yahixi7eela, Guna, Yexeranne Shilema; haysati Baala kochata.

14 Minaase kochati haysafe kaallidi xaafetidaysata. Minaase Soore laggethefe yelida adde nayti Asiri7eelanne Galada aawa Makira. 15 Makiri Hufimapenne Safimape issi issi macho ekis. Makira miche sunthay Ma7iko. Makira na7ay kaaloy Selophaada; Selophaadi macca na7a xalaala yelis.

16 Makira machiya Ma7ika Pareesanne Suroosa geetetiya nam7u adde nayta yelasu. Paaresa nayti Ulamanne Raqeema. 17 Ulama na7ay Badaana. Haysati Minaase na7aa na7a Makira na7aa Galada kochata.

18 Galada michiya Hamoleketa, Isude, Abi7ezeranne Mahila yelasu.

19 Shamida adde nayti Ahiya, Seekema, Liqanne Ani7aama.

20 Efreema na7ay Shutula; Shutula na7ay Bareda; Bareda na7ay Tahata; Tahata na7ay Elada; Elada na7ay Tahata; 21 Tahata na7ay Zabada; Zabada na7ay Shutula.

Efreemas Ederanne Elada geetetiya hara nam7u nayti de7oosona. Enti Geete asaa mehe kaysin asay enta wodhis. 22 Hessa gisho, enta aaway Efreemi daro wode azzanin iya ishati iya minthethanaw yidosona.

23 Hessafe guye, I ba machera aqis; iya qanthatada adde na7a yelasu. Efreema soo gakida iita metuwa gisho I ba na7aa Bari7a gidi sunthis.

24 She7ira geetetiya Efreema na7iya de7awusu; Garsan Beet-Horona, Qommon Uzen-Sheera geetetiya katamata keexasu.

25 Efreema adde na7ay Raafa; Raafa na7ay Resheefa; Resheefa na7ay Teela; Teela na7ay Tahana; 26 Tahana na7ay Laadana; Laadana na7ay Amhuda; Amhuda na7ay Elsama; 27 Elsama na7ay Nawe; Nawe na7ay Iyyasu.

28 Efreema kochati ekidi bantaw daana bessi oothida biittay, Beetelenne iya yuushuwan de7iya gutata; doloha baggan Na7ara, wuloha baggan Gezeranne enta yuushuwan de7iya gutata, Seekema, Ayanne enta yuushuwan de7ya gutata ubbaa oykees. 29 Minaase biitta zawan de7iya Beet-Saananne iya yuushuwan de7iya gutata, Tanakanne iya yuushuwan de7iya gutata, Magidonne iya yuushuwan de7iya gutata, Dooranne iya yuushuwan de7iya gutata. Isra7eele na7aa Yoosefa kochati ha katamatan de7idosona.

30 Aseera adde nayti Yimina, Yesuwa, Yisiwanne Beri7a; enta michiya Saraho.

31 Beri7a adde nayti Hebeeranne Berzaaweta aawa Malka7eela.

32 Hebeeri Yaafilexa, Sameera, Hotama yelis; enta miche sunthay Soosano.

33 Yaafilexa adde nayti Pasaka, Bimihaalanne Asita.

34 Sameera adde nayti Aka, Rooga, Yahuubanne Araame.

35 Hotama adde nayti Xoofa, Yimina, Selesanne Amala.

36 Xoofa adde nayti Suha, Harnefera, Sogala, Beera, Yimira, 37 Bexera, Hoda, Saama, Selisa, Yitiraananne Bi7eera.

38 Yetera adde nayti Yorona, Pispanne Ara. 39 Ula adde nayti Era, Han7eelanne Irxa.

40 Haysati ubbati Aseera kochata. Enti banta soo asaa halaqatanne dooretida wolqaamanne mino asi. Banta yeletada taybetida olanchoti 26,000 gididosona.