1 Isra7eele asa ubbay ba yeletan yeletan, Isra7eele kawota maxaafan xaafetidi de7ees.

Yihuda asay Godaas ammanetibona gisho Babiloone biitta di7etidi bidosona. 2 Koyro simmidi banta biittaninne banta katamatan uttiday guutha Isra7eele asata, kahineta, Leewetanne Xoossa keetha oosanchota. 3 Yihudape, Biniyaamepe, Efreemapenne Minaasepe guutha asati yidi Yerusalaamen de7idosona.

4 Yihuda na7aa Paaresa yaraape Utayi Yerusalaamen de7eysatas halaqa. Utayi Amhuda na7a; Amhudi Omira na7a; Omiri Imira na7a; Imiri Baana na7a.

5 Yihuda na7aa Seela yaraape Asayinne iya nayti Yerusalaamen de7eysatas halaqa.

6 Yihuda na7aa Zaara yaraape Yi7u7eeli Yerusalaamen de7eysatas halaqa.

Yihuda kochaa tayboy usupun xeetanne uddufun tamma.

7 Biniyaame yaraa halaqati haysafe kaallidi xaafetidaysata.

Masulaama na7aa Saalu, Hodawa na7aa Masulaama, Hasenaa7u na7aa Hodawa, 8 Yirohaama na7aa Yibinaya, Oza na7aa Ela, Mikira na7aa Oza, Safaaxa Masulaama, Ra7uula na7aa Safaaxa, Yibina na7aa Ragu7eela. 9 Biniyaame kochaa tayboy uddufun xeetanne ishatammanne usupuna. Haysati ubbay banta soo asaa halaqata.

10 Yerusalaamen de7ida kahineti haysafe kaallidi xaafetidaysata.

Enti Yodaha, Yoraba, Yakinanne 11 Xoossa keethan aawatiya Azaariyasa. Azaariyasi Kalqe na7a; Kalqey Masulaama na7a; Masulaami Saadoqa na7a; Saadoqi Mariyoota na7a; Mariyooti Akxooba na7a.

12 Harati qassi Yirohaama na7aa Adayanne Adi7eela na7aa Ma7iseya. Yirohaami Paskora na7a; Paskori Malkiya na7a. Adi7eeli Yahizeera na7a; Yahizeeri Masulaama na7a; Masulaami Mashilmoota na7a; Mashilmooti Imera na7a.

13 Banta soo asaas halaqa gidida kahineta tayboy 1,760. Haysati Xoossa keethan oothanaw danda7iya asata.

14 Yerusalaamen de7iya Leeweti haysafe kaallidi xaafetidaysata.

Hashuba na7ay Shamayey Maraara yara. Hashubi Aziriqaama na7a; Aziriqaami Hasabaya na7a.

15 Harati qassi Baqbaqara, Hereesa, Galaalanne Mataana. Mataani Mika na7a; Miki Zikira na7a; Zikiri Asaafa na7a.

16 Harati qassi Naxoofata gutan uttiday Abdiyunne Baraka. Abdiyuy Shama7iya na7a; Shama7ey Galaala na7a; Galaali Yedutuuna na7a; Baraki Asa na7a; Asi Elqaana na7a.

17 Kawo pengiya naageysati, Saluma, Aquba, Talmoona, Ahimaananne enta ishata; salumi enta halaqa. 18 Enti wuloha baggara de7iya, Kawo Pengiya naagidosona. Haysafe kase enti Leeweti dunkaanida gutaa naagoosona.

19 Abisaafa na7aa na7ay Qore na7ay Salumi Qore yara. Qore yaray kase Godaa Dunkaaniya naagidaysada Saluminne Qore koche gidida iya dabboti Xoossa keetha pengiya naagoosona.

20 Alaazara na7ay Pinihaasi kase Qore yaraa halaqa; Goday iyara de7ees.

21 Masulaama na7ay Zakariyasi Dunkaaniya giddo geliya pengiya naagees.

22 Pengiya naaganaw dooretidaysati kumethi nam7u xeetanne tammanne nam7a; hessati banta gutan gutan taybetidi xaafetidosona. Enta yaras ha aawatetha immiday kawa Dawitanne nabiya Sameela. 23 Hessa gisho, entinne enta nayti Xoossa keetha pengiya naagoosona. 24 Oyddu baggara dolohan, wulohan, pudehan dugehan issi issi pengey de7ees; he pengeta naageysati de7oosona. 25 He gutan de7iya enta dabboti laapuntha gallasan gallasan laametidi, naagidi enta maaddoosona.

26 Pengiya naagiya oyddu Leeweti halaqa; enti Xoossa keethaa kifiletanne kifileta giddon de7iya miisheta aawatethan aysoosona. 27 Xoossa keethaa naageynne wonta guura kariya dooyey enta gidiya gisho yan aqoosona.

28 Leewetape guuthati goyinno wode go7etiya miisheta naagoosona; he miisheta kare kesseynne soo gelsey enta. 29 Entafe issoti issoti Xoossa keethan go7etiya hara miisheta, dhiille, woyne ushshu, zayte, ixaanenne sawota aawatethan aysoosona. 30 Shin kahineta naytape baggati sawuwa walakoosona.

31 Qore kochaafe Saluma bayra na7ay Mataatas yarsho uytha uukisiya aawatethi de7ees. 32 Qahaata yara gidiya enta dabbotape baggati Sambaatan Sambaatan xarpheeza bolla wothiya uythaa giigisiya aawatethi ekidosona.

33 Leewe kochaafe guutha halaqati Xoossa keethan yexeyisata. Qammanne gallas enti oothiya gisho hara ooso oothonna Xoossa keetha dirsa giddon de7iya keethatan de7oosona.

34 Haysati ubbay Leewe soo asaa halaqata; enti Yerusalaamen de7idosona.

35 Gaba7oona aaway Yi7eeli Gaba7oona kataman de7is; iya mache sunthay Ma7iko. 36 Iya na7ay bayray Abdoona; iya nayti harati Xuraya, Qiisa, Ba7aala, Neera, Nadaaba, 37 Gadoora, Ahiya, Zakariyasanne Mikloota. 38 Miklooti Sim7a yelis. Haysati Yerusalaamen de7iya banta dabbota matan de7idosona.

39 Neeri Qiisa yelis; Qiisi Saa7ola yelis. Saa7oli Yoonataana, Malkisa, Abinadaabenne Eshba7aala yelis. 40 Yoonataana na7ay Marba7aala yelis; Marba7aali Mikiyaasa yelis.

41 Mikiyaasa nayti Pitoona, Meleka, Tare7anne Akaaza. 42 Akaazi Ya7ira yelis. Ya7iri Alemeeta, Azmaawetanne Zimira yelis. Zimiri Mooxa yelis; 43 Mooxi Bin7a yelis; Bin7i Rafaya yelis; Rafayi El7aasa yelis; El7aasi Axeela yelis.

44 Axeelas usupun adde nayti de7oosona. Enta sunthay Azirqaama, Bokeera, Isma7eela, Sha7aara, Abdiyunne Hanaana.