1 Hinte giddon laymatethi de7eysi zigiretees. Hessa mela laymatethi hari attoshin, ammanonna asayka oothokona. Hinte giddon ba aawa machera tunida asi de7ees.Zaare 22:30. 2 Hinte hessan qiirotanawunne yeellatanaw bessenne, shin otortideta. Hessa mela borsoba oothida ura hinte giddofe kessanaw bessennee?

3 Taani ashon hintera doona ixikoka ayyaanan ta hintera de7ayis. Taani hintera de7iya asada hanada hessa mela oosuwa oothida ura bolla pirdas. 4 Nu Godaa Yesuus Kiristoosa sunthan hinte shiiqiya wode taani ayyaanan hintera daana. Hessan Godaa Yesuus Kiristoosa wolqay hintera gidana. 5 He ura nagara ashoy*Nagara ashoy: Nagara medhoy woyko nagara asatethay. dhaydi, iya ayyaanay Godaa Yesuusa pirda gallasan attana mela I, Xalahes aadhidi imeto.

6 Hinte ceeqoy lo77o gidenna. Guutha irshoy munuqa ubba dentheysa ereketiyee?Gala 5:9. 7 Hinte ha77i irshoy bayna munuqa gidana mela, hintefe nagara irsho kessite. Nuus Paasika dorse gidida Kiristoosi yarshetis.Kessa 12:5. 8 Hessi gisho, geneynne iitatethi de7iya irshora gidonashin, tumatethinne geeshshatethi de7iya uythara nu baaliya bonchoos.Kessa 13:7; Zaare 16:3.

9 Ta kase xaafida dabdaabiyan hinte laymatiya asara gahetonna mela hintew odas. 10 Hessa guussay ha alamiyan de7iya laymateysatara woyko uuzetara woyko kaysotara woyko eeqa goyinneysatara polo gahetofite guussu gidenna. Hessa gidiko, ha alamiyape hinte keyanaw bessees shin attis. 11 Shin ammanayis yaagishe laymateysatara woyko uuzetara woyko eeqa goyinneysatara woyko cayeysatara woyko mathoteysatara woyko kaysotara gahetofite gada hintew odayis. Hessa mela asara hari attoshin, kathika moopite.

12 Woosa keethafe karera de7eyisata bolla pirdanaw tana aybe gathey? Woosa keethan de7eyisata bolla hinte pirdeketiyee? 13 Shin karera de7eyisata bolla Xoossay pirdana. He iitaba oothiya ura hinte giddofe kessite.Zaare 13:5; 17:7.