1 “Ta ishato, ta aawato, taani ha77i hintew immiya zaaruwa si7ite.” 2 Phawuloosi entaw Ibraawetho doonan odeysa si7idi kaseysafe aathidi si77i gidoosona. I kaallidi,

3 “Taani Kilqiyan de7iya Tersesee yeletada ha kataman diccas. Ta astamaareyka Gamaaliyale; taani nu aawata higgiya mintha tamaarida, hachi hinte ubbay haneysada Xoossas mishetiya Ayhude asi.Hawa 5:34-39. 4 Taani ha ogiya kaalliya maccatanne addeta oykada qasho keethan yeggashenne enta wodhisana gakanaw waaye bessida asi.Hawa 8:3; 26:9-11. 5 Hessadaka, kahine halaqaynne Shango ubbay tabaa markatanaw danda7ees. Taani Damasqon de7iya enta ishatas entafe dabdaabiya ekada yan de7iya asati qashetidi seeretana mela Yerusalaame enta ehanaw yaa bas.

6 “Taani bada Damasqo matida wode seeta gallas qoponna salope gita poo7oy ta yuushuwan poo7is. 7 Taani sa7an kunda de7ishin, ‘Saa7ola, Saa7ola, tana ayis yedethay?’ giya qaala si7as. 8 Taani zaarada, ‘Godaw, neeni oonee?’ yaagas. I zaaridi, ‘Taani, neeni gooddiya Naazirete Yesuusa’ yaagis. 9 Taara de7eysati poo7uwa be7idosonape attishin, taw odeysa qaala akeekibokona.

10 “Taani, ‘Godaw, ta ay ootho?’ yaagas.

“Goday taako, ‘Dendada Damasqo ba. Neeni oothana mela Xoossay oothanaw qopidaba ubbay yan new odetana’ yaagis. 11 He wolqaama poo7uwa gaason ta ayfey qooqin, taara de7iya asati ta kushiya oykidi, tana goochin Damasqo gakas.

12 “Damasqon de7iya Ayhude ubbay daro bonchiya issi Hananiya geetetiya addey, nu higgiya boncheysinne Xoossaa minthi woosseysi de7ees. 13 Hanaani taako yidi, ta matan eqidi, ‘Ta ishaw Saa7ola, xeella’ yaagis. Ellesada taani iya xeella aggas.

14 “I taako, ‘Nu aawata Xoossay neeni iya sheniya erana mela, iya xillo Na7aa be7ana melanne iya doonape qaala si7ana mela kasetidi nena dooris. 15 Neeni be7idabaanne si7idaba asa ubbaa sinthan iyaw markatana. 16 Ha77i ayis gam7ay? Dendada xammaqeta; iya sunthaa xeegada ne nagaraape meeceta’ yaagis.

17 “Taani guye Yerusalaame simmada xoossa keethan woossishin, taw qoncethi bentis. 18 Qoncethan Goday taako, ‘Ne taw markatiya markatethaa asay ekonna gisho ellesada Yerusalaamepe keya’ yaagishin taani be7as.

19 “Taani, ‘Godaw, ayhude woosa keetha ubban nena ammaneyisata oykada wadhidaysanne qasho keethan yeggidaysa enti eroosona. 20 Enti ne marka Isxifaanose wodhiya wode taani he odan issifas. Qassi enta matan eqada iya wodheyisata ma7uwa naagayis’ yaagis.Hawa 7:58.

21 “Goday taako, ‘Taani nena Ayhude gidonna asaako haahoso kiittiya gisho dendada ba’ ” yaagis.

22 Phawuloosi he qaala odidi ongana gakanaw asay I geysa si7oosona. Hessafe guye, banta qaala dhoqu oothidi, “Haysa biittafe dhaysa! I daanaw bessenna” yaagidosona.

23 Enti wocamishin, banta ma7uwa bolla holishininne baana bolla laallishin; 24 Shaalaqay be7idi wotaadareti Phawuloosa banta de7iyasuwa efana mela kiittis. Qassi asay ayis hessada wocamidaako eranaw koyidi Phawuloosa lisson garaafidi pilgana mela enta kiittis. 25 Shin wotaadareti Phawuloosa dafon minthi qachidi garaafana haniya wode Phawuloosi ba matan eqida mato halaqaako, “Roome asi pirdi bayna garaafeysi hintew wogee?” yaagis.

26 Mato halaqay hessa si7ida wode shaalaqaako bidi, “Ha addey Roome asi. Neeni ay oothanaw qopay?” yaagidi oychis.

27 Shaalaqay Phawuloosako shiiqidi, “Neeni Roome asee? Ane taw oda” yaagis.

Phawuloosi, “Ee” yaagis.

28 Shaalaqay zaaridi, “Taani ha gadetetha daro miishen shammas” yaagis.

Shin Phawuloosi, “Ta ha gadetetha yeletethan demma ekas” yaagis.

29 Hessa gisho, Phawuloosa pilganaw qopidaysati iira iyape shaaketidosona. Shaalaqay Roome asi santhalaatan qachidaysa erida wode yayyis.

30 Wontetha gallas Shaalaqay, Ayhudeti Phawuloosa ayis mootidaako geeshshi eranaw koyis. Kahine halaqatinne shangoy ubbay shiiqana mela kiittis; qassi Phawuloosa qashope bilisidi enta sinthan essis.