1 Nuuni la77atethan daana mela Kiristoosi nuna aylletethaafe kessis. Hiza, minnidi eqite; zaaridi aylletetha qambaran gelopite.

2 Ta, Phawuloosi, geysa si7ite. Hinte qaxaretanaw koyko, Kiristoosi hintena aykoka maaddenna. 3 Qaxaretiya oonika higgey kiittiya ubbaa polanaw besseysa gujada ta odayis. 4 Higge naagidi xillanaw koyeysato, Kiristoosape shaaketideta; Xoossaa aadho keehatethaafe kundideta. 5 Shin nuuni Xoossaa Ayyaana baggara ammanon xillanaw ufaysan naagoos. 6 Hiza, Kiristoos Yesuusan de7iko, siiqon qonciya ammanope attishin, qaxaretin, qaxaretonna aggin nuna aykoka maaddenna.

7 Kase hinte lo77o woxeeta, shin ha77i tumaas kiitetonna mela hintena diggiday oonee? 8 Haysa mela iita cimoy hintena xeegida Xoossaafe yibeenna. 9 Hessika, “Guutha irshoy munuqa ubbaa denthees”2 Qoro 5:6. geetetidi xaafetidaysa mela. 10 Hintew hara qofi baynaysas ta Godan ammanetayis. Shin hintena buqiya oonika Xoossafe ba pirdaa ekana.

11 Ta ishato, ta ha77i gakanaw qaxararetethi sabbakiyaba gidiko, yaatin tana ayis gooddona? Hessi tuma gidiyako Kiristoosa masqaliyaba tamaarsoy asas dhube gidennashin. 12 Hintena buqeysati qaxaretetha xalaala gidonashin, bantana qaaratiyakoka ta dosayis.

13 Ta ishato, hinte la77a daanaw xeegetideta. Gidoshin, hinte la77atethay asho amo polanaw hintew gaaso gidopo; hessafe aathidi issoy issuwa siiqon maaddite. 14 Higge ubbay, “Ase needa dosa” giya issi qaalan qashetis.Leewe 19:18. 15 Shin hinte issoy issuwara saxetiyabaanne meetetiyabaa gidiko, hinte woli wursonna mela naagetite.

16 Hiza, ta hintew odayis; Ayyaanan de7ite; hinte asho amuwa polopite. 17 Asho amoy Ayyaana amuwara morke; qassi Ayyaana amoyka asho amuwara morke. Enti issoy issuwara ixetiya gisho hinte dosiyaba oothanaw danda7eketa.Roome 7:15-23. 18 Shin Ayyaanay hintena kaalethiyaba gidiko higgey hintena haarenna.

19 Asho oosoti eretidaysata; entika, laymatethi, tunatethi, qayxe, 20 eeqa goyinno, bita, morketethi, kachi, qanaate, hanqo, bana doso, shaaketethi, iita tobbo 21 gene, matho, yethinne hessa hessa melata. Kase ta hintew odidaysada ha77ika ta hintew odayis. Haysa melabata ootheysati Xoossaa kawotethaa laattokona.

22 Shin Ayyaana ayfey, siiqo, ufaysi, sarotethi, danda7a, keehatethi, lo77otethi, ammano, 23 ashketethi, bana haaro. Haysa melabata ixiya higgey baawa.

24 Kiristoos Yesuusaba gididaysati banta ashuwa iya iita qofaranne iya amuwara issife masqaliya bolla kaqidosona. 25 Nu Ayyaanan de7iyaba gidiko, nuna Ayyaanay kaaletho. 26 Ane issoy issuwa yiloyishenne qanaatishe coo ceeqeteysa aggoos.