11
Ammano
1 Ammano guussay, demmana gidi ufaysan ammanetidi naagiyabanne nu be7onnaba be7iyada oothidi ekiyaba. 2 Beni aawati ammanon Xoossaafe markatethi ekidosona.
3 Alamey Xoossaa qaalan medhetidaysa nu ammanon eroos. Qassi bentiyabay bentonnabape medhetis.Medhe 1:1; Maz 33:6, 9; Yoha 1:3.
4 Aabeli Qaayelape aadhiya yarsho Xoossaas yarshiday ammanonna. Xoossay Aabela imuwa ufaytidi ekida wode I xillo gididaysa markatis. Aabeli hari attoshin, hayqidika ba ammanuwan ha77i gakanaw odees.Medhe 4:3-10.
5 Heenokey hayqonna salo biday ammanonna. Xoossay iya ekida gisho oonika iya be7anaw danda7ibeenna. Heenokey salo eketanaape sinthe I Xoossaa ufaysida asi gideysi odetis.Medhe 5:21-24. 6 Ammanoy bayna oonika Xoossaa ufaysanaw danda7enna. Xoossaako yaa oonika Xoossay de7eysanne bana koyeysatas woyto immeysa ammananaw koshshees.
7 Nohey buroo bentonnabas Xoossi iyaw odida wode Xoossas yayidi, bananne ba soo asaa ashshanaw ammanon markabe keexis. Yaatidi ba ammanuwan alame pirdidi, ammanon bentiya xillotethi Xoossafe ekis.Medhe 6:13-22.
8 Abrahaamey laata oothidi ekana biitta baana mela Xoossay iya xeegida wode hari attoshin, I aw biyako eronna ixikoka kiitetiday ammanonna.Medhe 12:1-5. 9 Abrahaamey Xoossay iyaw immana gida biittan bete asada de7iday ammanonna. Xoossay he immana gidaysa iyara issife laattanaw de7iya Yisaaqaranne Yayqoobara wolla dunkaanen de7is.Medhe 35:27. 10 I, Xoossay qopidi keexida xaala baasoy de7iya katamaa naagees.
11 Saara ba huuphen cimidabaa gidikoka ufaysi immida Xoossay ammanetidaysa gideysa erida gisho qanthatanaw wolqa demmiday ammanonna.Medhe 18:11-14; 21:2. 12 Hessa gisho, hayqida asi daaniya issi addiyafe salo xoolinto melanne abba gaxan de7iya tayboy bayna shafe mela zerethi yeletidosona.Medhe 15:5; 22:17; 32:12.
13 He asa ubbay bantaw geetetida ufaysaa qaala ekonna ammanon hayqidosona. Shin haahora hessa be7idi, demmidaada oothidi, ufaysan ekidosona. Qassi enti sa7an imathenne bete asi gideysa eridosona.Medhe 23:4; 1 Taari 29:15; Maz 39:12. 14 Hessada giya asay banta biitta naageysa qoncen bessees. 15 Enti he aggidi keyida biitta guye qopidaba gidiyako guye simmanaw danda7oosona. 16 Shin ha77i aadhidi lo77iya salo biitta laamotosona. Hessa gisho, Xoossay entaw katama giigisida gisho, “Enta Xoossaa” geetetidi xeegetanaw yeellatenna.
17 Abrahaamey paacetida wode Yisaaqa yarshiday ammanonna. He ufaysa qaala ekida Abrahaamey ba issi na7aa yarshanaw giigis.Medhe 22:1-14. 18 Xoossay Abrahaameko, “Ne kochay Yisaaqa baggara xeegetana” yaagidi odis.Medhe 21:12. 19 Xoossay hayqope denthanaw danda7eysa Abrahaamey ammanida gisho, Yisaaqa hayqope paxi dendidaada oothidi zaari ekis.
20 Yisaaqi wodepe hananaba eridi Yayqoobanne Eesawe anjiday ammanonna.Medhe 27:27-29, 39-40.
21 Yayqoobi hayqana hanishe, issi issi Yoosefa nayta anjidaynne guufe bolla katidi goyinniday ammanonna.Medhe 47:3; 48:1-20.
22 Yoosefi hayqanaw matida wode Isra7eele asay Gibxefe keyanaysa odidaynne ba meqethaa oothanaba enta kiittiday ammanonna.Medhe 50:24-25; Kessa 13:19.
23 Musey yeletidaape guye iya aayanne iya aaway mala lo77o na7a gididaysa be7idi heedzu ageena qottiday ammanonna; enti kawa awaajuwa babibookona.Kessa 1:22; 2:2.
24 Musey diccidaape guye Gibxe kawa na7e na7a geetetanaysa ixiday ammanonna.Kessa 2:10-12. 25 Musey nagaran guutha wodes ufaytanaape, Xoossaa asaara waaye ekanaysa dooris. 26 I wodepe demmana woytuwa tishshi oothidi xeellida gisho, Gibxe shaluwape aathidi Kiristoosa gisho boretanaysi daro aadhiya duretethi gididaysa eris.
27 Musey Kawa hanquwa yayyonna, Gibxefe keyday ammanonna. Bentonna Xoossaa be7ida asada hanidi ba qofan gencis. 28 Hayqo ehiya kiitanchoy Isra7eele asaa bayra nayta wodhonna mela Musey Paasikanne suutha wurxetha wogaa oothiday ammanonna.Kessa 12:21-30.
29 Isra7eele asay mela biittara hemetiyada hemetidi, Zo7o Abbaa pinniday ammanonna. Shin Gibxe asay gelanaw paacidi be7iya wode haathay enta mittis.Kessa 14:21-31.
30 Isra7eele asay Iyaarko katamaa shucha dirsaa laapun gallas yuuyidi, kundisiday ammanonna.Iyya 6:12-21. 31 Laymiya Ra7aaba biitta wocheyisata mokida gisho, kiitetonna asaara hayqonna attiday ammanonna.Iyya 2:1-21; 6:22-25.
32 Hiza, haraa ta ay go? Gediyoonaba, Baaraqaba, Samsoonaba, Yoftaaheba, Dawitaba, Sameelaba, qassi nabetaba odanaw taw wodey gidenna.Ayse 6:11—8:32; 4:6—5:31; 13:2-16; 11:1-12; 1 Same 16:1; 1 Kawo 2:11; 1 Same 1:1-25. 33 Enti ammanon kawotethata xoonidosona; xillotethan aysidosona; Xoossay immana gida ufaysaa ekidosona; gaammota doona gordidosona;Daane 6:1-27. 34 tama wolqaa toysidosona; morketa mashshafe attidosona; banta daaburan minnidosona; olan wolqaama gididosona; allaga toora goodidosona.Daane 3:1-30. 35 Maccasati banta hayqidaysata hayqope paxin ekidosona.
Qassi harati aadhiya hayqope dendo ekanaw koyidi qashope biletanaysa ixidosona.1 Kawo 17:17-24; 2 Kawo 4:25-37. 36 Harati asan boretidi lisson garaafetidosona; harati santhalaatan qashetidi qasho keethan yegetidosona.1 Kawo 22:26-27; 2 Taari 18:25-26; Ermi 20:2; 37:15; 38:6. 37 Enti shuchan cadetidosona; magaazen nam7a keyidi phalqetidosona; paacetidosona; mashshan hayqidosona; entaw ubbabay dhayin metootidosona. Dorsa itenne deesha ite ma7idi yuuyidosona.2 Taari 24:21. 38 Entaw ha alamey giigonna ixin mela biittan, dere bolla, gongoloninne olla giddon yuuyidosona.
39 Xoossay enta ammanuwaba markatikoka, he ubbay geetetida ufaysa qaala ekibookona. 40 Xoossay nuus lo77oba qopi wothida gisho enti nuuni bayna polo gidokona.
11:3 Medhe 1:1; Maz 33:6, 9; Yoha 1:3.
11:4 Medhe 4:3-10.
11:5 Medhe 5:21-24.
11:7 Medhe 6:13-22.
11:8 Medhe 12:1-5.
11:9 Medhe 35:27.
11:11 Medhe 18:11-14; 21:2.
11:12 Medhe 15:5; 22:17; 32:12.
11:13 Medhe 23:4; 1 Taari 29:15; Maz 39:12.
11:17 Medhe 22:1-14.
11:18 Medhe 21:12.
11:20 Medhe 27:27-29, 39-40.
11:21 Medhe 47:3; 48:1-20.
11:22 Medhe 50:24-25; Kessa 13:19.
11:23 Kessa 1:22; 2:2.
11:24 Kessa 2:10-12.
11:28 Kessa 12:21-30.
11:29 Kessa 14:21-31.
11:30 Iyya 6:12-21.
11:31 Iyya 2:1-21; 6:22-25.
11:32 Ayse 6:11—8:32; 4:6—5:31; 13:2-16; 11:1-12; 1 Same 16:1; 1 Kawo 2:11; 1 Same 1:1-25.
11:33 Daane 6:1-27.
11:34 Daane 3:1-30.
11:35 1 Kawo 17:17-24; 2 Kawo 4:25-37.
11:36 1 Kawo 22:26-27; 2 Taari 18:25-26; Ermi 20:2; 37:15; 38:6.
11:37 2 Taari 24:21.