12
Galata Mazmure
1 He wode hinte haysada yaagidi yexana.
“Godaw, neeni ta bolla hanqetadasa;
shin ha77i ne hanquwafe simmadasa.
Tana minthethadasa;
hessa gisho, taani nena galatayis.
2 Xoossay ta atotetha;
taani iyan ammanetayis, yayike.
Goday Xoossay, ta wolqaanne yethaa;
I ta atotetha”Kessa 15:2; Maz 118:14. yaagana.
3 Atotetha pultuwafe
hinte haathe ufaysan duuqana.
4 He gallas hinte yaagidi yexana:
“Godaa galatite!
Iya sunthaa xeegite.
Iya oosota kawotethata ubbaas odite;
I gita gideysa awaajite.
5 Goday gita ooso oothida gisho, iyaw yexite;
haysi sa7a ubban ereto.
6 Isra7eele Geeshshay hinte giddon gita gidiya gisho,
Xiyoone asaw, ililite, ufaysan yexite!” yaagana.