13
1 Ha ubbaa ta ayfey be7is;
ta haythay si7idi akeekis.
2 Hinte ereysa taka erayis;
taani hintefe guuxike.
3 Shin taani Ubbaa Danda7iya Xoossara odetanaw koyayis;
taani ta metuwaba iyara mootetanaw amottayis.
4 Shin hinte wordon kammeyisata;
hinte ubbayka pathonna aakimeta.
5 Hinte si77i gidaba gidiyako,
cinca gidi bentanashin!
6 Ha77i ta mootuwa si7ite;
ta doonape keya palama hayzite.
7 Hinte Xoossaa gisho wordo odeteetii?
Iya gisho gidi cimon odeteetii?
8 Hinte iya maaddiyabay de7ii?
Woyko iyaw xabaqa eqidi mootetetii?
9 I hintena pilgi xeelliyako hintefe lo77oba demmanee?
Hinte ase cimmeysada iya cimmanaw danda7eetii?
10 Hinte geeman asa som7o be7idi maaddiko,
I tuma hintena seerana.
11 Iya bonchoy hintena daganthennee?
Iya teemay hintena yashshennee?
12 Hinte odida leemisoy bidintha mela pathonnaba;
hinte mootoy biittafe medhetida gondalle mela.
13 Ane si77i giite; ta odetana;
hizape hanidabay hano.
14 Taani tanatethaa ayis meton yeggiyana?
Ta de7uwa ayis ta kushen oykiyana?
15 Xoossay tana wodhikoka taani iya danda7an naagana;
taani ta metuwa iya sinthe shiishana.
16 Nagarancho asi iya sinthe shiiqanaw danda7onna gisho;
ooni eri ta xaalatethay atotethas gaaso gidanaw danda7ees.
17 Ta haasaya akeekidi si7ite;
ta oday hinte haythan gelo.
18 Ha77i taani ta metuwa eka shiiqas;
I taw pirdanaysa erayis.
19 Tana mootana asi de7ii?
De7iko taani si77i gada hayqana.
20 Xoossaw ne taw ha nam7ubata ootha;
yaatiko ta ne sinthafe geemmike.
21 Ne seera kushiya taape dentha;
tana dagantheysa agga.
22 Hessafe guye, tana xeega; ta koyana;
Woyko ta odana, ne taw zaara.
23 Ta balaynne nagaray aapunee?
Ane ta naaquwanne ta nagaraa tana bessa.
24 Neeni ayis ne som7uwa taape genthay?
ne morkeda ayis tana taybay?
25 Carkoy efiya kaliya ayis un7ethay?
melida punuwa ayis yedethay?
26 Neeni ta bolla xaafida mootoy camo;
ta na7atetha balaka aggabaaka.
27 Neeni ta tohuwa duxadasa;
ta tanguwa ubbaa wochaasa;
ta tohoy yedhiyasuwa kaallasa.
28 Hessa gisho, taani wooqida mithada;
bili mida afilada wurayis.