3
Yoonasi Nanawe Buussaa
Godaa qaalay nam7antho Yoonasako haysada yaagidi yis. “Dendada gita katamaa Nanawe ba; ta new odiya qaala entaw awaaja” yaagis.
Yoonasi Godaas kiitetidi Nanawe bis. Nanawey daro gita katama. Ha gaxape hini gaxa gakanaw heedzu qamma hemethees. Yoonasi katama gelidi issi gallasa oge hemetidi, “Nanawey oytamu*Ibraawetho doonan xaafetidaysan oytamu giya wode hara kase birshethati heedza goosona. gallasape guye dhayana” yaagidi awaajis.
Nanawe asay Xoossaa ammanidosona. Xooma awaajidosona; guuthafe gita gakanaw asi ubbay kayo ma7o ma7idosona.
Nanawe Asay Godaako Simuwa
Nanawe kawoy he oda si7ida wode ba kawotetha araatape wodhidi, kawotetha ma7uwa qaaridi kayo ma7o ma7idi bido bolla uttis. Nanawe deriyas haysada yaagidi awaajisis: “kawapenne iya moorinatape keyida kiittada hachife doomidi hinteranne hinte mehetara, aybibaaka moonna mela uyonna mela. Asinne mehe ubbay kayo ma7o ma77o. Issi issi asi minthidi Xoossaako waasso. Ba iita ogiyape simmo, ba iita oosuwaka aggo. Xoossay nuus qadhetidi, nuuni dhayona mela ba wolqaama hanquwafe simmaneko ooni eri!” yaagis.
10 Enti banta iita ogiyape simmidaysa Xoossay be7ida wode entaw qadhetidi enta bolla ehana gida iitaba aggaagis.

*3:4 Ibraawetho doonan xaafetidaysan oytamu giya wode hara kase birshethati heedza goosona.