22
Yaagano Xeessa Leemiso
(Luqa 14:15-24)
1 Yesuusi asaas zaaridi haysada yaagidi leemiso odis. 2 “Xoossaa kawotethay ba na7aas yaagano giigisida kawa daanees. 3 He kawoy yaagano yaana mela odi wothida asata xeeganaw ba aylleta kiittis. Shin asati yaanaw koybookona. 4 Qassi hara aylleta xeegidi, xeegetida asatako bidi, ‘Taani ta sangatanne modhida gatarmenthota shukas; ubbabay giigis. Ta yaaganuwa haa yiite yaagite’ yaagidi kiittis. 5 Shin xeegetidaysati xeessaa ixidi, banta oosos oosos bidosona. Issoy ba goshshas, hankoy ba zal7iyas bis. 6 Harati qassi kawa aylleta oykidi, kawushi wadhidi wodhidosona.
7 “Kawoy daro yilotidi, ba wotaadareta yeddidi shempo wodhidaysata wodhisis, enta katamaka xuuggis. 8 Hessafe guye, ba aylletako, ‘Yaaganoy giigis, shin xeegetidaysati yaaganuwas bessiya asi gidokona. 9 Hessa gisho, wogga ogeta bidi, demmida asi ubbaa yaaganuwa yaana mela xeegite’ yaagis. 10 Aylleti ogiya bolla bidi banta demmida asi ubbaa lo77otanne iitata ehidi yaagano shaqara gelsidi kunthidosona.
11 “Shin kawoy kathaa maanaw uttida asaa be7anaw gelida wode yaagano ma7o ma7iboona issi asi demmis. 12 Iyako, ‘La, ne yaagano ma7o ma7onna waanada haysa geladii?’ yaagis. Shin uray si77i gis.
13 “Kawoy ba aylletako, ‘Ha uraa kushiyanne tohuwa qachidi, kare dhumaa kessi yeggite. Yan iyaw yeehonne acha garcethi gidana’ yaagis.Maato 8:12; 25:30; Luqa 13:28.
14 “Hessadaka, Xoossaa kawotethaas xeegetidaysati daro shin dooretidaysati guutha” yaagis.
Giiraba
(Mar 12:13-17; Luqa 20:20-26)
15 Hessafe guye, Farsaaweti bidi, Yesuusa waati odan oykaneeko zoretidosona. 16 Banta tamaaretanne Herodiisa baggatape issota issota kiittidosona. Entika, “Astamaariyaw, ne tuma odeysa nu eroos. Neeni asape ase shaakaka, asa woygandes gada aykoka oothaka, Xoossa oge tumatethan tamaarsaasa. 17 Ane nuus oda, nuuni Roome Kawas giira giiranaw bessi bessennee?” yaagidosona.
18 Shin Yesuusi enta iita qofaa eridi, “Ha cubboto, tana ayis paacetii? 19 Giira giiriya miishiya tana bessite” yaagis. Entika iyaw santime ehidosona. 20 I, “Ha sunthaynne misiley oodebayee?” yaagis.
21 Enti, “Roome Kawoysa” yaagidosona.
Yaatin Yesuusi entako, “Hiza, Kawas besseysa kawas, Xoossas besseysa Xoossas immite” yaagis.
22 Enti hessa si7ida wode malaaletidi iya matape aggidi bidosona.
Hayqope Dendoba
(Mar 12:18-27; Luqa 20:27-40)
23 He gallas hayqope dendoy baawa giya Saduqaaweti Yesuusako yidi, yaagidi iya oychidosona.Hawa 23:8. 24 “Astamaariyaw, ‘Musey, issi asi na7a yelonna hayqiko, he hayqidaysa ishay iya machiw ekidi, ba ishaas na7a yelo’ yaagidi kiittis.Zaare 25:5. 25 Nu eriya laapun ishati de7oosona. Bayray macho ekidi na7a yelonna hayqis. Iya machiw iya kaalo ishay ekis. 26 Hessadaka, he maccasiw ekida nam7anthoyka, heedzanthoyka, bidi laapunati wurana gakanaw ubbay hayqidosona. 27 Ubbaafe guye he maccasiya hayqasu. 28 Yaatin, laapunati ubbay iyo ekida gisho, hayqope dendiya gallas, he maccasiya laapunatape awusas macho gidanee?” yaagidosona.
29 Yesuusi zaaridi, “Hinte Xoossaa qaalay tamaarsiyaba woyko iya wolqaa eronna gisho baleeta. 30 Asay hayqope dendiya wode salon de7iya kiitanchota mela gidanaape attishin, ekokona gelokona. 31 Qassi hayqida asati hayqope dendanaba Xoossay hintew odidaysa nabbabibeketii? 32 Xoossay, ‘Taani Abrahaame Xoossaa, Yisaaqa Xoossaa, Yayqooba Xoossaa’ yaagis. Hessa gisho, Xoossay paxa de7eyisata Xoossaafe attishin, hayqidaysata Xoossaa gidenna”*Xoossay paxa de7eyisata Xoossaafe attishin, hayqidaysata Xoossaa gidenna: Yesuusi ha bessan odey Xoossay ha hayqida heedzatas Xoosse gidiko enti de7on de7oosona yaageysa. yaagis.Kessa 3:6.
33 Daro asay hessa si7idi, iya timirtiyan malaaletidosona.
Ubbaafe Bayra Kiita
(Mar 12:28-34; Luqa 10:25-28)
34 Yesuusi Saduqaawetas gaanaba dhaysidaysa Farsaaweti si7ida wode issife shiiqidosona. 35 Enta giddofe issi higge astamaarey Yesuusa paace oysho oychis. 36 “Astamaariyaw, higge ubbaafe aadheysi awusee?” yaagidi oychis.
37 Yesuusi zaaridi, “ ‘Ne Godaa, ne Xoossaa, ne kumetha wozanape, ne kumetha shempuwafe, ne kumetha qofaape dosa.Zaare 6:5. 38 Ubbaafe aadheysinne bayra kiitay haysa. 39 Nam7antho ubbaafe aadhiya kiitay, ase ubbaa ne huuphiya ne doseysada dosa’ yaageysa.Leewe 19:18. 40 Muse higgeynne nabeta timirtey ubbay ha kiitata bolla katoosona” yaagis.Luqa 10:25-28.
Kiristoosi Oodde Na7ee?
(Mar 12:35-37; Luqa 20:41-44)
41 Farsaaweti issi bolla shiiqidi de7ishin, Yesuusi entana, 42 “Kiristoosaba hinte woygetii? I oodde na7ee?” yaagidi oychis.
Enti, “I Kawa Dawita na7a” yaagidi zaaridosona.
43 Yesuusi entako, “Yaatin, Dawiti Geeshsha Ayyaanan gididi waatidi Kiristoosa, ‘Godaa’ gidi xeegii? Dawiti gishe,
44 “ ‘Godaa Xoossay, ta Godaako,†Ta Godaako: Ha bessan Dawiti ta Godaa gidi xeegey Kiristoosa.Maz 110:1.
ne morketa ne tohoy yedhiyaso oothana gakanaw,
haysan taape ushacha baggan‡Ushacha baggan: Maatanne boncho bessi. utta’ gis.Maz 110:1.
45 Hiza, Dawiti Kiristoosa Godaa gidi xeegiko, waanidi Kiristoosi Dawita na7a gidii?”
yaagis.
46 Yesuusas issi qaala zaaranaw danda7ida asi oonika baawa. Qassi he gallasape doomidi hara oysha oychanaw oonika danda7ibeenna.
22:13 Maato 8:12; 25:30; Luqa 13:28.
22:23 Hawa 23:8.
22:24 Zaare 25:5.
*22:32 Xoossay paxa de7eyisata Xoossaafe attishin, hayqidaysata Xoossaa gidenna: Yesuusi ha bessan odey Xoossay ha hayqida heedzatas Xoosse gidiko enti de7on de7oosona yaageysa.
22:32 Kessa 3:6.
22:37 Zaare 6:5.
22:39 Leewe 19:18.
22:40 Luqa 10:25-28.
†22:44 Ta Godaako: Ha bessan Dawiti ta Godaa gidi xeegey Kiristoosa.
22:44 Maz 110:1.
‡22:44 Ushacha baggan: Maatanne boncho bessi.
22:44 Maz 110:1.